Mateus 18:22 - Kaxinawá Bíblia (BR)

²² Jesusũ nemakĩ: —Haskamaki. Metutiki bestimaki. Hakia mĩ txakabu Deusũ mia tanaismaki. Haskawẽ taeshũ hawẽ txakabu tanama hakimakũkaĩshãwẽ— iwanã,

Kashinawa : Diosun Jesúswen taexun yuba bena yiniki

²² Jesúsun nemakin: —Jaskamaki. Metutiki bestimaki. Jakia min chakabu Diosun mia tanaismaki. Jaskawen taexun jawen chakabu tanama jakimawakunkainxanwen— iwanan,

Mateus 18:22 Referans Kwoze

Colosenses 3:13

Haska inũ, tsuabũra matu txakabuwaya hawaira haki sinatama tenetã merabenaĩ hatũ txakabu hakimatã ana hakiri xinãyamakubaĩkãwẽ, nukũ Shanẽ Ibũ matũ txakabuwẽ Deus matuki sinatai buashuni keska wakinã.

Marcos 11:25

Haska inũ, Deus dayui habe hãtxakĩ tsuãra hawara matu txakabuwaxina haki sinatabiatã hawaira habe daekubaĩkãwẽ, ana has xinãmarã. Mã haskaibu matũ txakaburi Deusũ matu buashũtã ana xinãma iriashanikiki.

Efésios 4:31

Haska inũ, harakirira matu txakabuwabu has xinaĩ mã amua nimis, inũ mã pubẽhairamis inũ, mã sinatamis inũ, mã kũyã itxakayamamis inũ, sheti ikama mã ha imis inũ, hamapai txakabu betsa betsapa matũ hashpa anua kaĩmisrã, matubunã, puta keyurikãwẽ.

Romanos 12:21

Ha inũ, hau txakabũ matu maemakĩ binuyamanũ haskawẽ taea matunã, pepawakĩ txakabu binumakubaĩkãwẽ.

Miquéias 7:19

Nukũ txakabu maiwakĩ inũ ianẽwã merã pukua keska watã nuku heneama nukuwẽ ana nuikũkaĩshãwẽ.

Efésios 4:26

Ha inũ, maturã, tsuara mã sinatamisrã, ana hawẽ txakabuyamakãwẽ. Tsukira sinatabiatã ana manai hatishuĩra bari txai tanama ushariama daenamekubaĩkãwẽ.

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

1 Timóteo 2:8

Haska inũ, betsarã, hanishũra ikũwaĩbũ Deus kẽwãnũ ika itxa hunibu hau mexãtã Deusbe hãtxakubainũbũwẽ. Haskai Deusbe hãtxai haska bestiama haska Deusũ abuai benimawai besti hiwei hawa tsuki sinatama tsua ha akama hau pe besti meribi hiwekĩ hatu uĩmakubainũbũwẽ.

Mateus 18:23

miyuiwẽ habiaskari nuku dasibi yusĩkĩ: —Deus shanẽ ibui haskamiskiri matu yusĩnũ nĩkakãwẽ. Shanẽ ibuhaira hawẽ tsumabũ deveabu pewanũ, ishũ hawẽ tsuma betsabu yunukĩ: “Ea deveabu ea ishũtãkãwẽ”, hatu wa huni betsã itxapahaira devea iweshunabu