Jó 3:5 - Kaxinawá Bíblia (BR)

⁵ Ha shaba ẽ kaiaĩtiã meshuhairatũ shaba bepukĩ keyua nai kuĩ meshuhairatũ bepukĩ ushe hunei meshukẽ dasibibu datehairakeanibuki.

Jó 3:5 Referans Kwoze

Salmos 23:4

Hawara bika tenei napãpa meshuhaira keska merã ẽ nibiakainaya mĩ ebe kaiwẽ taea hawa mesei ẽ dateismaki. Mĩ ẽ mekenã ebe kakĩ mĩ mestẽti inũ mĩ txashuwã hawẽ atxikĩ betãti tsumabaĩkĩ ea benimawakĩ mĩ ea shinã txakawãmiski.

Isaías 9:2

Ha yurabu meshu merã punu nuka mapua keskabu ẽ hatu merabewaya bĩ ewapa txasha tashnia ea hawa unãbuma ha nawabu meshu merã hiwea keskabũ ha bĩ uĩshãkanikiki.

Lucas 1:79

Yurabu hatũ txakabuwẽ taea atimapanu mawai benui bupanãbũ mexu tẽ ikai anua bĩ txasha watã nuku inã keska wakĩ nũ habu hiweyuabu nũ hawẽ unãnuma hiwei kai nuku yusĩshanikiki”, inikẽ

Jeremias 2:6

Matũ shenipabu Egito anua ẽ hatu tashnimabirãkĩ mai txakabu tashka ũpash hayama anu inũ, hamapai mese tibi haya hanu tsua hiweama inũ, hanu tsua kapukekaĩsma anu hatu iwekubirãkĩ nenu ẽ hatu hiwemabiani ẽ ana hatu merabewatiruma dabanẽ ikĩ ea ana benakĩ matũ shenipabũ ea shinãma inibuki.

Jó 38:17

Hanu mawabu bumisbu meshuhaira anu hawẽ hikiti beputi shuirã, mĩ ma uĩtanimamẽ?

Hebreus 12:18

Nukunabu Israelbu txaimashũ uĩnibu keska ma haskamaki. Hatukiri ana matu yuinũ nĩkakãwẽ. Habunã, mati ketia here hi ikai tsuã metiruma iniki. Ha inũ, mexu merã inũ niwe kuxipa shũku ikai anu mapunibu keska mã haska keskamariki.

Amós 8:10

Mã besiaibutiã hanu ẽ matu tenãyã mã bis bis ishanai inũ mã kãtai matu betsa wakĩ mawa beabu mã kasha txakayamashanaii. Minabu mawabuwẽ nui hawẽ punu nuka hawẽ unãmati besha tari sawea nui tenehairai mashtekei mã mawerẽ ishãkanaii. Matũ huni bake bestitxai mawakẽ ana hania bitima nui kasha txakayamai keskai dasibi huĩti nishmai keyushãkanikiki.

Amós 5:8

Bishi shukuabu hawẽ kena Sete-estrelo inũ Órion dami wakĩ Senhor Deusũ aniki. Hatunã, meshu betsa wakĩ shaba tashnimamiski. Hanushũ ha shaba anua maewakĩ meshuri tashnimariamiski. Ianẽwã anua hau hene inabainũ kena ana inabaĩ niri ikĩ mai anu metxa wakubaĩmiski. Mishki kenebaunibu kushipabiakẽ hatũ hatu di amakĩ ha maewã merã hatũ hiwe kushipa hatu yamawamamisrã, hawẽ kena Senhor Deuski.

Deuteronômio 4:11

ẽ matu itxawakẽ mati tenãmã matũ ibubube mã bea mapuabũ mati anu txi here hi hi ikaunaya txi kuĩ nai anu inakaĩ meshu dunukẽ

Jó 3:4

Ha shaba ẽ kaiaĩtianã, Deusũ hawa ekiri shinãma meshu besti wakẽ penama ikeaniki.

Jó 3:6

Ha meshu merã ẽ ewa inũ ẽ epã ea bikĩ naneaibũ kini meshuhaira anu ha meshu benua pe ikeaniki. Haskakẽ ha hanu ẽ kaini calendario hawẽ dia inũ, hawẽ mes inũ, hawẽ ano hawa tanabuma inibu pe iriakeanaii.