Mateus 1:22 - Kaxinawá Bíblia (BR)

^22-23 Haska Jesus kaĩtã bebũkiri haskanũbariai hawẽ hãtxa yuishunika Isaías Deusũ yuikĩ: “Uĩa. Hunĩ txutariama txipaxã bake bima huni bake kaĩyã kenakĩ: ‘Deus nukube hiweaki’, ashãkanikiki, Hebreu hãtxawẽ, ‘Emanuel’, wakinã”, aka nĩkatã kenenikẽ habias haska dasibi bebũkiri inũbariai txanini Deusũ shabakabi hatu unãmaniki, haska hawẽ hãtxa yuishunika kenemani keska menekinã.

Kashinawa : Diosun Jesúswen taexun yuba bena yiniki

^22-23 Jaska Jesús kaintan bebunkidi jaskanunbadiai jawen jancha yuixunika Isaías Diosun yuikin: “Uian. Junin chutadiama chipashan bake bima juni bake kaian kenakin: ‘Dios nukube jiweaki’, axankanikiki, hebreo janchawen, ‘Emanuel’, wakinan”, aka ninkatan keneniken jabias jaska dasibi bebunkidi inunbadiai chanini Diosun xabakabi jatu unanmaniki, jaska jawen jancha yuixunika kenemani keska menekinan.

Mateus 1:22 Referans Kwoze

Lucas 24:44

yuikĩ: —“Moisés yusĩni hãtxa inũ Deusũ hãtxa yuishunika betsabũ yusĩni hãtxa inũ Davĩ hawẽ nawakĩ kẽwãti hãtxa Salmoswẽ Deus yubakaniki, hau dasibi haskashanunã”, iwanã, yuinibu ẽ mawariama matu anushũ habiaskari matu yusĩkĩ dasibi ekiri na kenenibu bebũkiri ẽ matu yuikubainimaki— iwanã,

Hechos 3:18

Ha mã haska waimakirirã, bebũkiri Deusũ hawẽ hãtxa yuishunika dasibibu hakiri txanikĩ nukunabu yuikĩ: “Hawẽ Messiasrã, nuitapatã mawashanikiki”, anirã, haska yuini keska wakĩ Deusũ ma hatu menemaimaki.

João 18:9

bebũkiri Jesusũ yuikĩ: “Epaã, mĩ ea yununi ẽ tsua hatu benuamaki”, akĩ Jesusũ yuishuwẽ taeshũ: “Ẽ haibuaibu meyamakãwẽ”, akĩ Jesusũ hatu nemaniki.

Esdras 1:1

Pérsia nawa shanẽ ibuhaira Cirõ hatu shanẽ ibushuni taekaĩkĩ ano bestitxai yunukĩ taewabaĩkĩ haska Senhor Deusũ hãtxa yuishunika Jeremias Deusũ yuimani keska hau Cirõ ashanũ Deusũ hawẽ shinã unãmaiwẽ taeshũ shanẽ ibuhaira Cirõ hawẽ yunuti hãtxa hau dasibibũ nĩkanũbũ hãtxawẽ hatu yuitã keneri hatu buma akeakekĩ Cirõ hatu yuikĩ:

João 17:12

Na enaburã, mai anua hatube hiweshũ mĩ kena kuxipa mĩ ea inãniwẽ txakabu nemakĩ ẽ hatu mekekubirãxinaki, hawa hatu benuamarã. Judas besti haska hakiri kenenibu keska aki ma benuni iki kashuki.

João 15:25

Haskakẽ Deusũ hãtxa yuishunikã yuikĩ: ‘Hawamawẽ taeshũ itxakawakĩ ea danãnibuki’, iwanã, keneni keska menekĩ ea danãkanikiki.

João 10:35

Haskawẽ taeshũ mã danãtirubumaki. Haskakẽ hawẽ hãtxa hatu yunukĩ: “Mã deusbuki”, aki nishũ

Mateus 13:21

xinã pewamawẽ taeshũ hawẽ hiwepanã Deusũ hãtxa danãmakĩ hatu bika wakĩ hawẽ hamapaiwẽ hatu itxakawabu tenei hawawẽ haskatima ha uĩtã ana hawẽri txĩtũbaĩmisbuki.

Mateus 12:17

Habiaskari bebũkiri Jesuskiri hawẽ hãtxa yuishunika Isaías Deusũ yuikĩ:

Mateus 8:17

Deusũ hãtxa yuishunika Isaíasĩ yuikĩ: “Deusũ Katuatũ nũ isĩ teneai maĩwãkĩ nuku shushawashanikiki”, akĩ hatu bebũkiri yuini Jesusũ habiaskari wakĩ hatu anikiaki.

Mateus 5:17

ana hatu yusĩkĩ: —Eãnã, Deusũ hãtxa yuishunikabubetã haska Moisés yusĩnikiri nemanũ ika ẽ huamaki. Haska ekiri xinãyamakãwẽ. Hatũ hãtxa beshtenũ ika ẽ huama hakia Deusũ hãtxa ikũ kayabi shabakabi matu yusĩnũ ika ẽ huniki.

Apocalipse 17:17

Ha inũ, ha dez shanẽ ibubunã, ha yuinaka mese merabewakĩ habũ kuxipa inãkĩ habũ hawẽ yunua txibãkatsis ikĩ haska Deusũ hatu haska wamakatsis ikai hatũ huĩti merã hatu xinãmaya haska yubakani menemakĩ Deusũ hatu amakubaĩshanikiki.

Romanos 1:2

Bebũkirihaira ha dukũ Deusũ hãtxa meribi kenenibu anu hawẽ bakewẽ yubakanikiri hawẽ hãtxa yuishunikabu Deusũ hatu kenemani nũ unaiĩ.