Marcos 6:41 - Kaxinawá Bíblia (BR)

⁴¹ Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi tũke tũke apakekĩ hawẽ tsumabu inãkĩ hatu yunua ha yurã kaiã inãbaunaibũ hanushũ baka daberi hatu inã hari hatu inã keyuabu

Kashinawa : Diosun Jesúswen taexun yuba bena yiniki

⁴¹ Jesúsun ja misi meken besti inun baka dabe tsumaxun naiudi teskanxun uinkin pitikidi Dios kenwantan misi tunke tunke apakekin jawen tsumabu inankin jatu yunua ja yudan kaian inanbaunaibun januxun baka dabedi jatu inan jadi jatu inan keyuabu

Marcos 6:41 Referans Kwoze

Mateus 14:19

hanushũ yurã kaiã yunukĩ: —Ha basiki shukuakeakea tsaukãwẽ— hatu wa manibaunaibũ Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi inũ baka tũke tũke apakekĩ nuku inãkĩ yunua ha yurã kaiã nũ hatu inãbaũkĩ keyua

Marcos 7:34

naiuri besutã huĩsinakĩ yuikĩ: —Efatá!— iwanã, nukũ hãtxawẽ yuikĩ: —Hau pabepemenũwẽ— aka

Lucas 24:30

habianushũ hatubetã pinũ ika bashti itã misi bishũ piti hayabuwẽ taeshũ Deus kẽwãtã tũkeshũ hatu inãyã

Lucas 9:16

hanushũ Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi inũ baka tũke tũke apakekĩ hawẽ tsumabu inãkĩ hatu yunua ha yurã kaiã inãbaũkĩ keyuabũ

1 Samuel 9:13

Mananãshũ hatu pimai kariama hikishũ hawaira benatãkãwẽ. Huriamakẽ nukunabũ piama manayumisbuki. Inabu tesẽshũ hawẽ sheni menu keyutã hawẽ kẽwãti nami huabu hamaki pitirubumaki. Hakia ha unãhaira hushũ ha piti ma hatu Deus kẽwãkĩ ma hatu pewashũkẽ tsuabura hatu kena bei itxashũ pimisbuki. Haskawẽ taea hawairabaĩritãkãwẽ, ikis hanua mã haki nukuairã— akeakeabu

1 Coríntios 10:31

Hamapai pikĩ nushuti akĩ hamapai betsa betsapa akinã, Deus duawanũ, iwanã, akubaĩkãwẽ.

João 17:1

hanua naiuri teskãshũ uĩkĩ nuku nĩkamakĩ yuikĩ: —Epaã, hanu mĩ ea yubanirã, hanuki. Ẽ mĩ bake mawai merabewakĩ ewẽ mĩ kuxipa hatu uĩmawe, hatu ẽ mia kẽwãmashanunã.

João 11:41

hanushũ mixki ewapawẽ bepuxinabu bepẽshunabu Jesusũ uĩtã naiuri teskãshũ yuikĩ: —Epaã, mĩ ea nĩkaiwẽ taeshũ ẽ mia pepawaii.

Marcos 14:22

piti betsa keyuriabumakẽ Jesusũ misi betsa tsumashũ Deus kuxipa yukatã tũketã inãkĩ nuku yuikĩ: —Na misi betsarã, ẽ nami keskaki. Pikãwẽ—

Colosenses 3:17

Hawara tibi mã akai inũ mã yuiairã, nukũ Shanẽ Ibũ haska abui keska hawẽ kuxipawẽ akubaĩkãwẽ, nukũ Epa Deus: “Peki”, akinã, mã Cristonabunã.

Romanos 14:6

Ha inũ, haratura shaba betsa meribi watã hanu nukũ Shanẽ Ibu kẽwãkĩ Deus duawakatsis ikĩ hau hanu akubainũbũwẽ. Ha inũ, tsuabũra nami inũ hamapai piti betsa betsapa danãma pimisbũ Deus duawanũ, iwanã, hau kẽwãtã pikubainũbũwẽ. Ha inũ, tsuabũra yunu besti pimisbunã, Deus duawanũ, iwanã, kẽwãtã hau haskas piriakubainũbũwẽ.

João 6:23

ha haskaibũ mae ewapa betsa Tiberíades anua shashu betsawẽ bei hanushũ Jesusũ Deus kẽwãtã hatu pimaxina anu keti itã Jesus inũ hawẽ tsumabu hatu benakubirani hawa hatu betxiama ana hawẽri butubirani hatũ shashuki inatã: “Cafarnaum anu kaxiãmẽkaĩ. Hari benanũ bukãwẽ”, itã hauri bui

João 6:11

ha huni bake anua Jesusũ misi bitã Deus kẽwãtã misi tũkepakekĩ nuku inã ha tsauwabu nũ hatu inãbaunaya habiaskari wakĩ ha baka bitã tekepakekĩ nuku inãriaya nũ hatu inã hati pikatsis ikĩ bitã

Mateus 26:26

nũ piaibũ Jesusũ misi betsa tsumashũ Deus kuxipa yukatã tũketã inãkĩ nuku yuikĩ: —Na misi betsarã, ẽ nami keskaki. Bibaũkĩ pikãwẽ— nuku wa ture betsa bitã metesh atãkĩ nũ pibaunaibũ

Mateus 15:36

ha sete misi inũ bakari bishũ Deus kẽwãtã misi tũkepakekĩ bakari tekepakekĩ nũ hawẽ tsumabu nuku inãpakea ha yurã kaiã nũ inãkeakebauna

Hechos 27:35

haska hatu yuitã Paulõ misi bishũ dasibibũ besuuria dakeama Deus kẽwãtã misi tũkeshũ pikĩ taewaya

Marcos 6:40

hatu yunuabu hatiri shuku betsai 100 inũ hatiri shuku betsai 50 maniakeakebaunaibũ

Marcos 6:42

dasibibũ yani wai benimai pepeaibũ

Marcos 8:19

Eska uĩbiairã, misi mekẽ besti tũkepakeshũ 5.000 hunĩ kaiã ẽ hatu pimarã, hati kuki hawẽ teshe mã itxawaxinamẽ, ha pitirã?— hatu wa —Doze kaĩ— akabu