Jeremias 31:34 - Kaxinawá Bíblia (BR)

³⁴ Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Jeremias 31:34 Referans Kwoze

Isaías 43:25

Mã pubẽ sinatapabubiakẽ ea ẽ matũ Deus matuwẽ nuikĩ matũ txakabu ana tanakatsi ikama matu tere ashũtã ẽ ana shinãma ishanaii.

Hebreus 8:12

Hatũ txakabu hatu buashũtã ẽ ana haska hatukiri xinãma ikũkaĩshanaii”, aka hawenabu yusĩtã Jeremiasĩ nukuri keneshuniki.

1 João 2:27

Hakia txanima Deusũ Yushĩ Pepa Jesus Cristõ matu inãkĩ ma matu meribi wani hatũ besti hawẽ yusĩa txanima hawa matu parãma yusĩkĩ matu merabewakubainaya ha parananãmisbũ hatũ hãtxawẽ matu yusĩtirubu hayamaki. Haskawẽ taea mã ma Jesus Cristoki dasiaburã, haska Deusũ Yushĩ Pepatũ besti matu yusĩaĩ betsa wakĩ heneyamakubaĩkãwẽ.

Isaías 54:13

Hanushũ eanã, mĩ bakebu dasibi ẽ tapĩmashanaii. Habu dasibirã, benimai hawẽruai unanuma hiweshãkanikiki.

1 João 2:20

Jesus Cristo meribitũ hawenabu wakĩ ma matu pashkaniki, hawẽ Yushĩ Pepawenã. Haska dasibitũ mã ma hakiri hawẽ hãtxa txanima mã ma hayakẽ ana tsuã matu parãtirumaki.

João 17:3

Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

Hechos 10:43

Haska inũ, uatiã habias Jesuskiri Deusũ hãtxa yuishunika dasibibũ bebũkiri hatu yusĩkĩ: “Deusũ Messias tsuabũra ikũwaĩbu hawẽ taeshũ habũ txakabu Deusũ hatu buashunũbarikiki”— akĩ

Habacuque 2:14

Ha haskaitianã, mai hirabi anu hiwebaunabu dasibibũ Senhor Deusũ kushipakiri unãshãkanikiki, ianẽwã matai dasibibũ uĩmisbu keskairã.

Isaías 44:22

Eanã, haska txakabukĩ mã ea nĩkaisbuma matũ txakabu ẽ ma matu pua ashunaki, nai kuĩ dunua pua ibaini yamabaĩmis keska wakinã. Ẽ ana ma matu mebikinaĩ ea shinaĩ txĩtũribirãkãwẽ, ea anu beirã”, ikaya

Hebreus 5:12

Ha inũ, bari itxapa ikũwãbiakubaini mã yusĩnanãriamaki. Hakia natiã yusĩa betsa betsapa Deuskiri hau tsuabũra unãshubira matu meshtãmabaĩkĩ ana yusĩ pewanũbũwẽ. Hamẽ ha dukũ hawaira abukĩ ikũwãkĩ mã tapĩnibuki. Hakia natiã mã ma punu nukai babuhairaii. Hanũ piti kuxipa pinũ ika keskama mã bakeixtã txutxu heneriama keskabuki.

1 Tesalonicenses 4:9

Ha inũ: “Jesus matubetã ikũwaĩbu hatube abunamei hatuwẽ nuikubaĩkãwẽ”, akĩ Deusũ ibubis matu yusĩkĩ yunuima tapĩmashũ mã akai Macedônia mai pakeanushũ ikũwaĩ dasibibũ mã hatube haskaiwẽ taeshũ hawa ana betsa maewama nui abunametxakayamakũkaini beshtekeama ipakekãwẽ. Mã haskakũkainaiwẽ taeshũ ana haskakiri nũ matu keneshũtirumaki.

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Isaías 11:9

Ianẽwã matahairamis keskai mai pakea hirabi anu dasibibu ẽ unanepa hayatã ea ẽ Senhor Deus unãshanaibuwẽ taea ẽ mati meribi anua ana hawa sinatai itxakanikama ishãkanikiki.

2 Coríntios 2:10

Haska Satanásã nuku parãkatsis ikai nũ unãhairaya hau nuku txakabũ maemayamanũ hawara ha hunĩ akubaĩyama hakimakĩ hari hakimawatã mã ana xinãbumakẽ matũ xinã pe unãkĩ eari hakimai ẽ ana xinãmariki. Merabewakĩ ẽ matu kuxipa wakatsi ikaii. Cristõ ẽ xinã ea bebũshũ unãyã hawara txakabu mã hakimaimakẽ eãri ha hunĩ txakabuwayama ẽ ana haska hakiri xinãtirumariki.

Mateus 11:27

Jesusũ hatu yuikĩ: —Ẽ Epã hawẽ kuxipa dasibi ea yununirã, tsuã ẽ hawẽ bake ea unãbumaki. Hakia ẽ Epã besti ea unã keyuikiki. Hakia tsuã ẽ Epa unãmariki. Ea hawẽ bakẽ besti ẽ Epa ẽ unã keyuriaii. Hakia habũ ea txibaĩbu ẽ Epa ẽ hatu unãmamiski.

Isaías 33:24

Haskaibutiã ha maewã anu hiweabu betsa taska: “Ẽ isĩ tene hayaki”, iwanã, yuiama ishãkanikiki. Jerusalém anu hiweabu txakabumisbu Senhor Deusũ hatũ txakabu ana shinãma hatu buashũshanikiki.

1 Samuel 2:12

Elĩ huni bake dabe hawenabu Deusbe hatu hãtxashunikabia Senhor Deuskiri hawa shinã pewama txakabukubainaibũ hatunabũ Senhor Deus benimawanũ, iwanã, Siló anu hatũ inabu beshũ tesẽtã dashpeshũ hawẽ sheni dukũ bitã hau Deusbe hawenabu hãtxashunikatũ Deus kuashũkĩ menushunũ hanu Senhor Deuski nukuti tari hiwe pũtenibu anu bua ma hawẽ sheni menukĩ keyushũkẽ hanushũ hawẽ nami meshte meshte atã kẽti ewapaki nami huabu kukatsa ikaya Deusbe hãtxashunikã dayaru betsa hawẽ txatxitã neshetiya hushũ

João 17:6

Yurabu dasibi anua hatu katushũ mĩ ea yunua mĩ Deus kuxipa dasibi binu keyua nuikipakiri ẽ mia hatu unãmakubaĩxinaki. Haska inũ, mina katushũ mĩ ea hatu inãnirã, mĩ hãtxa nĩkamisbuki.

Lucas 1:77

hau hawenabũ hatũ txakabuwẽ taea Deuski mesekĩ hatũ xinã txakabu henetã Deus buamatã hau meketi hiwea hatu inãshanunã.

Hebreus 8:11

Hatiã ẽ hatu haska wakẽ ẽ hatũ mekenã Deus dasibibũ unãshãkanikiki, shanẽ ibuhairabu inũ hawaumabũrirã. Dasibi habũ ma ibubis ea unã keyuaibũ tsuabũra hawẽ haibuaibu inũ hawẽ betsabu ekiri hatu xinãma ishãkanikiki.

Isaías 33:6

Bari tibi hawenabu hawa putama hatu mestẽwãkubaĩmiski. Hawẽ unanepati inũ hawẽ txakabu inũ pepa unãtirã, harã, keyuisma pepahaira hiweatũ nuku piskumatiruki. Deusũ matu hawẽ datemairã, hawẽrua pepa meseki.

Isaías 52:6

Hatiãra enabu merabewai ẽ ana huaya habũ ea unãshãkanikiki, haska ea Senhor Deus ẽ hãtxani hatu anua ẽ tashnimayarã”, ikaya

Miquéias 7:19

Nukũ txakabu maiwakĩ inũ ianẽwã merã pukua keska watã nuku heneama nukuwẽ ana nuikũkaĩshãwẽ.