Isaías 49:13 - Kaxinawá Bíblia (BR)

¹³ Senhor Deusũ hawenabu bika teneaibu ana haska uĩkatsi ikama hatuwẽ nuikĩ ma hatu daewaiwẽ taea naiĩ, benimai sai sai ikãwẽ! Mati matipaã, benimai sai sai ikãwẽ! Maiĩ, benima paepai shinã txãkãkãwẽ!” ikaya

Isaías 49:13 Referans Kwoze

Isaías 44:23

Isaías benimakĩ yuikĩ: Senhor Deusũ hawẽ kushipa matu uĩmakĩ Jacó enabu Israelbu ma ana hatu mebikinãki. Naiĩ, Senhor Deusũ hatu haska waiwẽ taea benimakĩ kẽwãkãwẽ. Mai kini keyatapahairatuũ, benimai sai ikãwẽ. Mati tibi inũ ni shukua inũ dasibi hi mapubaunabuũ, hawẽ kushipa uĩ benima txakayamai kãtakãwẽ.

Isaías 52:9

Senhor Deus hawenabuwẽ nuikĩ hatu maemashũ matu daewakĩ mã Jerusalém matu purenibu maniarã, ma matuki sinataibu hatu nitxĩtã matu tashnimaiwẽ taeshũ kẽwaĩ hatube sai sai ikĩ hatu kemakãwẽ.

Isaías 55:12

Nenu Babilônia anu mã Israelbu benibu ana matũ mae anu txĩtũbaini benimabaini bui matũ mai pakea anu unanuma mã hikishãkanaii. Mã haskabainaibu matu uĩtã mati matipa inũ mawa tibi matuwẽ benimai kãtaibũ ni shukuabũ matu uĩtã matuwẽri benimakĩ mekẽ paush paush akai keskai bubi bubi ishãkanikiki.

2 Coríntios 7:6

Hakia haska yura babu punu nukabu Deusũ benimawamistũ nukũ haibu Tito nukuki nukumakĩ Deusũ nuku benimawaimaki.

Lucas 15:10

Ikũkĩ habiaskari ẽ matu yuaii. Yura bestitxaitũ hawẽ txakabu atimas henetã hawẽ xinã betsa watã ikũwãyã Deusũ nai tsumabu benimamisbuki— iwanã,

Jeremias 31:13

Txipashbu inũ, berunãbu inũ, anibubu benimai besi nawakubirãshãkanikiki. Nui kashabiaibũ hatu benimawakĩ isĩ tenẽbiaibũ benima pae inãkĩ nuitapabiaibũ ẽ hatu daewakubaĩshanaii.

Salmos 69:34

Dasibi nai inũ, mai inũ, ianẽwã inũ, dasibi habu tibi anu dami wakĩ Deusũ hiwemani hiwebaunabũ habũ hau kẽwãkubainũbũwẽ.

Isaías 49:14

hakia Siãonẽri yuikĩ: “Senhor Deusũnã, ea henebainaki. Ẽ Deusrã, ea hakimaki”, ibiaya

Isaías 54:7

“Ẽ matu heneyubaĩshanaii, hatishuĩra kamarã. Hakia ẽ nui pae ewapawẽ ana txĩtũkirã matuki nukui ẽ matube ketashameyushanaii.

Isaías 54:8

Hawaira matuki sinatakauã matuki dakei matu anua ẽ irubiaima hakia ẽ nui ikibi ini ha ẽ nuimis ẽ ana matu uĩmashanaii”, ikikiki, matũ mebikinanika Senhor Deus hãtxai txanirã.

Salmos 65:13

Pãpa anu ma basĩ keyubia anu hanu txashuwanẽ pi itxamisbuki. Napaku anu shekiwã tibi benei batxi pepa sawemisbu keskaki. Haskawẽ taea dasibibu kãtai benimai sai sai imisbuki.