Malaquias 3:7 - Kaxinawá Bíblia (BR)

⁷ Haska matũ shenipabũ ẽ hãtxa henenibu keska wakĩ matũri ẽ yunuti hãtxa inũ ẽ nemati hãtxa henekĩ mã hawa txibãkatsi isbumaki. Ea ẽ Senhor Deus kushipahaira dasibi binuatũ ẽ matu yuiaii. Ea shinaĩ ea anu ana txĩtũbirãkãwẽ. Mã haskaibũ eari matu anu ẽ txĩtũriashanaii, matu ana mekekubainirã. Hakia matũ ea yukakĩ ‘Hawa wai mia anu nũ ana txĩtuaĩ?’ mã ikaya

Malaquias 3:7 Referans Kwoze

Romanos 10:21

Israelbukiri yuimakĩ: “Huĩti kuxitã hatũ besuwẽ dakeama ea nĩkaisbumawẽ nuikĩ ẽ hatu merabewapaibia ea nĩkabumaki”, aka keneniki.

Romanos 10:3

Hakia haska Deusũ nuku pepawamis ha txibãkĩ ikũwãma hatũ xinã besti txibaĩ keĩ ibubis pepai beparamei shabakabi kẽmisbuki, Deusũ besti tsuara ma pewashũ hakiri pe besti yuitiru unãmarã.

Santiago 4:8

Haskakẽ tsuabũra Deus inũ Satanás ha dabe txibãkĩ mã xinãtxakaya matu yusĩnũ nĩkakãwẽ. Hanũ Deus xinã kayabikĩ haibu kayabi warikãwẽ, hari hau matube haibunaĩ dasinunã. Mã haskakubainaiburã, haska nukũ mekẽ detsis mepanui nũ yamamis keska wakĩ matũ huĩtiwẽ mã xinã txakabuwai haki petxi hakimatã yamawarikãwẽ. Haska wakĩ mã Deus abukĩ haibu wakatsis ikaibu Deusũ matu haibu washanikiki.

Lucas 15:16

ha ina yawa pimakĩ hawẽ piti yani wapanã tsuã hawa inãma

Mateus 23:27

Hanua maturã, Deusũ hãtxa kenenibu yusĩnanãmisbu inũ fariseubu beparamemisbuũ, hunibũ pewakĩ hanu mawabu maiwamisbu mixki tãpe hawẽrua wanũ, iwanã, bemakis hushupawẽ dapushmisbuki. Hakia uke merã shau inũ nami txapui pisi maiai mania tsuã meisbuma

Malaquias 1:6

Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

Isaías 65:2

Ha enabu sinatapabũ ea nĩkabumabiakẽ hawẽtsaĩs ea anu hatu txĩtũwanũ ishũ ẽ hatu meshãshũbia hawa ea nĩkama haska hatũ bai txakabu besti tanakĩ hatũ shinanẽ besti haska betxipaiai aki hawẽ kẽmisbuki.

Malaquias 3:13

Senhor Deusũ ana hatu yuikĩ: “Hãtxa kushipawẽ shabakabi mã ea yuãkubirãmiski, ẽ matu wa ea kemakĩ: ‘Hawa mikiri hãtxa kushipawẽ nũ mia yuãmismẽ?’ akĩ mã ea yukamisbuki.

Jeremias 7:26

Hakia matubũ ea nĩkakatsi ikama ẽ haska matu yunuai txibãkĩ ea ashuãma huĩti kushihairatã txakabuwakĩ matũ shenipabu mã binuhairaii”, iwanã,

Romanos 7:9

Haska inũ, Deusũ yunuti inũ hawẽ nemati ẽ tapĩriama ẽ hiwei pea keska ẽ ikũkainiki, haska wakĩ Deusũ ea kupishanai unãriamarã. Hakia hawẽ yusĩa ẽ ma tapiãyã ẽ xinã txakabũ ea hiwematxakashũ yunumis hatũ tenãkĩ ea benui kai ẽ unãniki.

Jeremias 7:25

Egito anua matũ shenipabu tashnibiranibutiã inũ na habiatiãri ẽ hãtxa yuishunikabu betsa betsapa ẽ matu anu yunuakeakekubirãmiski.

Ezequiel 2:3

ea yuikubaĩkĩ: “Mĩ miaki, hunirã. Ẽ mia yunuai Israelĩ enabu ea hatu yuishũtãwẽ, habũ ẽ hãtxa nĩkakĩ txibaĩsbuma patapabũ ea danaĩ eki sinatamisbu anurã. Hatũ shenipabũ ea danãkĩ taewanikẽ na habiatiãri habũ bababũri ea danãriakubaĩkanikiki.