Marcos 11:13 - Kaxinawá Bíblia (BR)

¹³ hi betsa figueira benãta tupã nia Jesusũ betxitã haska bimiyamẽkaĩ uĩtanũ ika kashũ hawa bimi hayama hawẽ peihaira besti uĩkĩ hanu bimimistiã iriamakẽ

Kashinawa : Diosun Jesúswen taexun yuba bena yiniki

¹³ ji betsa higuera benanta tupan nia Jesúsun bechitan jaska bimiyamenkain uintanun ika kaxun jawa bimi jayama jawen peijaida besti uinkin janu bimimistian idiamaken

Marcos 11:13 Referans Kwoze

Mateus 21:19

hi betsa figueira benãta tupã bai kesha nia betxitã hawẽ bimi hayamẽkaĩ uĩtanũ ika kashũ hawa bimi hayama hawẽ peis besti uĩkĩ Jesusũ hi bimiuma yupukĩ yuikĩ: —Hau tsuã mĩ bimi ana piyamashanũbũ ana bimitaskayamashãwẽ— akaya haskabiama e iskaũ hawẽ pei niri iki shanaya

Isaías 5:7

Na uva baikiri miyuirã, Senhor Deus dasibi kushipahairatũ habu betxipaikĩ uva bai banayama keskarã, Israel hiweabu hatũ mai pakea inũ Judá enabũ mai pakeaki. Hanushũ hawẽ yunuti inũ hawẽ nematiki mesekĩ hau txibãkubaĩshanũbũ Senhor Deusũ hatu manabiaya habu anurã, sinatai inũ detenameaibu besti hayaki. Ha inũ, hawẽ yunuti kushipa pepa katuaibu hatu manabia haska hiweama hatu nuitapawaibu isĩ tenei biski ikaibu ẽ nĩka bestikubainaii.

Lucas 10:31

hanua Deusbe nukunabu hãtxashunika betsa hawa xinãma hui habias bai tanabirãkĩ huni kuxabainabu daka betxitã hawẽ nui haki kemakatsi ikama benãtashũ besti uĩtã dũkebaĩkẽ

1 Samuel 6:9

Israelĩ enabu mae Bete-Semeskiri hawa hikikaunama kai peairã, Deusũ hatũ nuku bika tenemai nũ unãshanaii. Hakia haskama hamakiri ha ina awa hikibainaiburã, hawãra nuku isĩ tenemakĩ kupiai nũ unãtirubuki— hatu wabu

Rute 2:3

Rute kai hawa unãmabia hawẽ benẽ epa Elimeleque enabu betsa Boaz bai anu hikishũ hawa yuiabuma meshtekubainaibu hatu itxũ kakũkaĩkĩ cevada meshkã niri ikai henekubainaibu tupikĩ Rute itxawakubainaya

Isaías 5:2

Pukĩbaĩkĩ mai pewakĩ mishki putakĩ pewatã hawẽ uva tatxa pepa bitã banaimaki. Hanushũ hawẽ bai nemaki hanushũ uĩbaũti hiwe pishta keyatapa waimaki. Ha inũ, hanushũ tsinikĩ vinho wãti pewaimaki. Ẽ haibũ haska watã hawẽ uva banaima uva batapa manabiaya hakia hawẽ uva besheai anu uva bimi pe ikama bimi bũkash besti hayashinaki.

Marcos 11:12

ushaxini shaba betsatiã mexukiri Betânia anua bunikaĩkĩ

Marcos 11:14

hanushũ Jesusũ hi bimiuma yupukĩ: —Hau tsuã taska mĩ bimi ana piyamashanũbũwẽ— akai hawẽ tsumabũ nĩkabaini buaibũ