Juízes 5:12 - Kaxinawá Bíblia (BR)

¹² Bestẽwẽ. Déborã, bestẽwẽ. Bestẽtã haska washinabukiri hatu kãtashũwẽ. Abinoão huni bake Baraquenẽ, miarã, benikaĩkĩ detenamekĩ tsuabura mĩ hatu atxishina hatu iyuritãwẽ.

Juízes 5:12 Referans Kwoze

Efésios 4:8

Haska Jesus shanẽ ibukĩ haki sinataibu binutã hawenabu pepa manakumiskiri Deusũ hãtxa Davĩ keneni yuikĩ: “Habu binukĩ maematã iyuniki. Hakia habũ txibãmisbu pepabu pepawẽ hatu manakumiski”, iniki.

2 Timóteo 2:26

Mĩ haska waya habu diabo Satanásã hatu beya wakĩ tsumawani habũ mia nemakubaĩxinabu besteã keskatã kaĩkaĩkĩ Jesus Cristokiri txanima hãtxa unãtã ana txakabu wakatsi ikama habũ Satanás mepãmabaĩtirubuki.

Efésios 5:14

Haskakẽ haska xinã betsa watirubu xinãkĩ Deuskiri nawati yuikĩ: “Txakabũ matu tsumarã, mepamarikãwẽ. Mã mawabiani hanũ beniribirãkãwẽ. Matũ txakabu mã heneaya Messias Cristõ hawẽ txashawẽ matu yusĩkĩ matu unãmashanikiki”, ikaki.

1 Coríntios 15:34

Matu dakewanũ, iwanã, na haska ẽ matu yuaii. Yurabu Deusũ bestẽwãshanai betsabũ ikũwãma kanekanikiki. Matubu niti itã hatũ hãtxa ana nĩkai txakabuwama matũ xinã bestẽwãtã pe besti Deuskiri xinãkubaĩkãwẽ.

Isaías 60:1

“Jerusalém anuabuũ, benimai benirikãwẽ. Senhor Deusũ ana matu merabewai tashnitã hawẽ kushipa bĩ keska matu anu atximakĩ ma matu anu txasha waikiki.

Isaías 33:1

Mã hatu txakabuwamis tsuã matu kupikĩ txakabuwariama, mã peirawa! Hawa banabimama huni betsa parãtã mã hatu atximis maturi tsuãra matu parãshanairã, mã peirawa! Matũ dukũ hatu txakabuwakĩ mã keyushĩkẽ maturi txakabuwakĩ yamawashãkanikiki. Hawa hatu banabimama mã hatu atximakĩ keyushĩkẽ maturi atxitã iyuriashãkanikiki.

Juízes 5:13

Hanushũ nawa kushipabube detenamenũ ika Israelĩ enabu itxapa manananua detenamenikabu butubiranaibũ nawa detenamenikabu maemanũ ika ewẽ taea Senhor Deusũ detenamenika butubirãshinabuki.