Lucas 4:1 - Kaxinawá Bíblia (BR)

^1-2 Hanua Joãonẽ Jesus naximaya Deusũ hawẽ Yushĩ Pepawẽ kuxipahaira wa hene Jordão anua Jesus kai hanu tsua hiweabumanu Deusũ Yushĩ Pepatũ Jesus iyuxina kawanaya yushĩ txakabu shanẽ ibu diabõ parãkĩ kanemanũ ikaya hanua 40 dia hanu hiweshũ hawa piama binukainaya haskakainaya Jesus bunihairai

Kashinawa : Diosun Jesúswen taexun yuba bena yiniki

^1-2 Janua Juanen Jesús nashimaya Diosun jawen Yushin Pepawen kushipajaida wa jene Jordán anua Jesús kai janu tsua jiweabumanu Diosun Yushin Pepatun Jesús iyushina kauanaya yushin chakabu xanen ibu diablon padankin kanemanun ikaya janua 40 día janu jiwexun jawa piama binukainaya jaskakainaya Jesús bunijaidai

Lucas 4:1 Referans Kwoze

Hechos 10:38

Hanushũ Jesus Nazaré anua hawẽ Yushĩ Pepatũ kuxipawẽ Deusũ Jesus kuxipahairawa ha meranua merabenãkũkainaya habu diabo Satanásã itxakawakĩ isĩ betsa betsapa hatu tenemamis nuitapaibu Jesusũ hatu shushawakĩ pewakĩ hatu merabewakubaĩyama mã unãriaii.

Lucas 4:18

“Nuitapaibu kakape ẽ hatu yusĩnũ Deusũ ea katuniwẽ taea hawẽ Yushĩ Pepa ẽ hayaki. Hanushũ huĩti nixmabu hatu benimawakĩ yura betsã hatu tsuma wa henemakĩ bekũ keskabu bepesha keska wakĩ hatu yusĩ pewakĩ hatu itxakawaibu nemakĩ Deus benimawatikiri dasibibu ẽ hatu unãmakubaĩshanũ Deusũ ea yununiki”, hatu watã keneni hãtxa yuikĩ keyushũ

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

João 3:34

Hanushũ hawẽ bake yunukĩ hawẽ Yushĩ Pepa keyuisma inãkubaĩmiswẽ taeshũ Deusũ bake ha yununitũ hawẽ hãtxa yuimiski.

Mateus 3:16

meneaya neshekei mapekekainaya nai bashnei Deusũ Yushĩ Pepa deiwã itsakirã hamamaki butuai Jesusũ uĩayã

Ezequiel 3:14

Deusũ Yushinẽ ha ẽ nia anua ea nuyãbaĩkĩ ea iyukĩ Senhor Deusũ hawẽ mekẽnẽ ea tsuma txakayamashũ ea iyua punu nuka sinatayabi dunukaini kai

Lucas 4:14

hanua Galiléia anu kashũ mae tibi anu hatũ itxati hiwe anu hikiakeakekĩ Deusũ Yushĩ Pepatũ kuxipa hayawẽ taeshũ Jesusũ hatu yusĩaĩ nĩkai hakiri hãtxakĩ dasibibũ kẽwãkubaunibukiaki.

Hechos 8:39

hene anua neshekerabebiranaibũ hanushũ Deusũ Yushĩ Pepatũ Filipe dami wabaĩkĩ yamawabainaya ha shanẽ ibũ Filipe ana uĩyama hawẽ tarãbaĩtiki inatã ha kaikiri kai benimahairakainaya

1 Reis 19:4

ana sulkiri ha mesti bai tanabaini hari tsua hiweabuma anu shaba bestitxai bari txaitanabaini ka punu nuka hi txãpa hawẽ pei tupã utapã anu tsaua punu nukai hĩ iki mawakatsis ikĩ Senhor Deus yuikĩ: “Senhor Deusuũ, hatiski. Ẽ ana bika tenetirumaki. Ẽ shenipabu ẽ hawa hatu binuamaki. Menã ea tenãkĩ ẽ hiwea ea biriwe”, atã

Hechos 1:2

Nai anu kariama Yushĩ Pepaki dasia nishũ hawẽ tsumabu kuxipayabu yusĩkĩ hau haska katushũ txanima akubaĩshanũbũ hatu yunuyabis shaba betsatiã nai anu inakainikiaki.

Lucas 2:27

hanushũ Templo hemaĩtĩ anu Deusũ Yushĩ Pepatũ Simeão yunua ka tsaukẽ haska Moisés yusĩni hawẽ huni bake bianananũ ishũ ibubũ iyui hemaĩtĩ anu hikiaya hanushũ Deusũ Yushĩ Pepatũ Simeão yusĩkĩ haratura bake habũ merabenã hau unãnũ ishũ unãma

Lucas 3:3

tashnikirã Jordão hene ketãkubaũkĩ hiweabu tibi hatu yusĩ taewakĩ yurabu yuikĩ: “Matũ xinã betsa watã matũ txakabu Deusũ hau matu buashũshanũ nĩkatã hawara txakabuwẽ mã benua hiwea henerikãwẽ. Matũ xinã maewatã mã ea uĩmaya ẽ matu naximashanaii”, iwanã, hatu yusĩkubainikiaki.

1 Reis 18:12

Mĩ ea haska wamatiru mia yuinũ nĩkawe. Ẽ mia henebainaya hanu ẽ unãma anu Senhor Deusũ Yushinẽ mia iyuaya Acabe anu kashũ mikiri ẽ banabima nenu hua Acabe miki nukukĩ mia betxiama yuikĩ: ‘Mĩ txanitxakaii’, ishũ ea tenãshanikiki. Ẽ mĩ dayarurã, hamẽ berunãtũ Senhor Deus kẽwãkĩ taewanishũ hawa heneama ẽ kẽwãriakubainaii.

Lucas 3:38

Cainãnẽ eparã, Enos inikiaki. Enosĩ eparã, Sete inikiaki. Setẽ eparã, Adão inikiaki. Adãonẽ eparã, Deus inikiaki. Haskakẽ Jesus huni kayabi irianiki, nuku keskarã.