Marcos 12:10 - Kaxinawá Bíblia (BR)

¹⁰ —Deusũ hãtxa kenenibu uĩkĩ mã yuismamẽ? Matu ana xinãmanũ nĩkakãwẽ: ‘Hiwe wanikabũ mixki danãbiaibũ habias mixki Deusũ bishũ deshũ makeresh wakĩ hawẽ kene mestẽwã keska wakĩ

Kashinawa : Diosun Jesúswen taexun yuba bena yiniki

¹⁰ —¿Diosun jancha kenenibu uinkin man yuismamen? Matu ana shinanmanun ninkakanwen: ‘Jiwe wanikabun mishki dananbiaibun jabias mishki Diosun bixun dexun makedex wakin jawen kene mestenwan keska wakin

Marcos 12:10 Referans Kwoze

Mateus 21:42

Jesusũ ana hatu yuikĩ: —Deusũ hãtxa kenenibu yuikĩ mã uĩsmamẽ? Matu ana yusĩnũ nĩkakãwẽ: ‘Hiwe wanikabũ mixki danãbiaibũ habias mixki Deusũ bishũ deshũ makeresh wakĩ hawẽ kene mestẽwã keska wakĩ nuku uĩmakĩ: Habaa! imakĩ nuku harakiri xinãtima washanikiki’, ashũ keneniki.

Isaías 28:16

haskaibuwẽ taeshũ Senhor Deusũ hatu yuikĩ: “Mishki karuhaira ẽ katuni ha mishki uĩbaĩ hakimatima haki tsamabaũkĩ mestẽwãti Sião anu ẽ tashnimashanaii. Tsuãra ha mishki betxipaikĩ katutã hawẽ datetirubumaki, ma haki txiti ikarã.

Romanos 9:33

Na habias yusĩa Messiaskiri Deusũ hawẽ hãtxa yuishunika Isaías yuimakĩ: “Uĩa. Ẽ haska yubakani ẽ kuxipa mixki keska Jerusalém anu ẽ nitxĩshanaii, haki huti iki itxapabu tsakabaĩbaini tĩ ikubaĩshãkanikiki, ikũwãmarã. Hakia tsuabũra hawẽ hãtxa ikũwãkĩ txibaĩbu ẽ hatu hawa dake wama ishanaii”, aka nĩkatã hari kenerianiki.

Marcos 2:25

Jesusũri hatu yuikĩ: —Bunikĩ hawara nukũ shenipabu pepa Davĩ hawẽ haibuaibubetã anirã, mã uĩsmamẽ?

Mateus 21:16

Jesus yukakĩ: —Mia haska waiburã, mĩ nĩkai?— akabu Jesusũ hatu yuikĩ: —Haa. Habia ẽ nĩkaii. Deusũ hãtxa yuishunikabũ haska ekiri keneniburã, mã uĩriamamẽ? Salmoskiri matu yuinũ nĩkakãwẽ: ‘Mĩ pepahairawẽ taeshũ bake mixtĩbu inũ txutxu akaibũ mia kẽwãshãkanikiki’, aka matu keneshuniki— hatu watã

Mateus 19:4

Jesusũ hatu yuikĩ: —Deusũ hãtxa Moisés nukũ shenipabu yusĩshũ kenenirã, mã uĩsmamẽ? Matu yuinũ nĩkakãwẽ. Deusũ damiwakĩ taewakinã, huni inũ aĩbu damiwaniki. Hanushũ Deusũ Moisés yurabu hatu yusĩmakĩ yuikĩ: “Hunĩ aĩbu aĩwãkatsi hawẽ ibubu dapashkabaini ka aĩyãtã hawẽ aĩbe ketashameawẽ taea ana yura dabema habias yura bestitxai keska hiwetirubuki”, aniki.

Lucas 6:3

Jesusũ hatu yuikĩ: —Bunikĩ hawara nukũ shenipabu pepa Davĩ hawẽ haibuaibubetã anirã, mã uĩsmamẽ, Deusũ hãtxarã?

Marcos 13:14

Haskakẽ ha itxakanikakiri Deusũ Daniel yuia keneni tsuãra ha yuikĩ unãmisrã, ha itxakanika tashnia Templo merã nia mã betxiaya ha Judéia anuabu mati keyatapa anu hau pashashanũbũwẽ.

Mateus 22:31

Mawakubainaibu besteĩ ana hiweshanaibukiri matu xinãmanũ nĩkakãwẽ. Hi mashu kua here hi ikai anushũ Deusũ Moisés hãtxa wakĩ: “Earã, natiã ẽ Abraãonẽ mekenikaki. Ẽ Isaquẽ mekenikaki. Ẽ Jacõ mekenikariki”, ikai nĩkayamashũ Moisés kenenirã, mã uĩkĩ yuismamẽ? Deusrã, mawabunamaki. Hakia hiweabunaki. Haskakẽ Abraão inũ Isaque inũ Jacõ hatũ yushĩ hiweabuki. Txipu ana yura bena Deusũ hatu inãshanai xinãma mã kanehairamiski— hatu wai

Mateus 12:3

Jesusũ hatu kemakĩ: —Bunikĩ hawara nukũ shenipabu pepa Davĩ hawẽ haibuaibubetã anirã, mã uĩsmamẽ? Matu yuinũ nĩkakãwẽ.

Marcos 12:26

Mawakubainaibu besteĩ ana hiweshanaibukiri matu yusĩnũ nĩkakãwẽ. Hi mashu kua here hi hi ikai anushũ Deusũ Moisés hãtxa wakĩ: “Earã, natiã ẽ Abraãonẽ mekenikaki. Ẽ Isaquẽ mekenikaki. Ẽ Jacõ mekenikariki”, ikai nĩkayamashũ Moisés kenenirã, mã uĩkĩ yuismamẽ?

Marcos 12:9

—Haskakenã, ha bai ibuã haskara hatu washanimẽkaĩ? Matu yuinũ nĩkakãwẽ. Bai ibu hawenabube hushũ bai anu dayamisbu hatu tenãtã hanushũ huni betsabu hawẽ bai anu hau dayashunũbũ hatu yunushanikiki— iwanã