Joel 2:20 - Kaxinawá Bíblia (BR)

²⁰ Shini nortekiria matukiri beaibu matu anua ẽ hatu urẽshanaii, hari tsua hiweabumakiri hatu nitxĩkinã. Habu dukũ bebuaibu Ianẽwã Mar Morto anu ẽ hatu hasashanaii. Habu txipu bekĩ hatu mekebiranaibu Ianẽwã Mar Mediterráneo bari kaikiri anu ẽ hatu hasariashanaii. Ẽ hatu haska wa hatũ yura txapui pisi mayashãkanikiki, ea Senhor Deusũ hatu betsahaira washũkĩ tsuã haska shinãtiruma wakinã”, ikikiki.

Joel 2:20 Referans Kwoze

Amós 4:10

Senhor Deusũ ana yuikĩ: “Haska Egito anu atimapa betsa betsapa ẽ hatu yununi keska wakĩ isĩ betsa paepa matu anu ẽ yunuimaki. Matuki sinataibube detenamei matũ bake berunãbu hau mawanũbũ ẽ hatu heneimaki, hatu merabewamarã. Matuki sinataibũ matũ cavalo itxapa matu biãtã matu buaĩbu ẽ hawa matu nemashunama ikimaki. Detenamei mawashinabu txapui pisi maiai matũ hiwe tibi anushũ ẽ matu shetemaimaki. Hakia ẽ matu haska wabia hawa shinã betsa watã ea shinaĩ ea anu mã txĩtuãma ikubainimabuki”, akĩ Senhor Deusũ hawẽ hãtxa txanima mestẽwanikiaki.

Êxodo 10:19

bari hikiaikiria Senhor Deusũ niwe kushipa maewa niwe bekĩ shũku imaya shini mirimahaira niwẽ bukĩ Ianẽwã Tashipa merã hatu dasibi pukukĩ hasakĩ keyukẽ Egito mai hirabi anu shini ana hayamahairakẽ

Êxodo 8:14

Egito mai pakea anu manibaunabũ heu itxawakĩ hanus mãtxĩ keyuabu hanua heu txapui pisimayaya

Malaquias 3:11

Matũ bai anu yunu inũ matũ uva bai anu hawẽ bimi shenã inũ hawara sharabũ txakabuwamisbu matu anu ẽ ana yunuama ishanaii.