Isaías 50:7 - Kaxinawá Bíblia (BR)

⁷ Senhor Jeová ea merabewamiswẽ taea tsuabũra ea itxakawakĩ ea isĩ tenemaya datei txĩtuãma tenea ẽ mishki kushipa keskaki. Ẽ shanẽ ibu kushipatũ ea mekeaya habiatiãri eki kashebiaibũ hawa datei ẽ hawa dakeama ishanaii.

Isaías 50:7 Referans Kwoze

Hebreus 13:6

Haskakẽ ma nuku yubani haska haki txiti itã hawa dateama yuikĩ: “Yavé Deusũ ea merabewamiswẽ taea hamapai tibiwẽ tsuabũra txakabuwanũ ishũ ea amanũ ikaibu ‘Ẽ Shanẽ Ibũ ea merabewaya ẽ dateamaki’ ”, ikĩ hatu yuikubaĩtiki, dateamarã.

Isaías 42:1

Deus hatuki txani: “Uĩkãwẽ. Ẽ tsuma ẽ katunirã, ẽ betxipaiai ea benimawamiski. Ẽ Yushĩ kushipa ẽ yunua merabewaya ha ẽ tsumapã hawẽ yunuti kushipa pepakiri yurabu shukuabu tibi yuibaũshanikiki.

João 16:33

Ea haibuwai eki dasia mã dateama unãnuma hiweshanũ na hãtxa ẽ matu yuishuki. Mai anushũ ea ikũwãbumã matu itxakawariaibũ dateyamashãkãwẽ, ẽ ma hatu maemakĩ binuniwẽ taearã— nuku watã

Romanos 1:16

Tsuabũra Deusũ kakape nĩkatã ikũwaĩbu Deusũ habũ txakabu buakĩ ana xinãma hawẽ kuxipa paewẽ hawenabu hatu wamisshũ mekepakeshanikiki. Haskawẽ taea ha dukũ judeu hatiribũ ikũwãkĩ taewanibuki. Hanushũ ha katxu judeubuma betsabũri ikũwãriakanikiki. Haskakẽ Deusũ kakape Jesus Cristokiri yuikĩ datã akĩ hawa hawẽ dakeama ẽ hatu yusĩkubainaii.

1 Pedro 4:16

Haskawẽ taea mã shabakabi Cristo txibaĩbu matu nuitapa wabiaibu hatuwẽ datei dakeama mã Cristonabuwẽ taea hawẽ Deus kẽwãkubaĩkãwẽ.

Lucas 9:51

Hanua hawẽ Epa anu Jesus kashanai kemaya dateama Jerusalém anu kai taekĩ

1 Pedro 4:1

Na mai anua hawẽ yurawẽ Cristo nuitapai yumani keskai ha ini keskariakĩ matũri txibãkubaĩkãwẽ, tsuãra hawẽ yurawẽ bika betsa betsapa txakabu tibi mebiai ha txakabu Cristõ binuni mã maemariatirubukirã.

Isaías 49:8

Senhor Deusũ ana hatu yuikĩ: “Ẽ yubakaniwẽ taea ẽ duapa matu uĩmakatsi ikĩ ẽ matu kemaniki. Ha shabatiã matu piskumakatsis ikĩ ẽ matu merabewaniki. Matuwẽ yubakatã mestẽwãkatsis ikĩ matu pe arukĩ ẽ matu merabewaniki. Matũ mai pakea txakabuwanibu matu ana ibu wamatã ẽ matu hatu pewamashũriakatsis ikaii.

Isaías 50:9

Senhor Jeová kushipatũ ea merabewamiswẽ taeshũ tsuã ea txitetã ea hawa itxakawatirubumaki. Dasibi habu eki sinatamisburã, yamashãkanikiki, ha nakashã tari pikĩ keyumis keskairã.

Jeremias 1:18

Judá enabũ mai pakea anu hiweabu hatũ shanẽ ibuhairabu inũ, hatũ shanẽ ibu yununika beshmasbu inũ, minabu ebe hãtxashunikabu inũ, yurabu mae anu hiwebaunabu bebũshũ mĩ hatu nemakubaĩshanũ mae mishkiwẽ kenebaũkĩ keyatapa wanibu keska mia wakĩ inũ, mane ferro txibu kushipa keska mia wakĩ bronzewẽ mae kenebaunibu keska mia watã ikis eã mia nitxĩkĩ ẽ mia yunuaii.

Salmos 110:1

Deus kushipa dasibi binuatũ ẽ shanẽ ibu yuikĩ: “Miki sinataibu ẽ hatu maemariama manai ẽ yusiuri tsauyuwe, mĩ tae hanakĩ hatuki kẽyãtanã.”

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Isaías 54:4

Miki hawa kashekĩ mia usãma ishanaibuwẽ taea hawa dateyamashãwẽ. Miki sinatama ishanaibuwẽ taea dakeyamashãwẽ. Mĩ txipash yumetxakai txakabuni hawẽ dakemisrã, hakimawe. Mia itxakawakĩ mĩ benẽ henebaĩkĩ mia dakewanirã, ana has shinãyamawe.

Miquéias 1:2

Mae tibi anu hiweabu inũ nukũ mai pakea hirabi anu hiwebaunabuũ, na eska hãtxa matu yuinũ nĩka peirawakubaĩkãwẽ. Senhor Jeová hanu haki nukuti Templo meribi anushũ haska txakabuwakĩ mã kanekubaĩmis matu txitekĩ matu yuikubaĩshanikiki.

Isaías 49:23

Habu shanẽ ibuhairanibu betsairã, habu inũ hatũ aĩ matũri mã hatu tsuma washanaii. Matu dayashũkĩ matũ bakebu matu mekeshũshãkanikiki. Ha inũ, hatũ aĩbu bakebũ matũ bakebu matu txutxu amashũshãkanikiki. Matu bebũ maĩ beti ika dakashũ habũ matu kẽwãkĩ hatũ hanawẽ matũ tae tashushãkanikiki. Matu haska waibu uĩkĩ txanima ẽ matũ Senhor Deus mã eki txiti imis mã ana hawa eki dakeama ishanai mã unãshanaii.