João 20:17 - Kaxinawá Bíblia (BR)

¹⁷ Jesusũ nemakĩ: —Ẽ Epa anu kariama uatiã ẽ matube hiwemis keskai ẽ ana matube itirumaki. Ea tsumakĩ ea baxiyamawe— iwanã, —Ẽ betsabu anu kashũ ẽ mia yuishu hatu yuiritãwẽ. Matu merabewai ẽ Epa anu dasinũ ika ẽ kashanaii. Ẽ Eparã, habia matũ Epariki. Ẽ Deus mekenikarã, habia matũ Deus mekenikariki— aka

Kashinawa : Diosun Jesúswen taexun yuba bena yiniki

¹⁷ Jesúsun nemakin: —En Epa anu kadiama uatian en matube jiwemis keskai en ana matube itidumaki. Ea tsumakin ea bashiyamawe— iwanan, —En betsabu anu kaxun en mia yuixu jatu yuiditanwen. Matu medabewai en Epa anu dasinun ika en kaxanaii. En Epadan, jabia matun Epadiki. En Dios mekenikadan, jabia matun Dios mekenikadiki— aka

João 20:17 Referans Kwoze

João 16:28

Hamẽ ẽ Epa Deusũ besuuria kaĩkirani na mai anu yurabube hiwenũ ika ẽ huni haska ea yununi menetã natiã ana hawẽri kakĩ na yurabu ẽ henebainaii— nuku waya

1 Pedro 1:3

Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.

Gálatas 3:26

dasibi mã Jesus Cristo ikũwaĩ mã ma Deusũ bakebukẽ hatũ besti matu mekekubainikiki.

João 17:11

Natianã, ma mia anu ẽ mibe iki kaii. Na mai anu ẽ ana hatube hiwekũkainamaki. Hakia enaburã, na mai anu hatube hiweyukubaĩkanikiki. Haskawẽ taeshũ Epa meribi pepa bestituũ, mĩ kena kuxipawẽ ea hatu mekeshũshãwẽ, ha kena kuxipa mĩ ea inãniwenã, nũ pashkama keskariai hau haburi pashkamari iriakubaĩshanũbunã.

1 João 3:2

Ẽ betsabu inũ ẽ puibuũ, ẽ matuwẽ nuiairã, nũ ma Deusũ bakebuki. Txipu haskarara nũ ishanai natiã nũ unãriabumaki. Hakia nukũ Shanẽ Ibu Jesus Cristo ana nukuki nukuaitiã hanu habe ha keskari ikĩ hanu haskarara nuku wai nũ uĩshanaii.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

Marcos 16:19

Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya

Apocalipse 21:3

shanẽ ibu haki tsauti anushũ hui kuxipawẽ yuiai ẽ nĩkaya: “Uĩa. Na maerã, haki, ha merã yurabube Deus hiwepakeshanairã. Hawẽ hatube hiweirã, hawenabubes ishanikiki. Deus ha besti habũ mekenika ishanikiki.

2 Coríntios 6:18

matu haska watã ẽ bakebu matu wai matũ epa ẽ ikũkaĩshanaii”. Deus kuxipa dasibi binuatũ yuiai hawẽ hãtxa yuishunikabũ nĩkatã keneniki. Habiaskari ẽ matu yuiaii.

Romanos 8:29

Hanua Deusũ bake nukũ Hutxi Kayabi Iuwa Jesus Cristo ha dukũ iniki. Hanua hawẽ betsabu mirima ishanaibu bebũkiri Deusũ unãkĩ kaĩriabuma Jesus Cristo keskakĩ nũ ha txibãshanũbũ bebũkiri Deusũ unãniki.

João 17:25

—Epaã, mĩ kaneismaki. Mai hirabi anu yura hiweabũ mia unãbumabiakẽ eã, ẽ mia unaiĩ. Na ebe mapuabũ mĩ ea yununi unãkanikiki.

Mateus 28:7

bekãwẽ. Uĩbaini bushũ hawaira na hãtxa hawẽ tsumabuki txanikĩ: “Jesus mawaxinarã, ma bestẽkainaki. Matu bebũkiri Galiléia anu kashuĩkiki. Haria matube ana itxai benai kaikiki. Hari bushũ uĩritãkãwẽ”, akĩ hawẽ tsumabu hatu yuiritãkãwẽ. Haska bestiki, hãtxa ẽ matu beshuãnã— hatu wa

Mateus 12:50

Ha inũ, Deusũ hãtxa tsuabũra nĩkatã ikũwãkĩ ashũmisburã, habiabu ẽ betsabu inũ ẽ puibu inũ ẽ ewaburiki— hatu waniki.

Apocalipse 21:7

Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.

Hebreus 8:10

Hamẽ hanu hatiara Israelĩ bababukiri ẽ ana hatukiri yubakairã, eska ẽ ishanaii. Hatiara haska ẽ hatube yubakai benairã, ana bemakis ẽ hãtxa ẽ hatu yunuamaki. Hanua hanu hatuki dasikatsi hatũ bushka anu ẽ hãtxa mistukĩ hatũ huĩti bena watã ẽ hãtxa hatuki kenea keska ẽ washanaii. Hanushũ habũ mekenika Deus ea ẽ ikaya habu enabu bena meribi kayabi ikubaĩshãkanikiki.

João 20:27

Tomé habis yuikĩ: —Ikis ea uĩriwe. Ẽ mekẽ shui mewe. Mekẽ sanãbaĩ ẽ haxi shui misturiyuwe. Ana ikũwãbuma keskama ẽ hiwea ea ikũwãwẽ— aka

João 17:5

Epaã, eskatianã, mai nũ damiwariama mĩ besuũbia ẽ shanẽ ibui taeaitiã ẽ txashakapa hawẽrua hayani keska habias ea inãshãwẽ.

João 14:28

“Ka matu anu ẽ ana hushanaii”, ikĩ ẽ yuiai mã ma ea nĩkashuki. Hanua Epa Deus shanẽ ibũ ea binuawẽ taea hanu ẽ kashanaii. Ẽ Epa anu ẽ kashanai mã nĩkaiwẽ taea mã benimakeanaii, txanima ea abu kayabirã.

João 14:2

Ẽ Epa Deusũ hiwe anu teke shaka itxapa hayaki. Hawẽ hiwe haska hayamakẽ ẽ matu yuiama ikeanaii. Haskakẽ hanu hiwei mã niti ikama ishanũ ẽ matu pewashuĩ kashanaii.

João 13:3

mai hirabi anua dasibi Epa Deusũ Jesus shanẽ ibumakatsi yununi Deus anua huni ana hawẽri txĩtũ kaĩshanai Jesusũ unaĩ

João 13:1

Páscoa nawai mexukiri ishanaitiã yurabu henebaini hawẽ Epa Deusbe ana dasi kashanai ma kemai Jesusũ unaĩ na mai anua habũ ikũwaĩbu abui hatuwẽ nuikũkaini haska bestiwẽma hakia nũ hawenabuwẽ taea nuiyabis mawakĩ nuku uĩmaniki.

João 7:33

hanushũ mapuabu Jesusũ ana hatu yuikĩ: —Haskaira ea wayamakãwẽ, usha eskarabes besti matube ẽ iyuairã. Hanua hatũ ea yununi anu ẽ ana txĩtũshanairã.

Lucas 10:4

Mã haskabaĩtanũbũ matu yusĩnũ nĩkakãwẽ. Mais butãkãwẽ. Haki mabu aruti kapãkã buama haki pei aruti matũ txinesheketiki usua nushatiya buama inũ matũ bitxi tae betsa buyamakãwẽ. Haska inũ, bai tanabaini tsukira nukutã habe hãtxai niti ikama daĩbaĩshãkãwẽ.

Ezequiel 36:28

Ha mai pakea betsa matũ shenipabu ẽ hatu ibuwamani anu ana mã hiwekũkaĩshanaii, mã hari ana hiwea mã enabuwẽ taea eari ẽ matũ mekenika Deus iriakũkaĩshanaii.

Jeremias 31:33

Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.

Mateus 25:40

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puiburã, hawaumabubiakẽ nuikĩ mã hatu merabewakubaĩmiski. Hatu haska wakĩ ikũ eari mã ea duawakubaĩmiski”, iwanã, hawẽ yusiuriabu yui keyutã

Salmos 43:4

Senhor Deusuũ, mĩ ea yunua kai hanushũ mia kẽwãmisbu anu ẽ hikishanaii. Harishũ harpa mawaibũ benimakĩ ẽ mia kẽwãshanaii. Ẽ Deusuũ, miã besti ẽ hiwea benimawakĩ mĩ ea shinã txãkãwãmiski.

Salmos 22:22

Mĩ kushipakiri ẽ betsabu ẽ hatu hãtxa washanaii. Itxabu anushũ duawakĩ ẽ mia kẽwãshanaii.

2 Reis 4:29

hawẽ shinã unãtã hawẽ merabewanika Geazi Eliseũ yunukĩ yuikĩ: —Hawaira petã kushikaĩkĩ ẽ mestẽti bibaini hawẽ hiwe anu katãwẽ. Tsuarakira mĩ nukua habe hãtxakĩ yukayamabaĩtãwẽ. Tsuãra mia yukai habe hãtxakĩ kemayamawe. Hawẽ hiwe anu hikitã hawẽ bake daka anu ẽ mestẽti hawẽ besu anu hanatãwẽ— aka Geazi hawairakaini kaya

Hebreus 11:16

Haskama ha mae pepahaira hawẽrua nũ haska uĩriama txakabuma nai anu Deusũ hatu yubayama xinaĩ habianus hiweyunibukiaki. Haskakẽ habu katuni Deusũ ma hatũ maewã pewashuniwẽ taea Deus hatuki dakeama hatu xinaĩ: “Ẽ hatũ merabenã Yushĩki”, imiski.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Marcos 12:26

Mawakubainaibu besteĩ ana hiweshanaibukiri matu yusĩnũ nĩkakãwẽ. Hi mashu kua here hi hi ikai anushũ Deusũ Moisés hãtxa wakĩ: “Earã, natiã ẽ Abraãonẽ mekenikaki. Ẽ Isaquẽ mekenikaki. Ẽ Jacõ mekenikariki”, ikai nĩkayamashũ Moisés kenenirã, mã uĩkĩ yuismamẽ?