Juízes 6:24 - Kaxinawá Bíblia (BR)

²⁴ hanushũ Gideãonẽ kẽwãti txi tapu Senhor Deus bena washũtã kenakĩ: “Senhor Deusrã, nukũ unanumaki”, anikiaki. Abiezerĩ enabũ mae Ofra anu ha kẽwãti txi tapu natiã uĩtirubu hayaki.

Juízes 6:24 Referans Kwoze

Êxodo 17:15

haska yunua Moisĩ atã hawẽ kẽwãti txi tapu washũ kenakĩ: “Ẽ Senhor Deus hau ea unãpakeshanũbũ na kena ẽ washuki”, iwanã,

Gênesis 22:14

Haska watã Abraão ha mati kenakinã: “Na mati Senhor Deusũ hatu yupa watirumaki”, anikiaki. Na habiatiãri ikis yurabũ habiariri kenariakĩ heneisbumaki.

Juízes 8:32

Hanua Joásĩ bake Gideão anibui mestebuhairatã mawakẽ Abiezerĩ enabũ mae Ofra anu hanu hawẽ epa Joás maiwanibu anu Gideão bushũ maiwarianibukiaki.

Jeremias 23:6

Ha shanẽ ibu kaĩkĩ hatu yunukubainaya Judá enabu unanuma pe mekeaibũ ha dikabi Israelĩ enabu unanuma hiwekubaĩshãkanikiki. Ha shanẽ ibu kenakinã, ‘Nukũ Shanẽ Ibu Kushipa Maemanikaki’, akubaĩshãkanikiki”, itã

Gênesis 33:20

hanushũ mishki txi tapu wakĩ mishki itxawakĩ maspu watã hanushũ Deus kẽwãti txi tapu washũ kenakĩ: ‘Deusrã, Israelĩ mekenika Deuski”, anikiaki.

Juízes 6:23

Senhor Deusũ kemakĩ yuikĩ: —Dateyamawe, mĩ mawamakirã. Ewẽ taea unanuma hiwekũkaĩwẽ— aka

Gênesis 12:7

Senhor Deusũ Abrão nitxiã kashiã yuikĩ: “Na mai pakea hirabi minabu pakubainaibu ibu wamakĩ ẽ hatu inanũbariaii”, aka ma hanu ana haki nukuawẽ taeshũ Abrão Senhor Deus kẽwanũ, iwanã, mishki txi tapu wakĩ mishki itxawakĩ maspu watã hanu txiwẽ kuakĩ txashuwã bake bene pepa teshteshũ himi haba watã hanushũ menukĩ keyukĩ Senhor Deus kẽwanikiaki.

Gênesis 12:8

Hanua bari huaikiri kai mati betsanu mati betsa Betel inũ Ai mae betsa namakis hatũ bitxi tari hiwe nitxĩshinabũ hanushũ Abrão ana Senhor Deus kẽwanũ ishũ mishki ana mãtxĩkĩ itxawatã Senhor Deusũ kenawẽ ana kushipa yukakĩ kẽwãrianikiaki.

1 Samuel 7:17

Haskakũkaũtani hanua kaini Ramá anu txĩtuinã, habianuri Senhor Deus kẽwãti txi tapu wani anu inũ hari hiwea shanẽ ibukĩ Israelĩ enabu Samuelĩ hatu yunupaunikiaki.

1 Samuel 14:35

hanushũ ha dukũ tates taewabaĩkĩ Saulũ ibubis hawẽ kẽwãti txi tapu Senhor Deus ashũkĩ taewanikiaki.

1 Reis 18:32

Ha mishki biai Senhor Deusũ yunua hawẽ kẽwãti txi tapu Eliasĩ bena wakĩ keyutã ha mishki mania anu dũkemabaũkĩ hanu hene matati wakĩ mai pukĩbaũkĩ watã hanu 20 litro heshe manebaũti nati akĩ keyushũ

Esdras 3:2

haska Deusũ tsuma Moisĩ yununi Senhor Deus kẽwãkĩ hakishũ inabu nami kuakĩ keyushũkubaĩti hawenabu Jozadaquẽ huni bake Jesua inũ, hawẽ betsabu hawenabu Deusbe hãtxashunikabu inũ, Sealtielĩ huni bake Zorobabel hawenabubetã dasibi habũ Israelĩ enabu mekenika Deus kẽwãti txi tapu wakĩ taewakĩ