Isaías 61:8 - Kaxinawá Bíblia (BR)

⁸ Deusũ hatu yuikĩ: “Yunuti kushipa pepa ea Senhor Deusũ ẽ betxipaimiski. Hakia habu yumetsumisbu inũ yura betsa tenãmisbu danaĩ ẽ hatuki sinatamiski. Ẽ shinã haskawẽ taea enabu habu duawakĩ heneama pewẽ hatu manakukatsi iki ẽ hatube yubakakĩ mestẽwãkĩ ẽ akibi ashanaii.

Isaías 61:8 Referans Kwoze

Isaías 55:3

Eki kemai ea anu beshũ ea nĩkakãwẽ. Ea nĩkahairakubaini mã hiweshanaii. Davi betxipaikĩ yubanishũ amakĩ ẽ meneshuni keska wakĩ matube yubakatã henepaketima ẽ matuberi yubakatsis ikaii.

Salmos 37:28

Senhor Deusũnã, hamapai pepabu betxipaimiski. Habu haki txiti ika txĩtuãbumarã, hawa hatu heneismaki. Hamẽ tsuabura txakabuburã, hatu yamawakẽ hatũ bababuri hayama washãkanikiki.

Gênesis 17:7

Mia inũ mĩ bakebu inũ mĩ bababu inũ dasibu minabus ipakeshanaibu ẽ hatukiri yubakariaii, niti ikamarã. Ikis ẽ mĩ mekenika Deuski. Mĩ ma mawakẽ txipu ẽ habũ Deus iriashanaii, hatu merabewakubainirã.

Provérbios 8:20

Ẽ ea unanepa kairã, bai pepa yushtumawẽ kakĩ hawa hatu kanemama yunuti kushipa ẽ hatu unãti wamakubaĩmiski.

Provérbios 3:6

Hawara dasibi Senhor Deusũ betxipaiai shinãkĩ mĩ akubainaya Senhor Deusũ mia tapĩmakĩ hawẽ bai pepa mia yusĩkubaĩshanikiki.

Salmos 33:5

Hunibũ kaneisma inũ hatũ shinã pepabu haskawẽ hiweaburã, Senhor Deusũ hatu betxipaimiski. Senhor Deusũ nuirã, dasibi mai hirabi nati ikaki.

2 Tesalonicenses 3:5

Epa Deus nukuwẽ nuimis keskai betsabube mã nuinameairã, haska Cristõ bika tenei hawẽ kuxipa babuama ini keskai maturi mã babuyamanũbũ hau nukũ Shanẽ Ibũ matu merabewakubainũwẽ.

Salmos 32:8

Shanẽ ibu Senhor Deusũ ea yuikĩ: “Mikiri shinãkĩ ẽ mia uiaĩ ea uĩwẽ. Ẽ mia tapĩmakatsis ikaii, hãtxa pewẽ yusĩkinã, haska ẽ shinaĩwẽ haratu bai pe ha katutã mĩ hawẽ kakũkainunã.

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

Isaías 28:17

Ha hiwe benikinã, hawẽ tanati mane shãkama dispi derũtãshũ tana pewamisbu keska hawẽ yunuti kushipa kanetiruma ishanikiki. Hawẽ tapa yushtuma keska wakĩ hawẽ hãtxa kanetirumawẽ ẽ ashanaii”, hatu wanikiaki. Txanitxakakĩ ha hune iruti mã benamisrã, barush ui ikĩ yamawashanikiki. Hene bai matabirãkĩ hanu mã hunemisbu matu betsekãbaĩshanikiki.

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Isaías 54:10

Mati matipa ibubis maebiai inũ mawa matekei niri ibiaya hakia ẽ nui ikibi ika miwẽ taearã, hawa betsai maetiruma inũ ẽ yubakani hawẽ unanuma hiwemati hawa betsa wakĩ ẽ maewatirumariki’ ”, iki Senhor Deus miwẽ nui hãtxaikiki.

Malaquias 1:13

Hakia matũ ana yuikĩ: ‘Ha dasibi Deus nũ ashũmiswẽ taea bika tenekĩ nũ ma hatsãki’, ikĩ mã ea danãmaii. Ea haska wabiakĩ ea benimawatanũ ishũ inabu minama yumetsukirã inũ, ina awa tiribu inũ, ina betsa isĩ teneaibu ea inãnũ, iwanã, mã ea beshũkubainaii.