Malaquias 1:3 - Kaxinawá Bíblia (BR)

³ Esaú betxipaiama ẽ dananiki. Esaú mai pakea mati matipa pepabiakẽ betsa wakĩ ha mai ẽ atimapa waniki, yunu benetima wakĩ yuinaka besti hanu hiwetirubu hatu pewashũkinã. Hakia matuna txakabuwakĩ ẽ haska wama iniki”, ẽ ikaya

Malaquias 1:3 Referans Kwoze

Joel 3:19

Habiatiãri Judá enabũ mai pakea anu hiweabu atxikĩ pepabu hawa txakabuama itxapa hatu detekĩ hatũ himi txakawakĩ habamakubainibuwẽ taeshũ Egito nawabũ mai pakea anu dasibi di akĩ keyunibu ana maema mashi besti pes dakashanikiki. Ha inũ, Edom nawabũ mai pakea betsa wariakĩ hau hanu tsua ana hiweyamanũbũ hatu kupikĩ ẽ hawa hayama wariashanaii.

Isaías 35:7

Hanu tsua hiweabuma anua betsai iã tsaushanikiki. Mai tsusĩhairabia hanu pashku debu itxapa hayashanikiki. Natiã hanu kamã inu besti hiwemis anurã, tsu ati tawa inũ ha una wati basi pepa beneshanikiki.

Lucas 14:26

—Tsuara eki txiti ikatsis ikinã, hau ea dukũ abukĩ txibãkubaĩshanũbũwẽ. Hamẽ ha dukũ hawẽ ibubu inũ, hawẽ aĩ inũ, hawẽ bakebu inũ, hawẽ betsabu inũ, hawẽ puibu abukĩ heneama inũ, hawẽ hiwea abukĩ heneamari ea abukĩ binumamarã, ẽ tsuma iturumaki.

Gênesis 25:23

Senhor Deusũ kemakĩ: —Ha bake dabe mĩ pustu meranuarã, habus hiwea yura shukua dabe detenameshanaibu bebũkiri mia bika tenemaibu mĩ hayaki. Huni bake dabe mĩ kaĩshanaii, betsa kushipa inũ betsa kushipa beshmasrã. Ha mashku kaiãtũ hawẽ betsa iyua tsuma washanikiki— aka