João 18:35 - Kaxinawá Bíblia (BR)

³⁵ e itã Pilatõs yuikĩ: —Earã, ẽ judeumaki, haska mĩ ea yuipananã. Minabu judeubu inũ mĩ shanẽ ibubu Deusbe hãtxanikabũ mia ea inãkãshuki. Mĩ hawa txakabu mexinamẽ?— aka

Kashinawa : Diosun Jesúswen taexun yuba bena yiniki

³⁵ e itan Pilaton yuikin: —Eadan, en judiomaki, jaska min ea yuipananan. Minabu judiobu inun min xanen ibubu Diosbe janchanikabun mia ea inankanxuki. ¿Min jawa chakabu meshinamen?— aka

João 18:35 Referans Kwoze

Hechos 23:29

hatũ shenipabũ yusĩni Paulõ betsa wamis haki sinatakĩ txitekĩ kũyã akaibu ẽ nĩkaxinaki. Hakia hawa txakabu hayamawẽ taeshũ haska ha huni tenãtima inũ haska bitxiti hiwe merã bitxitimakẽ ẽ hatu nemaxinaki.

Hechos 21:38

Haskakenã, miarã, Egitonawa betsa shanẽ ibukĩ nukũ mae nuku mebinũ ika hawẽ 4.000 soldadobu hanu tsua hiweabumanu hatu iyutanimarã, mĩ ha dabanẽbĩ ẽ ikai— aka

Hechos 3:13

Nũ haskamaki. Matu yuinũ nĩkakãwẽ. Habias nukũ shenipabu Abraão inũ, Isaque inũ, Jacõ Deus kẽwãpaunibũ na huni ma shushawashuki. Ha inũ, hawẽ bake abuhairakĩ Deusũ nukuwẽ taeshũ kẽhairawabiamiskẽ danãkĩ matubu haki sinatakĩ atxishũ nawa shanẽ ibuhaira anu mã iyua hanushũ Pilatõs xinã pewatã tenãkatsi ikama nitxĩpanã mã nemaimaki.

João 19:11

haska yuiai nĩkatã atimas Jesusũ kemakĩ: —Deusũ dasibi damiwanitũ mia kuxipa yunuama ekiri mĩ kuxipa hayama ikeanaii. Haskakẽ habũ ea atxishũ mianu yunushũ ea nitxiãbunã, habũ txakaburã, mina binuabuki, Deus sinatamakinã— aka

João 19:6

uĩkĩ Deusbe nukunabu hãtxashunika shanẽ ibubu inũ Templo mekenikabũ hui kuxipawẽ Pilatos yuikĩ: —Cruzki mastawe! Cruzki mastawe!— akeakeabu haska washũ atirubuma unãbiakĩ Pilatõs hatu kashe wakĩ ana yuikĩ: —Hawa txakabu hayamaki. Matũmebi iyushũ aritãkãwẽ— hatu wa

João 18:28

hanushũ Caifásĩ Jesus yukakĩ keyutã penaya Romano shanẽ ibu Pilatõs hiwe ewapa anu Jesus hau iyutanũbũ Romano soldadobu yunuaya judeu shanẽ ibubũ xinaĩ: “Nawã hemaĩtĩ anu hikia Moisés nuku yusĩniwẽ taea nawã detsiswẽ txakabutã ana Páscoa nawai besikĩ ẽ pitirumaki”, iki pepai nawayukatsi hikiabuma

Neemias 4:2

nukukiri hawẽ haibuaibu inũ Samaria anu detenamenikabu Sambalatẽ hatu yuikĩ: “Ha Judá enabu pitiuma mawabiairã, haskara shinaĩ dayai ikanimẽkaĩ? Hawẽ mekenika Deus kẽwãkĩ inabu nami ana menushunaibu nũ hatu nematiruma dabanẽ haska shinaĩ ikanimẽkaĩ? Hawẽ kene benawakĩ shaba bestitxai keyutirubu shinãkanimẽkaĩ? Mishki datsa kene pewanibu menunibu anua hawẽ mishpu bena watirubumẽ?” hatu waya

João 18:34

Jesusũri yukakĩ: —Mimebi mĩ ea yukai? Huni betsã mia ekiri yunuaraka mĩ ea yukai ikai?— aka

João 18:36

kemakĩ: —Earã, ẽ Shanẽ Ibu kayabiki. Mia yuinũ nĩkawe. Nenua hunibu shanẽ ibumisbu keskai ẽ shanẽ ibuamaki. Hakia ẽ kuxiparã, na nenu mai anua yurabũ xinaĩ hiweabu keskamaki. Hakia na, mai anua ẽ shanẽ ibuaya judeubũ ea atxishũ mia anu ea iweyamanũbũ ẽ tsumabu ewẽ taea nemakanai hatube detenamekeãkãshuki. Haskakẽ earã, ẽ Shanẽ Ibu kayabiki, nenuamarã. Ẽ hawa txakabu hayamaki— aka