João 6:15 - Kaxinawá Bíblia (BR)

¹⁵ barikis shanẽ ibu warinũ, iwanã, atxishũ iyupanãbu unãtã hatu pashkabaini ana hawẽri mati keyatapa mapebaini ha mesti hari pashashũ xinãyui kaya

Kashinawa : Diosun Jesúswen taexun yuba bena yiniki

¹⁵ badikis xanen ibu wadinun, iwanan, achixun iyupananbu unantan jatu paxkabaini ana jawendi mati keyatapa mapebaini ja mesti jadi paxaxun shinanyui kaya

João 6:15 Referans Kwoze

João 18:36

kemakĩ: —Earã, ẽ Shanẽ Ibu kayabiki. Mia yuinũ nĩkawe. Nenua hunibu shanẽ ibumisbu keskai ẽ shanẽ ibuamaki. Hakia ẽ kuxiparã, na nenu mai anua yurabũ xinaĩ hiweabu keskamaki. Hakia na, mai anua ẽ shanẽ ibuaya judeubũ ea atxishũ mia anu ea iweyamanũbũ ẽ tsumabu ewẽ taea nemakanai hatube detenamekeãkãshuki. Haskakẽ earã, ẽ Shanẽ Ibu kayabiki, nenuamarã. Ẽ hawa txakabu hayamaki— aka

Lucas 19:38

yuibaĩkĩ: —Aitxu! Aitxu! Ha Shanẽ Ibu Deusũ kena kuxipaya huairã, benimakĩ kẽwanãkãwẽ. Naiuria unãnuma hiwea inũ kuxipa binu keyua unãkĩ hau kẽwãnũbũwẽ— ikubainaibũ

Marcos 11:9

bebubainaibu inũ txipu beaibũ hui kuxipawẽ hawẽtxaĩs yuibaĩkĩ: —Aitxu! Aitxu! Ha Deusũ kuxipaya huairã, benimawakĩ duawanãkãwẽ.

Hebreus 4:13

Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.

João 5:41

Hawara pepa ekiri yuiaibu besti ẽ nĩkakatsi ikamaki, yurabũ hãtxawenã.

Mateus 5:1

Hatibu hatxũ buaibu uĩkĩ mati anu mapekea makẽku anu tsaukẽ hanua hawẽ tsumaburi ha dapi tsauwabũ ha yurã kaiãnẽri txibãbaĩ nĩkai maniabũ

João 6:22

Ushaxini penaya ha yurabu iã kesha betsauriabũ xinaĩ: —Habia besti shashuwẽ hawẽ tsumabũ Jesus iyuama buxiãbuki, shashu betsa hayamabiakenã— ikaibũ