Juízes 2:1 - Kaxinawá Bíblia (BR)

¹ Josué mawaimakẽ Gilgal mae anua Israelĩ enabu bei Boquim mae anu ma itxa maniabu anu Senhor Deusũ nai tsuma kushipa tashnitã hatu yuikĩ: “Egito anua matũ ibubu hatu pashawabiranimashũ hatube yubakakĩ hatu yuikĩ: ‘Na eska ẽ matube yubakairã, ẽ matu henetaskama iki kaii’, iwanã,

Juízes 2:1 Referans Kwoze

Êxodo 20:2

“Earã, ẽ matũ mekenika Senhor Deuski. Habũ Egito anushũ matũ shenipabu tsuma wakĩ escravo wanishũ dayama txakayamakĩ bika hatu tenemaibu haria eã ẽ matu iweimaki.

Gênesis 12:7

Senhor Deusũ Abrão nitxiã kashiã yuikĩ: “Na mai pakea hirabi minabu pakubainaibu ibu wamakĩ ẽ hatu inanũbariaii”, aka ma hanu ana haki nukuawẽ taeshũ Abrão Senhor Deus kẽwanũ, iwanã, mishki txi tapu wakĩ mishki itxawakĩ maspu watã hanu txiwẽ kuakĩ txashuwã bake bene pepa teshteshũ himi haba watã hanushũ menukĩ keyukĩ Senhor Deus kẽwanikiaki.

Isaías 63:9

bika betsa betsapa mekĩ teneaiburã. Habu hau hatu hãtxashunũbũ Deusũ yunuismarã, haburã, hatu piskumamaki, ibubis Senhor Deusũ hatu wakinã. Senhor Deus nukuwẽ dabanã ikĩ nukuwẽ nuikinã, nuku mebikinãmiski, nuku mekeshũ nuku ikuai keska wakinã. Haska nuku ashũkubaĩmis keska wakĩ nuku ashũkĩ heneama ikũkainiki.

Juízes 13:3

hanua Senhor Deusũ nai tsuma kushipa ha aĩbu anu tashnishũ yuikĩ: “Mĩ bake bitirumabia natiã mĩ bake naneshanaii. Ha bake mĩ biairã, huni bake mĩ kaĩshanaii.

Juízes 2:5

nesebaũ Senhor Deus daewanũ, iwanã, txashuwã inũ awa itxapa tesẽshũ txiwẽ Senhor Deus menukĩ keyushunibukiaki. Haska watã ha mae kenakĩ: “Boquimki”, anibukiaki, nukũ hãtxawenã, Kasha Maerã.

Josué 3:10

hatu yuikĩ: “Uĩkãwẽ. Mai hirabi hatũ dami wani hawẽ ibu hatube yubakani hãtxa aruni bau matu bebũ bebũkiri Hene Jordãokiri pukui bukanikiki. Ha bau iabaini bui Hene Jordão anu Deusbe matu hãtxashunikabu pukutanaibũ hene dami hamebi pashkai ha hene manãkiria kushibirani niti ika pes daka uĩkĩ Senhor Deus hiwea matube nia kakũkainai mã uĩshanaii. Hanushũ hatũ matu merabewakĩ Canaã nawabu inũ, Heteu nawabu inũ, Heveu nawabu inũ, Ferezeu nawabu inũ, Girgaseu nawabu inũ, Amorreu nawabu inũ, Jebuseu nawabu matũ berubi nitxĩkĩ hatũ mae tibi matu mebĩshũkĩ matu ibuwamashanai mã uĩshanaii. Haskakẽ mã shukua tibi anua huni bestitxai tibi katukãwẽ, 12 huni kushipaburã. Ebe buaibu daya betsa ẽ hatu yunushanaii”, hatu wa

Deuteronômio 4:34

Haska matũ mekenika Senhor Deusũ matũ ibubu katushũ abirani keska nawa betsaburã, tsua haska keska hayabumẽ? Eska tibi akinã, matũ ibubu katushũ hawẽ unãti itxapa inũ, hawẽ unãmati dami itxapa inũ, dami itimaska betsa betsapa wakĩ hawẽ kushipawẽ hatu datemakĩ hatu detenamemakĩ Egito anua Senhor Deusũ matunabu abirani keska habias mã uini keska wakĩ mekenika yushĩ betsanã, atirumẽ? Haska keska hayamahairaki.

Números 14:34

40 dia Canaã mai pakea mã uiãtãbaunimaki. Haskawẽ taea 40 ano matũ txakabu pakai mã yumãshanaii, dia tibi mã uĩbaunima keska wakĩ ano bestitxai ẽ matu kupia mã uĩshanaii, mã eki sinataiwẽ taeshunã”, akĩ ea hatu yuishũkãwẽ.

Êxodo 33:14

Senhor Deusũ yuikĩ: —Peki. Ea kayabis mibe kakĩ merabewakĩ ẽ mia unanuma mekekubaĩshanaii— aka

Êxodo 14:19

nai kuĩ buru tsaua kayãbis Israelĩ enabu bebũ kai Deusũ nai tsumapã hawaira hatu betsa washũkĩ bebũ kai maewakĩ

Êxodo 14:14

Hawawẽra Senhor Deusũ matu hatu nemashunaya pes mapushũ mã hatu uĩshanaii— hatu waya

Gênesis 16:13

Agar Deusbe hãtxashu shinãkĩ yuikĩ: —Deusũ ea uĩbiashu mawama ẽ hiweyuaki. Haskawẽ taeshũ na nenu kenakinã: “Deusũ uiaĩki”— akĩ Agarĩ kenanikiaki.

Malaquias 3:1

Senhor Deus kushipa dasibi binu keyuatũ matu yuikĩ: “Ẽ hãtxa bunika ea bebũ ẽ nitxĩshanaii, hau hatũ ẽ hanu kashanai bebũkiri hau ea bai pewashũshanunã, ikĩ Senhor Deus ẽ matũ shanẽ ibu mã ea benakubaĩmisbu hanu eki nukuti Templo anu hawairakaĩ ẽ hikishanunã. Haska ẽ yubakani ẽ hãtxa matu bushuĩ ma kaikiki, ha uinũ ika mã ikubainaiburã”, ikaya

Juízes 6:8

haska wabu hatu nĩkatã Senhor Deusũ hawẽ hãtxa yuishunika hatunabu betsa hatu anu yunua tashnitã ha Senhor Deusũ hãtxa yuishunikã hatu yuikĩ: “Eska matũ shenipabu Israelĩ mekenika Senhor Deusũ matu yuiai matu yuinũ ea nĩkakãwẽ: ‘Egito anushũ matũ shenipabu dayaru wakĩ tsuma wanibu hiwekubainaibu pashawakĩ ẽ hatu tashnimabiraniki.

Juízes 13:2

habiatiãri Jacó bake Dã enabũ maiwã pakea anu mae betsa Zorá anu huni betsa hawẽ kena Manoá hiwea, hawẽ ainĩ haskatã bake bitirumahaira hiwekẽ

Deuteronômio 1:8

Ha mai hirabi dasibi Abraão inũ, Isaque inũ, Jacó inũ, matunabu pakubaĩshanaiburi matũ shenipabu ea Senhor Deusũ inãkatsi ẽ hatu yubani anu bukĩ hanu hiweabu mebĩkĩ putakĩ hatu yamawatã ha mai hirabi ibuwakubaĩshãkãwẽ’, akĩ Senhor Deusũ nuku yuini ẽ matu shinãmaii”, akĩ Moisĩ hatu yuinikiaki.