Lucas 16:2 - Kaxinawá Bíblia (BR)

² hawẽ tsumapã kenashũ yuikĩ: “Mikiri yuiaibu ẽ nĩkairã, ikũmẽ? Ẽ pei inũ ẽ mabu mĩ ubisita wamiskiaki. Haskakẽ haska nuku deveabu conta tibi pewashũ ea inãtã ana ea dayashunama hanira kaĩrikaĩtãshãwẽ”, aka

Kashinawa : Diosun Jesúswen taexun yuba bena yiniki

² jawen tsumapan kenaxun yuikin: “Mikidi yuiaibu en ninkaidan, ¿chanimamen? En pei inun en mabu min ubisita wamiskiaki. Jaskaken jaska nuku dibiabu cuenta tibi pewaxun ea inantan ana ea dayaxunama janida kaindikaintanxanwen”, aka

Lucas 16:2 Referans Kwoze

Apocalipse 20:12

hanua dasibi shanẽ ibubu inũ shanẽ ibubuma mawanibu ana bestẽtã Shanẽ Ibũ besuuri mapuabũ hawara betsa betsapa akubainibu Deusũ haki kenemis una itxapa bepẽtã hanua una betsa tsuabũra Deus txibãkĩ Jesus ikũwaĩ niti ikama Deusbe hiwekuĩshanaibu habũ kena Deusũ haki keneriakubaĩmis una betsa hawẽ hiwemati kene bepẽriashũ ha habu hiweshũ haska wamisbu hatukiri ha unaki kenekubaĩmisshũ dasibi mawanibu ana bestẽa mapuabu habis hatu yuikĩ hatu unãti wakeakeaya

1 Pedro 4:10

Haska Deusũ matu kuxipa inãkĩ duawamis hawẽ dayakĩ pewakubaĩkãwẽ, hawẽ duapa kuxipa tibi ma matu inãni mã hayawẽ taeshũ betsabu uĩmai merabenaĩnã.

1 Pedro 4:5

Natiã ha habu haska hiwekubaĩmisbu Deus bebunua haki txanishanaibu pewamisshũ hanu bari hawẽ heneaitiã Deusũ hiweabu inũ mawabu hatu unãti watã hatu kupishanikiki.

1 Timóteo 5:24

Haska inũ, hatiri ikũwãbiakĩ yurabũ berubi txakabu wamisbuki. Betsabũ hune txakabu wariamisbuki. Haskaibu hatu uĩbiamisbukẽ miã hawa unãma hawaira hatu katukĩ mamepiyamakubaĩwẽ, txipu hatũ txakabu tashnitirukirã.

1 Timóteo 4:14

Ha inũ, mĩ mae anushũ Jesus Cristonabu mekenikabũ mia mamepishũ Deus mia yukashunabu hawẽ Yushĩ Pepa mia yunua mia kuxipa wanirã, unãnumas hamakiri hãtxama haska Deusũ mia merabewani hakiri besti hãtxai dayakũkaĩwẽ, kaneamarã.

1 Coríntios 4:5

Hanu unãtiwati iriamabiakẽ matũmebi nuku tibi unãti wakĩ ha akĩ nuku txiteyamakubaĩkãwẽ. Hanu nukũ Shanẽ Ibu huaitiã mananãkãwẽ. Hatũ besti dasibi hune nũ amis shabakabi tashnimashanikiki, na haska huĩti merã nũ haya nuku bepẽshũ uĩmakinã. Hanushũ Deusũ nukũ daya unãkĩ betsa kẽhairawakĩ betsa beshmas kẽwãkĩ ikũwaĩbu tibi Deusũ kẽwãkeakeshanikiki, manakukinã.

1 Coríntios 4:2

Tsuara shanẽ ibu betsã hau hawẽ daya ashunũ yunuarã, hawẽ hãtxa nĩkatã txibãkĩ hau uĩmakubainũwẽ, kaneamarã.

1 Coríntios 1:11

Mã xinã txakai ha ikĩ ana unãnuma hiweama mã xinãnãnaĩ pashkanameaibu Cloẽ enabũ ea banabimaxinawẽ taeshũ ẽ betsabuũ, ẽ matu yuiaii.

Lucas 12:42

Jesusũ yuikĩ: —Eska keskaki. Shanẽ ibu betsa txai kakĩ hawẽ tsuma unãnepa yunubaĩmiskiri matu yuinũ nĩkakãwẽ. Hawẽ tsuma betsabu pimakĩ hau hawẽ hiwe mekeshũkubainũ hatũ shanẽ ibũ hawẽ tsuma unãnepa yunubaĩmiski.

Lucas 12:20

hanushũ Deusũ yuikĩ: “Haskamaki. Haska mĩ yuiairã, mĩ unãmahairaki. Na habia mexu merã mĩ mawaya ha mĩ mabu mĩ pewakĩ keyushurã, tsuabũra pashkashãkanikiki”, akĩ yuitiruki.

Mateus 12:36

Matu yuinũ nĩkakãwẽ. Hanu unãti washanaitiã: “Hãtxa hari yuitimawẽ mĩ yuipaunirã, haskakenã ea yui pewawe”, akĩ yurabu bestibu tibi Deusũ hatu yukashanikiki— iwanã,

Mateus 20:8

hanua ma mexu beaya bai ibũ hatũ hawẽ daya tsumashũna yunukĩ: “Ea dayashũtãkãshu hatu kenashũ habianus kesua pei ea hatu meniakeakeshũtãwẽ. Ha dama bukãshu ha dukũ hatu paka taewabaĩkĩ ha habu dukũ buabu hawẽ henekĩ hatu pakakĩ keyutãwẽ”, aka kashũ

Lucas 16:1

hanushũ fariseubũ nĩkariaibũ Jesusũ hawẽ tsumabu uĩkĩ haburi yusĩkĩ: —Huni betsa mabuhairaya inũ bai itxapaya habu dasibi mekeshunika dayashũmiskiri matu yuinũ nĩkakãwẽ. Hawẽ dayashunikatũ kanekĩ hawẽ hamapai tibi pe mekeshunamakẽ haki txaniabu nĩkashũ

Lucas 16:3

hawẽ mabu mekeshunikatũ xinãkĩ: “Ẽ tsumapã ea nitxĩainã, haskashãpa? Ẽ yura ma ẽ babu bai anu pukĩ ẽ dayatirumaki. Ha inũ, hamapai hatu ea abauni ẽ daketapakaũtirumaki, pei ea ikirã.