Isaías 49:1 - Kaxinawá Bíblia (BR)

¹ Senhor Deusũ tsuma txani: “Ianẽwã kesha anu mae tibi anu hiwebaunabu inũ dasibi mã txaihaira anu hiweabuũ, ẽ hãtxai ea nĩkakãwẽ. Ẽ kaĩriama ẽ ewã bake nãti merã ẽ nanea Senhor Deusũ ea katukĩ ẽ kena kayabiwẽ ea kenaniki.

Isaías 49:1 Referans Kwoze

Jeremias 1:5

“Mĩ ibubũ mia bikĩ naneriama bebũkiri ẽ mia katuniki. Minabu shukuabu tibi hiwebaunabu anu ẽ hãtxa ea yuishunika mĩ ikũkaĩshanũ mĩ kaĩriama eã mia meribi wakĩ ẽ mia pashkaniki”, ea wa

Gálatas 1:15

Hamẽ judeubumari hau Deusũ hatu kupiyamashanũ nukũ mekenã Messiaskiri eã ẽ hatu yusĩkubaũshanũ ẽ kaĩriamabiakẽ bebũkiri Deusũ ea katuniki. Hanua hawẽ pepawẽ ewẽ nuikĩ ma ẽ huni ewa ea unãmakĩ ana shabakabi ea katushũ hawẽ bakẽ daya ẽ ashũkubaĩshanũ ea kenashũ hawẽ bake ea unãmaniki. Hanushũ hawẽ merabewati hãtxa hau tsuãra ea yusĩnũ yura betsa ẽ hawa yukama iniki.

Isaías 44:2

Ea ẽ matũ damiwakĩ bawanika Senhor Deusũnã, mã kaĩriama matu pe ewawakĩ ẽ matu merabewakubainiki. Jacó enabu Jesurum nĩkaisma mishtĩbuũ, ẽ matu katuni, mã ẽ tsumaburã, dateyamakãwẽ.

Isaías 49:5

Senhor ẽ Deuski. Haskawẽ taeshũ ea duawaya hawẽ kushipa hanua ẽ bimiski. Ẽ hawẽ tsuma ikũkainaya Jacó enabu Israelbũ shinã betsa watã hau hanu bei haki dasishanũbũ Senhor Deusũ ea yunukatsi katutã ẽ ewã bake nãtiki ea dami wakĩ naneniki, ikaya

1 Pedro 1:20

Ha inũ, nai inũ mai damiwakĩ taewariama Messias Cristo yununũbarikatsi Deus bebũkiri yubakanikẽ hanu ma bari hawẽ heneaitiã ma kemaya matu merabewanũ ika Jesus tashninikiaki.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

João 10:36

Deusũ ea meribi washũ yurabu anu ea yununirã, eã yuikĩ: “Ẽ Deusũ bakeki”, ẽ ikaiwẽ taeshũ: “Mĩ Deus itxaii”, ikĩ ea txitekĩ mã kaneaii.

Isaías 60:9

Haburã, shashuwã tibi itxatã beaibu maewã Társis anua shashuwã betsa betsapari bebukirãkĩ matũ bakebu txaikea matu iweshũkĩ hatũ ouro inũ hatũ prata hatu bemashãkanikiki, ea Israelĩ Senhor Deus meribitũ ẽ matu kushipahaira wai ea duawanũ, ika beirã.

Isaías 55:3

Eki kemai ea anu beshũ ea nĩkakãwẽ. Ea nĩkahairakubaini mã hiweshanaii. Davi betxipaikĩ yubanishũ amakĩ ẽ meneshuni keska wakĩ matube yubakatã henepaketima ẽ matuberi yubakatsis ikaii.

Isaías 46:3

Senhor Deusũ ana hatu yuikĩ: “Jacó enabu dasibi mã Israelbu habu matu deteama teshe wanibuũ, ea nĩkakãwẽ. Eanã, mã kaĩriama matũ ibube mekeshũ ẽ matu nimakubaĩmiski. Ẽ matu ikushũ iyuwawamiski.

Isaías 44:24

Matũ mebikinanika Senhor Deusuũ, mã kaĩriama matũ yura yumewanitũ matu yuikĩ: “Earã, ẽ Senhor Deusũ dasibi dami wakĩ nai hirabi kesukauana wakĩ inũ mai dikabi tashnimatã ẽ mestẽwaniki, tsuã ea hawa merabewamarã.

Efésios 2:17

Cristõ hawẽ kaka pepa bei hukinã, unãnumati beniki, mã judeubuma mã txaihaira Deusuma hiweabukiri inũ nũ judeubũ Deuskiri txaima unãbiakĩ nũ ikũwaĩsma nuku yusĩ pewakĩ merabewairã.

Isaías 45:22

Mai kesua anu hiwebaunabuũ, ea anu bekãwẽ, matu mekekĩ ẽ matu piskumashanairã. Earã, ẽ Deuski, ea keska betsa hayamarã.

Isaías 42:12

Ianẽwã kesha mai pakea tibi anushũ Senhor Deus pepawakĩ shabakabi duawakĩ hau kẽwanũbũwẽ.

Isaías 41:1

“Mai pakea Mediterráneo Ianẽwã kesha anu hiweabuũ, hãtxama pestã ea nĩkakãwẽ. Ana dateama huĩti kushipakãwẽ. Haska mã sinatanamemisburã, neri itxai bekãwẽ, haska ẽ matu amamiskiri nũ hãtxanũbunã.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Salmos 22:10

Ẽ ibu anua ẽ kaĩriamatiã ea mekekĩ mĩ taewaniki. Ẽ ibuã pustu meranua mĩ ẽ Deus ini heneama mia besti mĩ ipakeaii.

Isaías 33:13

Mã txai hiweabunã, haska ẽ ashiã mã nĩkashanaii. Ha inũ, mã urama hiweabunã, ẽ kushipa unãkĩ mã uĩshanaii”, ikaya

Isaías 45:3

Ea ẽ Israelbũ Senhor Deusũ mĩ kenawẽ ẽ mia kenai mĩ ea unãshanũ mabu karuhaira inũ pei hune aru pehaira wanibu mia betximatã inãkĩ ẽ mia haya wakubaĩshanaii.

Isaías 49:12

Uĩkãwẽ! Txaihairakea matu merabewanũ ika bekanikiki, nortekiria inũ bari hikiaikiria inũ mai metuhaira Sinim anua beirã.

Isaías 52:13

Senhor Deusũ ana hatu yuikĩ: “Ẽ tsumapã dasibi binukĩ keyuaya shanẽ ibuhaira wakĩ dasibi hatu binumatã ẽ tsaũshanaii.