Lucas 1:17 - Kaxinawá Bíblia (BR)

¹⁷ Haska inũ, mĩ bake Joãonẽnã, Deusũ kuxipaya hawẽ Yushĩyã bebũ nishũ haska Eliasĩ Deusũ hãtxa yuishunikatũ ani keska wakĩ hatũ ibubu habũ bakebu ana danãnanaĩ sinatanameama inũ ha patapakĩ nĩkaisbuma hau habũri Deus txibanũbũ mĩ bake Joãonẽ yurabu hatũ Shanẽ Ibu huai manamakĩ hatu xinã betsa wamashanikiki— aka

Kashinawa : Diosun Jesúswen taexun yuba bena yiniki

¹⁷ Jaska inun, min bake Juanenan, Diosun kushipaya jawen Yushinyan bebun nixun jaska Elíasin Diosun jancha yuixunikatun ani keska wakin jatun ibubu jabun bakebu ana danananain sintanameama inun ja patapakin ninkaisbuma jau jabundi Dios chibanunbun min bake Juanen yudabu jatun Xanen Ibu juai manamakin jatu shinan betsa wamaxanikiki— aka

Lucas 1:17 Referans Kwoze

Mateus 11:14

Mã pabĩkiyabuki. Nĩkatã hakimayamashãkãwẽ. Deusũ hãtxa yuishunika Elias hau ana hushanũ Deusũ yubani Joãonã, habiaki. Mã ikũwãkatsi ikairã, hawẽ hãtxa ikũwãkãwẽ— iwanã,

Lucas 1:76

hanua epaã, miarã, ‘Deus dasibi binu keyuatũ yuishunikaki’, iwanã, mia kenashãkanikiki. Hanu nukũ Shanẽ Ibu Messias hushanai bebũkiri hawẽ bai mĩ hatu pewamashũshanaii,

João 3:28

Jerusalém anua beshũ ea yukaibu shabakabi txanima hatu yuikĩ: “Earã, ẽ Cristo Messiasmaki. Hamẽ earã, bebũkiri hakiri ẽ txaninũ Deusũ ea yununiki”, akĩ ẽ hatu yuiai mã nĩkaimarã, xinãkãwẽ.

Apocalipse 20:4

Hanushũ habũ hatu unãti washanai haki tsaushũ unãti wati habũ hatũ kuxipa biaibu ẽ uĩshuki. Ha dikabi Deusũ yusĩa txibãkĩ txĩtuãma Jesuskiri yusĩkubainaibu habũ bushka teshteabu hatũ yushĩ ẽ uĩshuki. Habu ikirã, ha yuinaka mese atimapahaira inũ, hawẽ dami kẽwãbuma inũ, yuinaka mese atimapahairatũ enabu unãti habũ betũkuki inũ hatũ mekẽ petxiki hatũ kene netãmakĩ amama ikubainimabuki. Haskawẽ taea ana besteĩ benibaũ 1.000 ano Jesus Cristobe shanẽ ibushãkanikiki. Haskaibu ẽ uĩshuki,

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

Colosenses 1:12

Epa Deus kẽwãkubaĩkãwẽ. Hatũ matu katunishũ ikũwaĩbu dasibibube nuku mekekubaĩkĩ nai anushũ hawara nukuki tanani nuku inãkuĩa hawẽ shabaki pesetã nũ bishãkanaii.

2 Timóteo 2:21

Ha mabu pepa ouro keskarã, tsuabũra txakabu henetã hawẽ Shanẽ Ibu pepakĩ dayashuni hawa txakabu husikĩ ana meama ha besti pepashunaiwẽ taeshũ hamapai daya pepa betsa betsapa hawẽ Shanẽ Ibu Jesusũ yunutiruki.

Romanos 9:23

Habiatiãri bebũkiri Deusũ nuku duawakatsis ikĩ hawẽ kuxipa nuku uĩmanũ ishũ nuku tibi nuku katukĩ xinãmisrã, nũ ma hawenabu nuku unãmaikiki.

Hechos 10:33

hau mia itanũbũ hawaira ẽ hatu yunua buxĩshũ mia iweabu txanima nukuwẽ nuikĩ mĩ nuku pewabirãshuki. Haskawẽ taea natiã Deusũ nuku uĩayã hawẽ hãtxa nĩkanũ ika nũ ma itxaki. Hawara mĩ Deusũ mia yunua mĩ hatu yusĩmis nukũri nũ nĩkakatsis ikai nuku yusĩriwe— aka

João 1:13

Haska inũ, Deusũ hawẽ bakebu hatu pepa wakinã, txutakĩ akama inũ yurabũ xinãwẽ akama hakia Deusũ hawẽ kuxipawẽ besti hawẽ bakebu wakĩ hatu hiwekuĩmakĩ taewaniki.

Amós 4:12

Ana yuikĩ: “Mã Israelĩ enaburã, eanã, ẽ maturi kupikatsis ikaii. Ẽ matu haska washanaiwẽ taea ẽ matũ Mekenika Deus matuki sinatakĩ ẽ matu kupishanaiwẽ taeshũ haska mã teneshanai bebũkiri shinaĩrakubaĩkãwẽ”, akĩ Senhor Deusũ ea yuishina nĩkairakãwẽ.

1 Reis 21:20

kemakĩ Acabẽ yuikĩ: —Nũ sinatai danananãrabeairã, haskakĩ ea benabaũkĩ mĩ ea betxishumẽ?— aka Eliasĩ kemakĩ yuikĩ: —Haa, ẽ miki nukushuki. Senhor Deusũ berubi ha betxipaiama txakabuhaira mĩ akubaĩmiski.

1 Reis 17:1

Mai pakea Gileade anu hawẽ mae Tisbé anu hiwea Deusũ hãtxa yuishunika Elias Acabe shanẽ ibuhaira anu kashũ dateama yuikĩ: “Israelĩ enabu mekenika Senhor Deusũ ea nĩkaya ẽ mia yuiaii, ẽ ha dayashũmistũ kenawenã. Eska ikũkaĩshanikiki. Ea nĩkawe. Ano tibi ikũkainaya ẽ yunuriama ui ana ikama inũ basnũ ana butuama ishanikiki”, abaini kaya

1 João 2:28

Ẽ bake keskabuũ, natiã Jesus Cristoki dasitã heneyamakãwẽ, haki txiti ikirã, hanu ana nukuki nukui huaitiã damapai nũ haki datei daketirubumakirã, ha bebunuarã.

2 Reis 1:16

yuikĩ: —Senhor Deusũ eska mia yuikiki. Ecrom anu nawabũ yushibu Baal-Zebube anu hau mia yukashũtanũbũ habũ mĩ hãtxa yuinikabu mĩ hatu yunukĩ Israelĩ enabu mekenika Deus tsuã mia yukashũtirumakẽ mĩ haska shinãshinawẽ taea mĩ dakati anua ana beniama txanima mĩ mawaii— atã Elias kakẽ

1 Reis 18:18

Eliasĩ kemakĩ yuikĩ: —Haskamaki. Israelĩ enabu eã ẽ hatũ shinã itimaska waismaki. Hakia Senhor Deusũ yunuti hãtxa danãkĩ henenishũ mia inũ minabũ yushibu Baal dami betsa betsapa duawakĩ mã kẽwãkubaĩmiswẽ taeshũ Senhor Deusũ matu kupikubainikiki, ui matu inãmarã.

1 Samuel 7:5

hanushũ Samuelĩ hatu yunukĩ yuikĩ: “Israelĩ enabu dasibi Mispa anu hari itxai bukãwẽ. Mã hari itxabu harishũ eã Senhor Deus ẽ matu yukakĩ ea ashuĩ kaii”, hatu wa