Isaías 60:21 - Kaxinawá Bíblia (BR)

²¹ Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 60:21 Referans Kwoze

Mateus 15:13

Jesusũ nukuri yuikĩ: —Tsuabũra ea inũ ẽ Epa ikũwãma nukũ hãtxa danaĩbu ẽ Epãri hatu danãriashanikiki, mibã tsuã banama hamebi hukuĩma tatxayabis betsea keska wakinã.

Salmos 37:22

Tsuabura Deusũ pepawakĩ duawamisrã, habũ mai hirabi ibu washãkanikiki. Hakia habu Senhor Deusũ yupuarã, habu yamai keyushãkanikiki.

Salmos 37:11

Hamẽ habu huni keĩsbumarã, habũ mai hirabi ibuwatã hawa bika ana teneama unanuma benimapakeshãkanikiki.

João 15:2

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Apocalipse 21:27

Haskabiakẽ tsuabura atimapamisbu inũ, hawara Deusũ danãmis amisbu inũ, habu txani txakamisbu habu hari hikitaskama ishãkanikiki. Hakia hamẽ habu hikirã, tsuabũra kena txashuwã bakẽ hiwe kuĩa una merã Deusũ netãni habu besti Deusũ mae bena anu hikishãkanikiki.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Mateus 5:5

—Ha inũ, tsuabura xinã pepaya keĩsbuma Deusũ mae pepa hatu yubani hatu yunushanai xinaĩ benimakubaĩkanikiki.

Isaías 61:7

Mã enabu habu matuki sinatakĩ itxakawakĩ matu dakewakubainibu nuitapakĩ bika mirima mã mekubainima keska natiã ha binumakĩ matũ mae anushũ mabu karu mirima inũ benimai shinã txãkaĩ henetima bi mã hawẽ hiwekũkaĩshanaii.

Isaías 52:1

Senhor Deusũ yuikĩ: “Siãonẽ, bestẽriwe! Bestẽtã pei kushipariwe! Maewã Jerusalém meribituũ, habũ Deus ikũwãbuma huni txakabu ana mia anu txĩtũbirã hikiama ishanaibuwẽ taea mĩ tari hawẽruahaira saweriwe.

Isaías 45:11

Israelĩ Senhor Deus meribi hatũ Israel hawena hatu wanitũ tsuara yuikĩ: “Haska ẽ bakebu ẽ hatu wamis mã ea unãti watirumẽ? Haska hamapai tibi ẽ amis ea merabewakĩ shinã betsa mã ea yusĩtirumẽ?

Isaías 43:7

Dasibi enabu ẽ kenaya habũ ea duawakĩ yurabu ẽ kushipa hau uĩmashanũbũ hatu dami wakĩ ẽ bawanirã, ea anu ana hatu iwerikãwẽ’ ”, iwanã,

Apocalipse 21:7

Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.

Apocalipse 5:10

Deusbe hãtxashunikabu mĩ ma hatu waniki. Deusbe hanu shanẽ ibushanaibu hatu wanishũ mai anua habu shanẽ ibushãkanikiki. Haskakẽ miã besti Deusũ una bishũ mĩ txuretiruki. Mĩ pepahairaki”, akaibũ

2 Pedro 3:13

Nukubunã, eska uĩkatsi nũ manakanaii. Nai inũ mai bena Deusũ ma nuku bebũkiri yubanirã, ha haska tashnirã, kaneisbuma inũ pepabuna besti ishanikiki.

2 Tesalonicenses 1:10

Haskakẽ hawara nukũ Shanẽ Ibukiri nũ matu yusĩ txanitanima mã ikũwaĩwẽ taeshũ hatiãra nukũ Shanẽ Ibu hanu huaitiã dasibi mai hirabi anushũ nũ ikũwãbaunaibũ txanima uĩtã duawakĩ nũ kẽwãshãkanaii.

Efésios 2:7

Haska wanũbarikatsi hawẽ pepa nuku unãmakatsi ikinã, Jesus Cristowẽ taea nukuwẽ nui kai nuku ashuniki.

Efésios 1:12

Deusũ nuku dukũ katukinã, ha dukũ nukũ xinãwẽ Cristo nũ manashanũbũ nukukiri xinãmati waniki, haskawẽ taeshũ dasibibũ hawẽ kuxipa pepa nũ kẽwãkubaĩshanũbunã.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Isaías 49:3

Ea haska watã Senhor Deusũ ea yuikĩ: ‘Israelĩ, mĩ ẽ tsumaki. Miwẽ ẽ kushipa hatu uĩmakĩ ẽ hatu tashnimashũshanaii’ ”, ikaya

Isaías 44:23

Isaías benimakĩ yuikĩ: Senhor Deusũ hawẽ kushipa matu uĩmakĩ Jacó enabu Israelbu ma ana hatu mebikinãki. Naiĩ, Senhor Deusũ hatu haska waiwẽ taea benimakĩ kẽwãkãwẽ. Mai kini keyatapahairatuũ, benimai sai ikãwẽ. Mati tibi inũ ni shukua inũ dasibi hi mapubaunabuũ, hawẽ kushipa uĩ benima txakayamai kãtakãwẽ.

Isaías 45:8

Senhor Deusũ ana yuikĩ: “Hamapai tibi ẽ maemati kushipawenã, nai anushũ eã ẽ yunumiski, eska keska tibirã, nai anu basnũ kurumayai inũ nai kuĩ anua ui haya wakinã. Habu tibirã, maĩ tsu amis keska wakĩ meketi pepa inũ yunuti pepa ẽ kaĩmamiski, yunu huatã bimimis keska wakinã.

Isaías 45:24

ea yuikĩ: ‘Senhor Deus besti kushipa maemanika paepaki’, ikaibũ hakia hatiri habũ ea danãmisbu hatuki kashekĩ usãshãkanikiki.

Isaías 45:25

Ewẽ taea dasibi Israelĩ enabu hamapai txakabu binu keyutã ewẽ keĩ benimashãkanikiki”, ikaya,

Isaías 61:11

Haska mibã mai anua hukuĩ peshei taemis keska inũ bai watã hawara heshe betsa banashinabu peshetã hukuĩ ewamiski. Haska keskari wakĩ Senhor Deusũ hawẽ kushipawẽ hawenabu hatu binumakĩ dasibi nawa shukuabu hatu kãtamakĩ kẽwãmashanikiki.

Isaías 64:8

Nũ haskabiakenã, Senhor Deusuũ, mĩ nukũ epaki. Nukurã, nũ mapu keskaki. Hamẽ miarã, mĩ mapu dami wanika keskaki. Nuku dasibirã, habia miã mĩ nuku dami waniki.

Amós 9:15

Hatũ mai kayabi ẽ hatu inãni anu ẽ ana hanu hatu txĩtũwaĩma anua dayakĩ mibãkubainaibu hanushũ tsuã ana hatu iyu taskama ikubaĩshãkanikiki”, atã Mekenika Senhor Deusũ hawẽ hãtxa mestẽwanikiaki.

2 Samuel 7:10

Ha dikabi Israelĩ enabu mã enaburã, mã hatu yunukubaĩshanũ unãti wanika kushipa betsa betsapa matu katukubaĩkĩ hatũ mai pakea betsa hatu mebĩtã ẽ matu pewashuniki. Hanushũ huni txakabubũ matu itxakawamis inũ matu bika tenemakĩ tsuma wamisbu hau ana haska mã hiwepauni keska hiweama unanuma mã hiwenũ ẽ matu iweniki. Hanua miki sinataibũ mia uiaĩbũ ẽ mia hatu nemashũkubaĩshanaii, hau mia ana bika tenemayamanũbunã. Ẽ hatu mekekubaina mĩ bakebu hiwekubaĩshanaibu bebũkiri ẽ mia tapĩmaii.

Salmos 37:18

Habũ kaneama pepai hiwekubaĩmisbu Deusũ hatu pe mekemiski. Haska dayakĩ pepa akubaĩmisbu hatu heneshũbaina bitã hawẽ hiwepakenũbarikanikiki.

Salmos 37:29

Ha inũ, huni pepaburã, mai hirabi ibuwatã hanu hiwepakeshãkanikiki, niti ikamarã.

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.