Joel 2:13 - Kaxinawá Bíblia (BR)

¹³ Matũ txakabu henetã shinã betsa wakĩ matũ Mekenika Senhor Deus anu txĩtũtã ha besti txibãkĩ hawẽ hãtxa ikũwãkubaĩkãwẽ. Senhor Deus nuikipa duapa hĩ hĩ isma unãshubira sinatakũkaĩmis betxipainamenikahaira matu kupikatsi ikamabia matu kupitiruwẽ taeshũ nui bika tenekĩ matũ tari mã ushnimis keska wakĩ matũ huĩtinĩ mã txakabumis uĩmakĩ matũ tari ushnia keska wakãwẽ.

Joel 2:13 Referans Kwoze

Salmos 34:18

Senhor Deusrã, nuku mekei nuku dapi niaki. Tsuabura bika betsa betsapa tenei huĩti nishmai nui hawawẽ haskatimabiakẽ Senhor Deusũ hatu mekekĩ pashawashanikiki.

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

Jonas 4:2

habe hãtxakĩ yuikĩ: —Uiã. Senhor Deusuũ, ẽ mae anu eki nukushũ Nínive anu mĩ ea yunua hatuwẽ nuikĩ mĩ hatu kupiama ishanaiwẽ taea eska shinaĩ ẽ hawaira Társis anu pashai ẽ hunekaĩkatsis ikimaki. Mia mĩ mekenã Deus pepa tsuabura hatuwẽ dabanã ikĩ mĩ hawaira sinataisma kupikatsi hatu banabimabiatã tsuaburawẽ nuihairakĩ mĩ shinã mĩ betsa watiru mĩ ea uĩmaii.

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

2 Samuel 1:11

hatu haska yuia nĩkatã Davi inũ habe mapuabu punu nukai keyutã hatũ tari ushniakeakebaũtã

Romanos 2:4

Hakia Deus pepahaira mã danãbiaya matũ txakabu tanabiakubaĩkĩ hau ana ha xinãma Deusũ buanũ tsuabura hakiri kakĩ xinã betsa watã mã yukashanũbũ matu xinaĩ matuwẽ nuikĩ hatiãra mã hakiri yukashanai hĩ hĩ ikama Deusũ manakubainikiki.

Salmos 51:17

Ha inãkuĩti tibi mĩ betxipaiairã, ẽ yushĩ mĩ ea meshteima ẽ bika tenebiai has shinãma ẽ huĩti betsa watã txakabu mĩ ma ea pewaima ea uĩkĩ mĩ ea betxipaiaii.

Efésios 2:4

Hakia Deus nui heneisma nukuwẽ nuitxakayamakĩ nuku duahairawakĩ

Jó 1:20

nĩkatã haskawẽ taea punu nukahairatã Jó benitã hawẽ tari ushnitã mashtekei mãkutã Deus kẽwaĩ beui beti itã

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

2 Reis 5:7

keneshina Israelĩ enabu shanẽ ibuhairatũ ha kene uĩ keyutã hawẽ datekĩ hawẽ tari ushnitã hawẽ anibu unanepabu hatu yuikĩ: —Earã, ẽ Deus keskamẽ? Hatũ besti hiwea hatu inãtã hatu mebĩmiskẽ ẽ haska keskari watiru shinãkĩ ha shanẽ ibũ hawẽ huni betsa bitxiki txamima ẽ shushawashũtiru ea yunushinaki. Shinãkĩ uĩrakãwẽ. Nuku haska wakĩ nuku unãti waikiki, nukuki ana sinatakatsirã— hatu wa

1 Reis 21:27

Eliasĩ hãtxa dasibi Acabẽ nĩkatã hawẽ shanẽ ibukĩ sawemis tari mayunepa ushnikĩ putatã hawẽ nui bika tenei unãmati tari besha sawea, samakei, habias tari tubeya ushakũkaini ana kanekatsi ikama huĩti nishmahairakũkainaya

Gênesis 37:34

huĩti nishmahairatã hawẽ tari ushnitã pekashũ nishi tari tima besha sawea usha itxapa hawẽ bakewẽ nuitxakayamai kashahairaya

Gênesis 37:29

Rúben hatu dapashkabaĩtani ana kini anu kemashũ uiã José hayamakẽ nuihairai huĩti nishmahairatã hawẽ beyawẽ taeshũ hawẽ tari ushnitã

Isaías 58:5

Matũ mã shinanã, mã samakeaiwẽ ea benimawairã, eska dakati dabanẽ mã ikai, bika teneirã, matũ bushka tiniã daka tawa puaka keska dakarã, tari besha sheni sawetã mapu maputukutã dakarã, ‘Haska dakashũ Senhor Deus ẽ benimawaii’, ikĩ mã yuimiski, samakekinã.

2 Reis 22:11

hawẽ yunuti inũ hawẽ nemati Moisĩ keneni hãtxa nĩkatã datekĩ shanẽ ibuhaira Josiasĩ hawẽ tari ushnitã

Jeremias 36:7

Senhor Deusũ hatu kupikatsi hatuki sinatahairakĩ hatu datekĩ mesehairawaiwẽ taeshũ ha yurabu txakabuhairabiakĩ hatũ shinã betsa watã hatũ txakabu henei: ‘Hau ewẽ nuinũ’, ishũ Senhor Deuskiri shinãkĩ yukashãkanimẽkaĩ. Mĩ haska hatu yuishũtiruki”, aka

Jonas 3:9

Nũ haska wakubainaya nukũ txakabuwẽ nukuki sinatabiashina Deusũ hawẽ shinã betsa washanimẽkaĩ. Haska waya nũ mawama ishanaii”, hatu wa bushũ mae hirabi anu hatu yuikubaunaibũ