João 8:34 - Kaxinawá Bíblia (BR)

^34-36 Jesusũ ana hatu yuikĩ: —Txanima ẽ matu yuiaii. Deusũ hãtxa kanekĩ dasibibũ txakabu xinaĩbu hatũ txakabũ hatu yabumiski, hawẽ dayaru keska wakinã. Haska inũ, huni betsã huni betsa bikĩ hawẽ dayaru waimakenã, ana hawenabube hiwetiruma xinãkĩ nitxĩmisbuki. Hakia huni betsã bakerã, hawẽ bake kayabi hani nitxiãma habe ikũkaĩmiski. Haskakẽ eãnã, haska keska wakĩ Deusũ huni bake kayabitũ matũ hawara txakabu mã devea keska hakimawakĩ ẽ matu mekeaya txakabũ matu ana yabutirumaki.

Kashinawa : Diosun Jesúswen taexun yuba bena yiniki

^34-36 Jesúsun ana jatu yuikin: —Chanima en matu yuiaii. Diosun jancha kanekin dasibibun chakabu shinainbu jatun chakabun jatu yabumiski, jawen dayadu keska wakinan. Jaska inun, juni betsan juni betsa bikin jawen dayadu waimakenan, ana jawenabube jiwetiduma shinankin nichinmisbuki. Jakia juni betsan bakedan, jawen bake kayabi jani nichianma jabe ikunkainmiski. Jaskaken eanan, jaska keska wakin Diosun juni bake kayabitun matun jawada chakabu man dibia keska jakimawakin en matu mekeaya chakabun matu ana yabutidumaki.

João 8:34 Referans Kwoze

Romanos 6:16

Yura betsã yura betsa tsumawamakĩ inã hanushũ hawẽ shanẽ ibu ha besti hau dayashũkĩ hawẽ yunua besti ashũmisrã, mã unaiĩ. Hakia habiaskari wakĩ matũ txakabũ matu tsumawakẽ haskai ha txakabu txibaĩ mã hawẽ mawa kayabi mã benushanaii. Hakia haska binumakĩ Deus mã nĩkakĩ txibaĩ hawẽ haibuaibu matu wakĩ hiwekuĩmakĩ hawenabu matu washanikiki.

2 Pedro 2:19

Habu txakabũ hatu tsumawawẽ taea ha hunibũ hawa hatu nematirubumaki, ha ikũwãkĩ taewaibũ akaiburã. Nuku tibirã, hatũ nuku mekearã nũ hawẽ tsumawẽ taea ha parananãmisbũ tsumarã, txakabu bestiki, tsuã danãkĩ henetirumarã.

Provérbios 5:22

Huni txakabũ ibubis hawara txakabuwamisrã, hawẽ yura txakabũ atxitã dispiwẽ neakĩ akawamamisbuki.

Romanos 6:12

Haskakẽ matũ xinã txakabu kemuwẽ hau matu tsumashũ hamapai betsa betsapa txakabuwẽ hau ana matu niniyamanũ nemakubaĩkãwẽ, ana ha uĩ mã kemuai txibãmarã.

Romanos 6:6

Ha dukũ nũ hawẽ hiwetxakani sheni Cristobe cruzki netãtã nũ habe mawani keskaki. Nũ haskaya nukũ xinã sheni Deusũ nuku betsa wamakẽ txakabũ nuku beshetã hawẽ tsumawakĩ ana nuku yunutirumaki.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.

Efésios 2:2

na mai anushũ yura txakabubũ akai txibaĩ yushĩ txakabu shanẽ ibũ shaba natukã anu nishũ hawẽ xinãnẽ hatu yunuaitũ habũ benimawai keskai xinãkĩ Deus nĩkakĩ txibãmarã.

1 Reis 21:25

Acabe haskanikiri matu yuinũ ea nĩkakãwẽ. Acabe shanẽ ibukĩ shanẽ ibu tibi haska iriabuma hawẽ aĩ Jezabelĩ shinã txibãkĩ Senhor Deus sinatamakĩ txakabuwakubainikiaki.

Romanos 8:21

Deusũ kupikubaĩkĩ hau keyukĩ yamawashanũ manakanikiki. Deusũ hawẽ bakebu duawakĩ mai hirabiri duawashanaiwẽ taeshũ dasibi damiwani benimashãkanikiki, mibanã, yuinakarã, bixirã, yuraburã, dasibi betsa betsaparã.

Romanos 7:14

Deus anua yunuti yusĩa pepa Moisés hatu yusĩbianikẽ Cristõ kuxipa xinãma babukĩ Deusũ hãtxa ẽ txibãmaki. Ẽ haskaya txakabũ ea atxikĩ tsumashũ ea yabumiski.

João 3:3

Jesusũ ana yuikĩ: —Ikũkĩ ẽ mia yuiaii. Tsuara ana kaĩ benama Deus shanẽ ibuai anu ka hiwetirumaki. Hakia ana kaĩ benatã Deus shanẽ ibuaibe hiweshãkanikiki— aka

Mateus 5:18

Txanima nai anua inũ mai keyuriamakẽ Deusũ hãtxa yuishunikabubetã haska Moisés hatu yusĩni hãtxa ikũnã, eã ẽ matu yuiairã, hawa tsuã nemakĩ inũ hawa betsa wama hãtxa tibi menepakeshanikiki.