João 9:35 - Kaxinawá Bíblia (BR)

³⁵ Hanu itxati hiwe anushũ bepeshxina nitxiãbu ka Jesusũ nĩkatã benabauni haki nukutã yukakĩ: —Mĩ Hutxi Kayabi Iuwa Deusũ Katuarã, mĩ ikũwaĩ?— aka

Kashinawa : Diosun Jesúswen taexun yuba bena yiniki

³⁵ Janu ichati jiwe anuxun bepexshina nichianbu ka Jesúsun ninkatan benabauni jaki nukutan yukakin: —Min Juchi Kayabi Iyua Diosun Katuadan, ¿min ikunwain?— aka

João 9:35 Referans Kwoze

1 João 5:13

Jesus Deusũ bake mã ikũwaĩbu na yusĩa ẽ matu keneshunaii, Deusbe mã hiwei ikibi ika mã ma haya mã unãnũbunã.

João 10:36

Deusũ ea meribi washũ yurabu anu ea yununirã, eã yuikĩ: “Ẽ Deusũ bakeki”, ẽ ikaiwẽ taeshũ: “Mĩ Deus itxaii”, ikĩ ea txitekĩ mã kaneaii.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

1 João 5:10

Tsuãra Deusũ bake ikũwaĩnã, hamebi hawẽ huĩti merã ha kaka haya yuimakĩ shabakabi wamaikiki. Hakia tsuãra Deus ikũwãmatunã: “Deusrã, txaniki”, ikĩ hatu xinãmamiski, ha txanitxakakinã, Deus ibubis hawẽ bakekiri txanini ikũwãmarã.

1 João 5:5

Hanushũ: “Jesus Deusũ bakeki”, akĩ tsuãra ikũwãkĩ yuikinã, habu bestitũ Deus danaĩbu hatu binukanikiki.

1 João 4:15

Hamẽ tsuabũra yuikĩ: “Txanima Jesus Deusũ bake kayabiki”, ikaiburã, Deuski dasia hiweabu inũ Deus hatuki dasiriaki.

Romanos 10:20

Hanua bari itxapa kakẽ hãtxa kuxipawẽ yura betsabukiri Deusũ Isaías yuimakĩ: “Tsuabũra ea benabuma haska ẽ hatuwẽ nuimis hatu shabakabi ẽ uĩmaya habũ ea ikũwãshãkanikiki. Habũ ea benamabia eki nukushãkanikiki. Ekiri hawa yuka ikabumabiakẽ ẽ kuxipa ẽ hatu uĩmashanaii”, iwanã,

Romanos 1:4

Hanua Jesus tenãbu mawaxina hawẽ Yushĩ Pepabetã hawẽ kuxipawẽ Deusũ bestẽwãtã: “Narã, ẽ bake kuxipahaira dasibi binuaki”, akĩ Jesus Cristokiri nuku shabakabi unãmaniki.

Hechos 9:20

Hanu hatube hiweyushũ hanu judeubu itxamisbu betsa betsapa anushũ Saulõ hatu yusĩ taewakubaũkĩ: —Jesusrã, Deusũ bake kayabiki— akĩ hatu yuikubainaya

Hechos 8:36

ma hatishũra ka iãki kemakĩ haska Filipẽ dama yusĩshu Etíopianawã yuikĩ: —Uĩa. Ma mĩ ea yuikubiranai ẽ ikũwaĩwẽ taeshũ ana ẽ hawamamẽ, na hene anu mĩ ea naximatirurã?— atã

João 20:28

uĩtãs damapaikĩ Tomẽ yuikĩ: —Txanima mĩ ẽ Shanẽ Ibuki, mĩ ẽ mekenã yushĩ Deusrã!— aka

João 11:27

—Heẽ, Shanẽ Ibuũ, mĩ Cristo Messiaski. Hawẽ bake yurabube hau hiweyushanũ Deusũ yubanirã, habia mĩ miaki, ẽ unãnã. Ẽ mia ikũwaiĩ— atã

João 5:14

txipu Jesus Templo hemaĩtĩ anu haki ana nukushũ yuikĩ: —Uĩwẽ, ikis ẽ ma mia shushawashuki. Haskakẽ txakabu xinãkĩ Deusũ hãtxa ana kaneyamashãwẽ, mĩ ana hamapai betsa kaneairã, hawara txakabuhairawẽ mĩ ana pikutirukirã— aka

João 3:36

Haska inũ, tsuabũra hawẽ bake ikũwãkĩ txibaĩbu hiwekuĩshãkanikiki, ikibi ikirã. Hakia hawẽ bake danãkĩ ikũwãbuma hatu danãriakĩ Deus haki sinatakĩ hiwekuĩmama hatu kupikubaĩshanikiki, hiwe txakamakinã— iniki.

João 1:18

Ha inũ, natiã tsuabũra Deus uĩnakamabiakẽ hawẽ bake bestitxai Deusbe hãtxanameai Deus ha keskahairari hawẽ Epabe ketashameshũ shabakabi hatũ besti Deuskiri nuku unãmakubainiki.

Marcos 1:1

Ha dukũ bebũkiri Deusũ hawẽ bake Jesus Messiaskiri hatu yubani haska hawẽ kakape tashnimakĩ taewani matu yuinũ nĩkakãwẽ.

Mateus 16:16

Simão Pedrõ kemakĩ: —Miarã, Epa Deus hiweatũ bake mĩ nukũ mekenika Messias Cristoki— aka

Mateus 14:33

hanua ha shashũ nũ tsauwabu Jesus namã dãti itã kẽwãkĩ yuikĩ: —Txanima mĩ Deusũ bakeki— nũ ikaini

Salmos 27:10

Ẽ ibubũ ea putabiabainabũ Senhor Deusuũ, ea hawa heneama mĩ ea mekekubaĩshanaii.

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Salmos 2:7

Senhor Deusũ haska wani ekiri shinaĩ matu yuinũ nĩkakãwẽ: “Ẽ hawẽ Katua ea yuikĩ: ‘Mĩ ẽ bakerã, natiã ẽ hiwea mia inãkĩ ẽ mia yunuaii.

Mateus 4:3

diabo Satanás haki nukutã unãti wanũ ishũ yuikĩ: —Haska mĩ Deusũ bakemẽkaĩ? Mĩ buniairã, na mixki mania damiwakĩ misi watã piwe— aka

João 9:22

bebũkiri yuinamei: —Tsuãra yuikĩ: “Jesusrã, Messiaski”, ikaibu judeubu shanẽ ibubũ nĩkatã hatũ itxati hiwe anu hau ana itxayamanũbũ hatu nitxĩkatsi yubakaxinabuwẽ taea unaĩ hatuki datekĩ hawẽ ibubũ yuikĩ: —Huni ewaki. Ha yukakãwẽ— hatu wa

João 9:34

hanũkaĩ ana sinatahairakĩ yuikĩ: —Mia bekũ txakabuhaira mĩ kaĩniwẽ taeshũ mĩ nuku yusĩtirumaki. Kariwe— atã hau ana hatube itxayamashanũ nematã nitxĩnibukiaki.

3 João 1:10

Haska bestiama, hatunã, nukukiri txakabu yuikĩ nuku yuãkĩ nukuki kashei txanitxakamiskiaki. Ha inũ, yusĩnã betsabũ matu merabewanũ ika matu anu buaibu matu beyawamamakĩ nemai inũ tsuãra hatu beyawakatsis ikaibu nemakĩ hau habe mã ana itxayamanũbũ matu nematã tashnimamiskiaki, shanẽ ibukinã. Haskamiskẽ ea kayabis matũ mae anu kashũ kenatã habe hãtxakĩ ẽ txiteshanaii.