Joel 3:2 - Kaxinawá Bíblia (BR)

^2-3 Ẽ mai pakea anua enabu hatu atxitã pashka akeakekĩ peiwẽ hatu inãkĩ haikaimas yura betsa betsapabu anu hatu yunuakeakenibuki, mai hirabi anurã. Hatu eska wakinã, hawẽ hamapai unãti shau meshte númeroya putakĩ unãtã enabu pashkashũ huni bakebu inũ aĩbu bakebu dayaru escravo hatu amakĩ peiwẽ taeshũ hatu inãbaũtã, txipu hatuwẽ taeshũ pei bishiãwẽ hawẽ uva vinho bikĩ inũ aĩbu hininipabu txutakubainibuwẽ taeshũ ha nawa tibibu ẽ hatu itxakawashanaii. Hatu haska watã Josafá Pashku Napaku anu hatu iyushũ Israelbu enaburã, habũ ea hatu itxakãwanibuwẽ taeshũ unãti watã hatu manakushũkĩ ẽ hatu kupiriashũshanaii.

Joel 3:2 Referans Kwoze

Apocalipse 16:16

hanushũ yushĩ txakabu heu keskabu bushũ hau Deusbe detenamenũbũ hawẽ Hebreu hãtxawẽ Armagedom mae anu shanẽ ibubu dasibi hatu itxawabu

Joel 3:12

Hanushũ nawa shukuabu tibi Israelĩ enabu dapi hiwebaunabu Senhor Deusũ hatu unãti washanaiwẽ taeshũ yura shukuabu dasibi detenamenũ ika pewakĩ keyutã Josafá Pashku Napaku anu hau itxai benũbũwẽ.

Apocalipse 20:8

tashnitã nawabu dasibi mai hirabi anu hiwebaunabu anua tibi hatu parãkĩ ha mae Gogue inũ Magogue anua hawenabu soldadobu itxapawakĩ iãnẽwã keshanua maxiti wakĩ habube detenameti itxawashanikiki.

Apocalipse 16:14

Ha yushĩ tibirã, hawẽ yushĩ txakabuwẽ dayakĩ dami atimaska betsa betsapa hatu washũkĩ shanẽ ibubu dasibi mai hirabi anua hatu tashnibirã hatũ soldadobuya detenamemanũ, iwanã, hatu itxa wakẽ hanushũ Deus kuxipa binuatũ hanu akaitiã hatu maemakĩ yamawashanikiki.

Apocalipse 16:6

Mĩ hãtxa yuishunikabu inũ Jesus txibaĩbu itxakawakĩ habũ himi habawakĩ tenãkubaĩmisbu haburi hatu kupikĩ himi mĩ hatu amaii. Haska mẽnũ ika imisburã, hau haskanũbũwẽ”, akaya

Amós 1:11

Hanushũ Senhor Deusũ ana betsakiri yuikĩ: “Edom nawabũ mai pakea anu hiwebaunabũ txakabu betsa betsapa akubainibuki. Haskawẽ taeshũ hatu kupikĩ ẽ heneama ishanaii. Israelbu hawenabu kayabibia hatuki sinatahairai tsuã hatu nematiruma ibubis hatukiri shinaĩ hatuki daetiruma hatuwẽ nuiama nupe txaipa kenuhairawẽ detekĩ txibãbaĩkĩ hatu itxakawanibuwẽ taeshũ hatũ maewã Temã kuakĩ hatũ shanẽ ibũ maewã Bozra anu shanẽ ibubũ hiwe hawẽrua tibi txiwẽ ẽ hatu yamawamashanaii”, ikĩ Senhor Deusũ yuiniki.

Apocalipse 11:18

Ha dukũ mai hirabi anuabũ mia abuama mia danã paepawai miki sinatakubainimabuki. Hakia miari natiã hatuki sinatariai hanu hatu kupinũ ika mĩ ma tashniaki. Hanushũ mawabu bestẽwãtã hatu unãti wakĩ mĩ tsumabu mĩ hãtxa yuishunikabu inũ, minabu wakĩ meribi mĩ hatu wani habu dasibi shanẽ ibubu inũ shanẽ ibubumã mia txibãkĩ mia kẽwãkubaĩmisbu habũ pepawẽ mĩ hatu manakushanaii. Hakia habũ hawara mai anushũ pepa yamawakĩ mia txibãkubainama mia danãmisbu habũ txakabuwẽ hatu unãti watã manakuriakĩ habũ txakabuwẽ miãri mĩ hatu yamawai kaii”, akaibu ẽ nĩkaya

Joel 3:14

Senhor Deusũ hatu kupishanaitiã ma kemaiwẽ taea hanushũ Unãti Wakĩ Katuti Pashku Napaku anu yurawã itxapahaira hanu itxai keyushãkanikiki.

Miquéias 4:12

hakia haska Deusũ shinaĩ yubakakũkainai ha yura shukuabũ unãbumaki. Shekiwã tsekashũ hanus bushukuashũ tsumabaina keska wakĩ habũ hawenabu itxakawaibu Deusũ hatu itxawashanai habũ unãma Deuskiri hãtxa txakabukanikiki.