Josué 23:14 - Kaxinawá Bíblia (BR)

¹⁴ Yura dasibi ishanaibu keskai ikis eari ẽ matu mawashũshanaii. Hawara pepa matũ mekenika Senhor Deusũ matu yubani ashũkĩ ma keyushinarã, matũ huĩti merã inũ matũ yushĩwẽ mã unãhairaii. Dasibi matu ashũkĩ hawẽ yubati hãtxa dasibi hakimama ishiãki.

Josué 23:14 Referans Kwoze

Lucas 21:33

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

1 Reis 2:2

“Ma ẽ mawa kemaii. Yura dasibibu imisbu keskai nukũ shenipabuki ẽ nukui kashanaii.

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

1 Samuel 3:19

Senhor Deusũ merabewa Samuel yumekũkaini huni ewakũkaĩkĩ haska Senhor Deus yubakani hãtxa hawa betsa heneama Samuelĩ ashũkubainaiwẽ taeshũ

Êxodo 3:8

Egito nawabũ hatũ kushipawẽ hatu tsumawani hatu mebĩbaĩkĩ eã Egito mai pakeanua hatu pashawakĩ iyunũ ika ma ẽ butuaki. Hari ha mai pakea betsa pepa ewapa anu unanuma hiweshanaibu anu piti mirima hamẽ ikai anu ẽ hatu iyushanaii. Hanu Canaã nawabu inũ, Heteu nawabu inũ, Amorreu nawabu inũ, Ferezeu nawabu inũ, Heveu nawabu inũ, Jebuseu nawabu ikis hiweabu anu hatũ mae tibi ẽ hatu mebĩma akeakeshanaii.

Hebreus 9:27

Yurabu dasibi besti wai mawamiskẽ hanushũ txipu Deusũ hatu unãti washanikiki.

Jó 30:23

Hanu mawa bushanaibu anu mĩ ea iyukatsis ikai ẽ unaiĩ, dasibi mawabu hanu hatu mekekĩ mĩ iyumis anurã.

Gênesis 47:29

shaba betsatiã Israel hawẽ yura mei ma anibuhairai babui mawakatsis ikĩ hanushũ hawẽ bake José txanima yuishũtanabu hua yuikĩ: —Epaã, ẽ ma mia shunũkatsis ikaii, ẽ ibubuki nukui kairã. Txanima mĩ ea merabewakatsis ikairã, mĩ mekẽwẽ ea kishwakekĩ ea bakewe, nũ yubakanunã— atã yuikĩ: —Ẽ matu mawashuna ewẽ nuikĩ ẽ yura na Egito anu ea mai wama hari mĩ hutxi ẽ mai wani anu hariri ea maiwakĩ buriashãwẽ— aka —Dateyamawe, haska mĩ ea yuiai keskarã, ẽ mia ashanairã— abia