Isaías 53:7 - Kaxinawá Bíblia (BR)

⁷ Habũ atxitã itxakawabiabu hawa hatu nemama inũ hawa hãtxa betsa yui taskama ishanikiki. Habũ txashuwã detemisbũ txashuwã bake detekatsi buabu “maã, maã” isma keskai hawa yuiama ishanikiki, txashuwã hawẽ dani meshtekatsi bitximis keska wabiaburã.

Isaías 53:7 Referans Kwoze

Mateus 26:63

Jesus pes hawa yuiama nikẽ Deusbe nukunabu hãtxashunika shanẽ ibuhairatũ ana yuikĩ: —Deus hiweatũ mia nĩkaya hau mĩ txanitxakayamanũ ẽ mia yunuai, ikũ nuku yuiwe. Habia mĩ miamẽ ikairã, mĩ Deusũ bake nukũ mekenã Messias Cristorã?— aka

1 Pedro 2:23

Hanushũ Cristo itxabiabu hatu bebis kemanamei hãtxama iniki. Isĩ tenemabiabu hawẽ hatu dateti hãtxa kuxipa tashnimama iniki. Hamẽ haskama Deusũ hatu unãti wakĩ txanima kaneismatũ hau mekekubainũ hawẽ hiwea hawẽ Epa Deus inãkubainiki.

Marcos 14:61

Jesus pes hawa yuiama nikẽ Deusbe nukunabu hãtxashunika shanẽ ibuhairatũ ana yukakĩ: —Habia mĩ miamẽ ikairã, mĩ Deusũ bake nukũ mekenã Messias Cristorã?— aka

João 19:9

hawẽ kene merã ana txĩtuãbaĩ Jesus iyushũ yukakĩ: —Mĩ haniamẽ?— aka Jesusũ ana hawa yuiamakẽ

Lucas 23:9

haska wamis keska yukatxakayamabiaya Jesusũ hawa yuiamahairakẽ

Marcos 15:5

Jesusũ hawa yuiama nikẽ: “Haskai hãtxamamẽ?” itã Pilatõs harakiri xinãtima tsaukẽ

João 1:29

Hanua ushaxini bestẽtã maniabũ Jesus huai txaima betxitã metukĩ Joãonẽ hatu yuikĩ: —Uĩkãwẽ. Deus daewakĩ hatũ txashuwã bake menumisbu keska wai yurabu dasibibũ txakabu hatũ hatu buashũkĩ Deus nuku daewashũti ma huikiki.

Apocalipse 5:6

hanushũ Deus tsauwa naxui ika namakis ha hiweabu dabe inũ dabe mapubaunabu inũ habianuri ha 24 mekenikabu tsaubaunabu anu ha namakis naxui ika txashuwã bake hawẽ yura txatxinibu mawa keska nia sete mashũyã inũ sete beruya ẽ uĩshuki. Txashuwã bake hawẽ sete berurã, ha hawẽ yushĩwẽ mai hirabi anu Deusũ hatu yusĩmakubainairã, haska ẽ uĩshuki.

Isaías 53:6

Dasibi nukuburã, nũ hamakiri baiwẽ bushãkanaii, txashuwã tibi hawẽ baiwẽ buama benumis keskairã. Nũ haskabiaya Senhor Deusũ dasibi nukũ txakabu bitã hawẽ tsuma nuku peumashũshanikiki.

Isaías 50:6

Hau ea kakush kakush anũbũ ẽ petxi ẽ hatu inãkĩ yunumiski. Ẽ keshni ea tseka tseka akaibu ẽ hawa hatu nemaismaki. Habũ ea itxakawakĩ eki kemu mitxuaibũ ẽ besu hunei ẽ hawa tinĩsmaki.