Malaquias 2:2 - Kaxinawá Bíblia (BR)

² Ea Senhor Deus kushipa dasibi binuatũ matu yuikĩ: Matubunã, ea nĩkakĩ ikũwã kayabikĩ ea duawakubaĩshãkãwẽ. Mã haska ea wamakẽ ẽ matu yupushanaii. Shinãkĩ txanimawẽ mã ea duawamawẽ taeshũ matunabu mã ebe hãtxashunika ikubainai haska matu duawabiamisbũ betsa wakĩ eã ẽ matu txakabuwashanaii, yupukinã.

Malaquias 2:2 Referans Kwoze

Apocalipse 14:7

hui kuxipawẽ yuikĩ: “Deusũ nai inũ mai inũ iãnẽwã inũ ũpash txatxa tibi damiwanitũ yura dasibi unãti watã na habiatiã hatu kupikĩ taewaikiki. Haskakẽ menã haki dãti itã Deuski datekĩ kẽwãrikãwẽ”, ikainaya

Lucas 17:18

—Na nawã besti Deus kẽwaĩ txĩtũkirãshuki. Hawẽ tapĩkãwẽ— iwanã,

Salmos 69:22

Beyuskĩ hatũ piti pepa hatũ tapuki itxawakinã, haibunãbiakĩ hanubi birũ keska watã hawẽ taea hau bika tenenũbũwẽ.

1 Pedro 4:11

Haska inũ, tsuãra yusĩkatsis ikinã, Deusũ matu yusĩmis keska besti hau hatu yusĩkubainũbũwẽ, ibubis hatũ hãtxawẽ akamarã. Ha inũ, tsuãra yura betsabu merabewakatsis ikĩ haska Deusũ matu kuxipa inãmis hatu uĩmakĩ hau hatu merabewakubainũbũwẽ. Hawara betsa betsapawẽ merabenãkĩ mã akubainairã, hawẽ Deus hatu kẽwãmakubaĩkãwẽ, Jesus Cristowẽ taeshunã. Mã hatu haska wakubainairã, Jesus Cristo shanẽ ibumis dasibi kuxipa pepa hawenaki, ikibi ini hawẽ kuxipa paepa heneismarã. Haskakirã.

Malaquias 3:9

Txanima dasibi matũ mai pakea anua matunabu dasibibu yaushikĩ ea parãkĩ yumetsukubainaibuwẽ taeshũ ẽ matu txakabuwakĩ yupushanaii. Ẽ haska hãtxabiai ea Senhor Deus kushipahaira dasibi binu keyuatũ ana ẽ matu yuiaii. Nĩkakãwẽ.

Ezequiel 3:7

Hamẽ mia hanu yunuama ha dasibi Israelĩ enabu huĩti kushibu inũ besu kushibu habũ ea nĩkaisbumawẽ taeshũ miari nĩkama ishãkanikiki.

Apocalipse 16:9

hawẽ kupiti txakabu tibi Deusũ yunukĩ hatu tenemaiwẽ taeshũ ha kuhairaiwẽ menubiakĩ haska xarabu mebiai Deuski shetxakakĩ kẽwãnũ ishũ xinã betsa wabumaki.

Isaías 42:25

Haskawẽ taeshũ Deus habuki sinatakĩ kupikĩ detenamenikabu Deusũ yunua hawairabirã txiwẽ hatu kuaniki. Hatu haska wabia hawa betsã taska uĩtã tapĩkatsi ikama inibuki.

Josué 7:19

Ma unãmawẽ taeshũ Josué Acã yuikĩ: —Ẽ haibuũ, ea nĩkawe. Nukũ shenipabu Israelĩ mekenika Senhor Deus pepawẽ duawakĩ kẽwãkĩ mĩ haska washina huneama ea yuiwe— aka

Provérbios 3:33

Senhor Deusũnã, hunĩ txakabuwamisbũ enabu yupukĩ hakia pepabũ enabu hatu duawakubaĩmiski.

Malaquias 2:1

“Ebe matunabu hãtxashunikabuũ, ana ea Senhor Deusũ ẽ matu hãtxa wai nĩkakãwẽ.