João 15:24 - Kaxinawá Bíblia (BR)

²⁴ Ha inũ, hatu anushũ ẽ hawa hatu haska washũama txakabu xinãma ikeãkanaii. Hakia tsuã haska hatu anushũ haska washuĩsmabiakẽ Deusũ kuxipa hatũ berubi ẽ ma hatu uĩmabia uĩbiakĩ ea inũ ẽ Epa danãkanikiki.

Kashinawa : Diosun Jesúswen taexun yuba bena yiniki

²⁴ Ja inun, jatu anuxun en jawa jatu jaska waxuanma chakabu shinanma ikeankanaii. Jakia tsuan jaska jatu anuxun jaska waxuinsmabiaken Diosun kushipa jatun bedubi en ma jatu uinmabia uinbiakin ea inun en Epa danankanikiki.

João 15:24 Referans Kwoze

João 14:9

—Filipeẽ, hatishũ ẽ matube hiwebiakũkainai mĩ ea unãriamamẽ? Txanima ea uĩkĩ Epa Deusri mã uĩaiĩ. Haskakĩ: “Epa Deus nuku uĩmawe”, akĩ mĩ ea yukai?

João 5:36

Hamẽ Epa Deusũ ea yununirã, hawẽ kuxipawẽ dami atimaska wakĩ ẽ matu uĩmaiwẽ taeshũ mã ea unãti wakĩ tapĩtirubuki, Deusũ ea yununirã. Haskakẽ ekiri hawẽ unãmati hãtxa Joãonẽ matu yusĩmaki. Hakia eãnã, atimaska betsa betsapa wakĩ haska Joãonẽ aisma akĩ ẽ binuaiĩ.

João 10:37

Hamẽ ẽ Epã pepawai keska ẽ akamakenã, ẽ hãtxa ikũwãyamakãwẽ.

João 10:32

hatuki dateama Jesusũ ana hatu yuikĩ: —Epa Deus anua dami mirima pepa ẽ matu uĩmamiski. Haratu damiwẽ taeshũ mã ea tsakanũ ika ikanai?— hatu wa

João 9:32

Bai taei anua bekũ kaĩyã bepeshnirã, nũ haska nĩkaismaki.

João 7:31

Hanua hakiri haskabiaibu itxapabũ ikũwaĩ yuinamei: —Messias Cristo hushũ dami itxapa nuku washũshanaikiri nuku yusĩmisbu na hunĩ haska nuku yusĩmisbu keska waikiki. Txipu Messias Cristo hushũ na hunĩ akai binutirumamẽkaĩ? Nũ xinãnã, atirumaki— iki

Mateus 9:33

Jesus hawẽ nuikĩ yushĩ txakabu kaĩma kaya hãtxai taeaya ha dapi mapubirãkĩ uĩ e itã yuikĩ: —Israelbũ haska nũ uĩaĩ keska tsuã aismaki. Ha huni pehairaki— akeakeaibũ

Santiago 4:4

Haskati kemaĩ yurabũ mã ikũwãkĩ pewabumaã, haskai Deus haibu wabiatã matũmebi hawara Deusũ danaĩ mã akubainai? Haskakẽ tsuabũra hawara Deusũ abuama abukĩ Deus danaĩ ana habe haibunamekatsi ikabumaki, ana txĩtũtã haki sinatamairã.

2 Timóteo 3:4

Haska inũ, betsarã, yura pepabu tsuabura hatuki sinataibu hatũ hatu unãmamis inũ, hawara itiru bebũkiri xinãma hamapai amisbu inũ, hamebi kẽkĩ xinãkĩ: “Yura betsã atirumabiakẽ eã besti ẽ atiruki”, iwanã, xinaĩ inũ, hawẽ kemu pae bestiwẽ xinaĩ pe hiwenũ ika Deus benakĩ xinãma iriashãkanikiki.

Romanos 1:30

Ha inũ, shetxakai hãtxa txakabumisburã, habũ Deus danãkĩ abuisbumarã, hawẽ nuibiabu benunũ ikĩ tsua nĩkaismarã, hamapai atirukiri keaĩburã, txakabu betsa betsapa benawairã, haskakĩ hatũ ibuã hãtxa danãkĩ nĩkaisbumariki.

Hechos 10:38

Hanushũ Jesus Nazaré anua hawẽ Yushĩ Pepatũ kuxipawẽ Deusũ Jesus kuxipahairawa ha meranua merabenãkũkainaya habu diabo Satanásã itxakawakĩ isĩ betsa betsapa hatu tenemamis nuitapaibu Jesusũ hatu shushawakĩ pewakĩ hatu merabewakubaĩyama mã unãriaii.

Hechos 2:22

—Israelbuũ, ẽ matu yuiai ea nĩkakãwẽ. Matunã, mã unãhairaii. Jesus Nazaré anua hua Deusũ kuxipa watã hawẽ e imati inũ hawẽ unãti wamakĩ dami itimaska tsuã atiruma wamakĩ hawẽ kuxipa matu uĩmakĩ Deusũ amakeakekĩ shabakabi matu uĩmakubainimaki.

João 12:45

Habiaskari wakĩ ea uĩkĩ hatũ ea yununiri unãriakanikiki.

João 6:36

Haska ẽ matu yuiai keska ẽ akai uĩbiaxĩshũ mã ea ikũwãbumaki.

Lucas 24:19

hanushũ hatu yukakĩ: —Haskaxinamẽ? Ea yuiwe— aka ana yuikĩ: —Jesus Nazaré anua ewani itxakawakĩ eskaya tenãxinabuki. Mia yuinũ nĩkawe. Deusũ hãtxa yuishunika pepahaira eskakĩ Deus inũ yura itxapabu hawẽ aka uĩmakĩ daya duapa inũ hãtxa kuxipai unãnepai

Marcos 2:12

hawẽ yura damestẽtã benikãwã hawẽ dakati bitã iabainaya mapubaunabũ uĩkĩ yuikĩ: —Habaa! Tsuã haska waismaki. Hakia Deus pepahairatũ na huni ma kayawashuki— iwanã, Deus kẽwãnibukiaki.

Mateus 11:5

Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsaniki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu nuitapaibũ hatũ pashati kakape nĩkatã benimaiburã, haska João yuitãkãwẽ.

Provérbios 8:36

Hakia tsuãra txakabuwakĩ kanetã ea henebainirã, hawẽ hiwearã, ibubis txakabuwashãkanikiki. Hatũ ea danainã, hawẽ mawa betxipaikiki”, anikiaki.

Êxodo 20:5

Ha yushĩ betsa betsapa dami tibi anurã, ha bebũ dãti ishũ duawakĩ kẽwãyamakubaĩshãkãwẽ. Matũ mekenika Senhor Deusrã, ẽ eaki, tsuabura enabu washũ hatu mekei ẽ hatu yaushimisrã. Habũ ea danãkĩ dami betsa kẽwaĩbu hatũ ibubũ txakabuwamisbuwẽ taeshũ hatũ bakebu inũ, hatũ bababu inũ, hatũ bababũ bakebu ẽ hatu kupikubaĩshanaii.

João 12:10

hakia Lázaro ana bestẽwaĩmawẽ taeshũ shanẽ ibu itxapabũ hatu henebaĩ Jesusũ hãtxa nĩkakĩ ikũwanũ ika pashkabainaibuwẽ taea datei Deusbe nukunabu hãtxashunika shanẽ ibubu yubakai: —Lázaro dikabi tenãtiki— ika yubakanibukiaki.

João 9:41

Jesusũ hatu yuikĩ: —Deusũ yusĩa unãriama matũ txakabuwẽ mã kaneama ikeanaii. Hakia yuikĩ: “Nũ Deus unaiĩ”, ikĩ hawa nĩkama mã kaneaii— hatu watã,

João 15:21

Hatũ ea yununi habũ unãbumawẽ taeshũ na haska tibi matu wakinã, mã ea txibaĩbuwẽ taeshũ matu ashãkanikiki.

João 15:22

Ẽ yusĩ hua hãtxamakẽ habu na mai anu hiweabũ ibubis xinaĩ: “Ẽ pepaki”, itirububia eskatiã ana haska washũ hatũ txakabu ibubis hũtãtirubumaki, mekeirã.

João 15:23

Haska inũ, ea danãkinã, ẽ Epa Deusri danãriakanikiki.

João 16:9

Tsuabumẽ, Deuskiri txakabumisburã? Habũ ea ikũwãbumarã.