Mateus 23:15 - Kaxinawá Bíblia (BR)

¹⁵ Hanua maturã, Deusũ hãtxa kenenibu yusĩnanãmisbu inũ fariseubu mã beparamebuũ, maĩ bukĩ iãnẽwã pukebaini bushũ nawa betsa matu keska judeu wanũ ishũ hatũ xinã betsa wamakĩ hatu ikũwãmanũ, iwanã, matũ beya mirima mã hatu tapĩmakĩ matũ txakabu mã hatu binumaibuwẽ taeshũ Deusũ hatu kupihairakĩ txi merã hatu urẽa hiwetxakashãkanikiki.

Kashinawa : Diosun Jesúswen taexun yuba bena yiniki

¹⁵ Janua matudan, Diosun jancha kenenibu yusinananmisbu inun fariseobu man bepadamebuun, main bukin ianenwan pukebaini buxun nawa betsa matu keska judio wanun ixun jatun shinan betsa wamakin jatu ikunwanmanun, iwanan, matun beya midima man jatu tapinmakin matun chakabu man jatu binumaibuwen taexun Diosun jatu kupijaidakin chi medan jatu udean jiwechakaxankanikiki.

Mateus 23:15 Referans Kwoze

Efésios 2:3

Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.

Hechos 13:43

hanushũ judeubu itxapabu inũ nawabũ judeubũ beya txibãmis itxapabũri Jesuskiri kakape hãtxa ikũwãkĩ Paulo inũ Barnabé nĩkakubainaibu txĩtuãma hau pepawẽ Deus benimawakubaĩshanũbũ hatu yusĩnibukiaki.

Hechos 13:10

huni mukaya Elimas yuikĩ: —Diabo Satanásã bakeẽ, parananaĩ txani txakai dasibi pepaki mĩ sinatamiski. Haskai Yavé Deuskiri txani txakai Deuskiri bai mĩ nuku yushtu wamakatsis ikai?

Hechos 14:2

hanushũ ha judeu betsabũ hatũ hãtxa danãkĩ nawabuki txani txakakĩ Jesus ikũwaĩbuki xinã txakakĩ hatukiri txakabu yuibaunaibũ

João 8:44

Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.

Gálatas 6:12

Hi cruzkia mawakĩ nukũ txakabu Cristõ buaniki, haska hari hãtxakatsi ikama ha yusĩnanaĩ parananaĩbũ hau judeubũ hatu dakewakĩ danãkĩ hatu bika tenemayamanũbũ ishũ hau hatukiri pe xinãnũbũ, iwanã, nĩkamas maturi hina kubitxi meshtekatsis ikanikiki. Hatu uĩrakãwẽ.

Gálatas 4:17

Haskakĩ Jesus ikũwaĩ matxupabu huĩti txakabuyabũ judeubũ beya matu txibãmakatsis ikĩ tari matu pashkanũ, iwanã, matu hawenawakĩ habũ yusĩa besti matu txibãmakĩ hawẽ tsumabu matu wakatsis ikanikiki.

Mateus 5:22

Hawẽ hãtxa ikũki. Ana habiasri matu yusĩnũ nĩkakãwẽ. Tsuara yura betsaki sinatakĩ detekatsi ikĩ mã xinãkubainaiwẽ taeshũ Deusũ matu kupishanikiki, matũ xinã txakabuwenã. Ha inũ, tsuara yura betsaki sinatakĩ itxakĩ: “Mĩ unaĩsmapaki”, ikubaĩmisbu hau shanẽ ibubũ kupishanũbũwẽ. Hamẽ ana yura betsaki sinatatxakayamakĩ txitekĩ: “Mĩ hawa unãmahairaki”, ikubaĩmisbu txi hawa nukaisma anu Deusũ urẽkatsi manakubainikiki.

Hechos 17:13

hatu haska wamaya Beréia anushũ Deusũ Messias kakapekiri Paulõ hatu yusĩaĩ judeubu Tessalônica anuabũ nĩkakĩ unãtã hawairabirani beshũ Paulokiri txani txakabaũkĩ Beréia anu hiweabu hatu xinã betsa wamakĩ yurabu hatu itimaska wai berukubaunaibũ

Hechos 14:19

ha hatu haska waibũ judeubu Antioquia anua inũ Icônio anuabu beshũ Paulo inũ Barnabékiri txani txakakĩ yurabu parãkĩ hatu xinã betsa wamatã hatu itimaska wamabaũkĩ Paulo besti betxishũ mãkãwẽ tsaka tsaka akabu Paulo di ikaya: “Ma mawaki”, ishũ txaka urẽmisbu anu sharabaĩ urẽtanabu dakakẽ

Hechos 2:10

Frígia anuabu inũ, Panfília anubu inũ, Egito anuabu inũ, Líbia mai pakea Cirene dapi anuabu inũ, Roma anuabu inũ,

Hechos 6:5

haska hatu yuiabu nĩkatã dasibitũ habias xinãwãtã hanushũ hatu katukĩ huni xinãyã inũ unãnepabu Deusũ Yushĩ Pepatũ kuxipayabu katukĩ hati anibukiaki. Estêvão inũ, Filipe inũ, Prócoro inũ, Nicanor inũ, Timão inũ, Pármenas inũ, nawa betsa Antioquia mae ewapanu hiweshũ judeubũ beya tapĩni Nicolau hati hatu katubaĩ

Ester 8:17

hanira província tibi inũ mae tibi inũ hiwebaunabu anu shanẽ ibuhairatũ yunuti bei hikiabu yununikabũ hatu banabimabuwẽ taea Judeu nawabu benima txakayamai piti washũ pi besibaunaibũ ha dikabi Judeu nawabũ hatu maematã hamapai sharabu haya hatu mebĩtirubuwẽ taea hatuwẽ datei nawa betsa betsapabia: “Nũ Judeu nawaki”, ikubainibukiaki.

Mateus 5:29

Haskawẽ taea mĩ beru betsawẽ hawara uĩ mĩ kemuai beru betsa tseka keskatã hawara xinãkĩ mĩ txakabuwai hawaira henekubaĩkãwẽ. Mĩ beru dabeyarã, hanu txi nukaisma anu matu puta pemahairaki. Hakia beru bestitxai keskaya Deusbe hiwei kai peki.

Mateus 3:7

hanua Joãonẽ hau ea naximanũ ika saduceubu inũ fariseubu bebirã bebiranaibu hatu yuikĩ: “Maturã mã paranãbuki, dunũ hatu pimis keskaburã. Mã haska keska matuki Deus sinatakĩ matu kupihairashanaiwẽ taea matũ xinã betsa wakãwẽ. Haskatã matũ txakabu mã ma beshtekea shabakabi mã ea uĩmaya ẽ matu naximashanaii.

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.