Isaías 60:17 - Kaxinawá Bíblia (BR)

¹⁷ Mã haskawẽ hiwenũ ẽ matu pewashũshanaii. Ana mane bronze matu inãma hawẽ shãtukũ mane ouro karuhaira ẽ matu inãshanaii. Ana mane kushipa ferro matu inãma hawẽ shãtukũ mane karu prata ẽ matu inãshanaii. Ana hi besha matu inãma hawẽ shãtukũ bronze ẽ matu inãshanaii. Ana mishki matu inãma hawẽ shãtukũ ferro mane kushipa ẽ matu inãshanaii. Eanã, ha unanuma hawama hiwetiwẽ ẽ matu shanẽ ibumashanaii, yunuti parananaĩsmawẽ matu yunumakinã.

Isaías 60:17 Referans Kwoze

Hebreus 11:40

Deusũ hatu haska wakinã, haska yubakani habu bebũshũ besti akatsi ikama nukubukiriri xinãkĩ hanus nuku shuku watã haska yubakani pehaira nuku inãkatsi nuku hatube itxawashanikiki, hiwekuĩa anu nuku hatube hiwemakinã.

Isaías 1:26

Matũ shanẽ ibu unãti wanikabu habu dukũ inibu keska ẽ ana matu katushũ yunushanaii. Matũ huni unanepabu habu dukũ inibu keska matu merabewakĩ ana ẽ matu katushũ yunuriashanaii. Haska tibi ẽ ana matu waya txipu tsuabũra matu uĩtã yuikĩ: ‘Ha maewã Jerusalém anurã, ana tsua itxakanika hayamaki. Ha maewã anushũ Deus besti txibãkubaĩkanikiki’, ishãkanikiki.

2 Pedro 3:13

Nukubunã, eska uĩkatsi nũ manakanaii. Nai inũ mai bena Deusũ ma nuku bebũkiri yubanirã, ha haska tashnirã, kaneisbuma inũ pepabuna besti ishanikiki.

Isaías 60:16

Nawa shukua tibibũ hatũ piti pepahaira beshũ matu inãshãkanikiki. Nawa shanẽ ibubũ hatũ mabu hawẽrua karuhaira matu beshũshãkanikiki. Matu haska waibu uĩkĩ ea Senhor Deus ẽ matũ piskumanika mã unãshanaii, Jacó merabenanika kushipahaira earã, ẽ matũ mebikinanikarã.

Isaías 60:18

Matũ mai pakea Israel anua itimaskai detenamebaunaibu mã ana nĩka taskama ishanaii. Habianuri matũ mae ana yamawama inũ hiwe di akama ishãkanikiki. Hakia matũ maewã kenekauana kenakinã: ‘Hanu Mekea Kayabi Pepaki’, akĩ hawẽ beputirã, ‘Benimakĩ Kẽwãtiki’, ashãkanikiki.

Isaías 55:13

Hanu ana musha beneama hawẽ shãtukũ hi pepa beneshanikiki. Ana nishi mushaya beneama nishi hua pepaya benei mai beweshekeshanikiki. Haska tibi kaĩ beneai ea Senhor Deusũ unãmati uĩkĩ ẽ kena kushipa hawa tsuã yamawatiruma ikibi ika uĩshãkanikiki”, iniki.