Isaías 46:13 - Kaxinawá Bíblia (BR)

¹³ Eã ẽ matu tashnimabirãshanairã, ma kemaikiki. Mekekĩ hawairakirã ẽ matu piskumashanai ma txaimaikiki. Sião mekea haya wakinã, eã ẽ ashanaii. Haska watã Israelbu ẽ kushipa ẽ hatu anu buteshanaii”, itã,

Isaías 46:13 Referans Kwoze

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Isaías 44:23

Isaías benimakĩ yuikĩ: Senhor Deusũ hawẽ kushipa matu uĩmakĩ Jacó enabu Israelbu ma ana hatu mebikinãki. Naiĩ, Senhor Deusũ hatu haska waiwẽ taea benimakĩ kẽwãkãwẽ. Mai kini keyatapahairatuũ, benimai sai ikãwẽ. Mati tibi inũ ni shukua inũ dasibi hi mapubaunabuũ, hawẽ kushipa uĩ benima txakayamai kãtakãwẽ.

Isaías 43:7

Dasibi enabu ẽ kenaya habũ ea duawakĩ yurabu ẽ kushipa hau uĩmashanũbũ hatu dami wakĩ ẽ bawanirã, ea anu ana hatu iwerikãwẽ’ ”, iwanã,

1 Pedro 2:6

Haskai kaikiri hawẽ yuishunika Isaías Deusũ yuikĩ: “Uĩa. Katushũ hawẽ hiwe mestẽwãti mixki pepa keska shanẽ ibu kuxipa Jerusalém anu ẽ tashnimashanaii. Hawẽ hãtxa habũ ha ikũwaĩbu eã ẽ hatu dakewama ishanaii”, aka nĩkatã keneniki.

2 Tesalonicenses 1:10

Haskakẽ hawara nukũ Shanẽ Ibukiri nũ matu yusĩ txanitanima mã ikũwaĩwẽ taeshũ hatiãra nukũ Shanẽ Ibu hanu huaitiã dasibi mai hirabi anushũ nũ ikũwãbaunaibũ txanima uĩtã duawakĩ nũ kẽwãshãkanaii.

Habacuque 2:3

Haska nama keskawẽ ẽ mia unãmai hawaira huamabiakẽ hanu huai katutã ẽ yunua txanima hushanikiki. Hakia hawa niti ikama hushanaiwẽ taea manayukubaĩshãwẽ.

Joel 3:17

Senhor Deusũ ana matu yuikĩ: “Ha mã ea anu haskaitianã, txanima ẽ matũ Mekenika Senhor Deus Sião ẽ mati meribi anu ẽ hiwea mã unãshanaii. Ha inũ, Jerusalém maewã meribi unanuma hawama ishanikiki. Itxakanikai mebinanaĩ detenamei nukunabuma nawa betsabu ana betaskatirubuma ishãkanikiki.

Isaías 61:11

Haska mibã mai anua hukuĩ peshei taemis keska inũ bai watã hawara heshe betsa banashinabu peshetã hukuĩ ewamiski. Haska keskari wakĩ Senhor Deusũ hawẽ kushipawẽ hawenabu hatu binumakĩ dasibi nawa shukuabu hatu kãtamakĩ kẽwãmashanikiki.

Hebreus 10:37

Deusũ hawẽ hãtxa yuishunika hãtxa wa hatu keneshũkĩ: “Ẽ haskakiri yubakairã, hawa manakubiranama hawaira iki hushanikiki.

2 Tesalonicenses 1:12

Haska ẽ matukiri Deus yukashũmiswẽ taeshũ matu uĩkĩ nukũ Shanẽ Ibu Jesus dasibibũ kẽwãshãkanikiki. Mã haska waibu Jesusũ matu duawakĩ matu kẽwãriashanikiki, haska nukũ Epa Deus inũ nukũ Shanẽ Ibu Jesus Cristõ nuku abukĩ haska xinãkubaĩmisrã.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Romanos 1:17

Haska inũ, hawẽ hãtxa yuishunikatũ Deusũ kakapekiri kenekĩ yuikĩ: “Tsuabũra Deusũ hãtxa ikũwãkĩ txibaĩwẽ taea pepai hiweshãkanikiki”, aniki. Haskawẽ taeshũ hawẽ bakekiri kakape Deusũ hawẽ hatu mekekĩ hatũ txakabu buanishũ ha besti ikũwaĩbu hatu pashawashanikiki.

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 28:16

haskaibuwẽ taeshũ Senhor Deusũ hatu yuikĩ: “Mishki karuhaira ẽ katuni ha mishki uĩbaĩ hakimatima haki tsamabaũkĩ mestẽwãti Sião anu ẽ tashnimashanaii. Tsuãra ha mishki betxipaikĩ katutã hawẽ datetirubumaki, ma haki txiti ikarã.

Salmos 46:5

Ha mae merã Deus hiweshũ hatu tsuma keyuaki. Shaba betsa tashniai tibi Deusũ merabewakubainikiki.

Salmos 46:1

Hawara bikahaira nũ teneai nukũ Deusũ nuku merabewamiski. Nuku keshekĩ nuku arua tsuã nuku metiruma Deus nukũ kushipahairaki.

Salmos 14:7

Ha Israelbũ mekenikarã, Jerusalém anu shanẽ ibunũ ika hau hushanũwẽ! Senhor Deusũ nũ hawenabu nuku ana pe mekekĩ duawaya Jacó enabu, ha Israelburã, dasibibu mae tibi anuabu benimai shinã txãkãshãkanikiki.

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

Joel 2:32

hanushũ tsuabũra: “Ẽ Shanẽ Ibu Senhor Deus kushipaki”, ikĩ ea dayuiaibu habu besti pashakĩ hatũ hiwea ikibi ika bishãkanikiki, mawa kayabi anu kamarã. Haska Senhor Deusũ hatu yubanirã, Mati Sião inũ Jerusalém anu hanu piskuti hayaki. Hanua tsuabura Senhor Deusũ ma hatu katuni hiweriakubaĩshãkanikiki, hawẽ kupiti mawa bika teneabumarã.

Miquéias 7:9

Kanekĩ txakabu wakĩ Senhor Deus ẽ pashkaima eki sinataya: “Enaki”, ishũ hawẽ sinata ẽ teneshũkubaĩshanaii. Ẽ haska wakubaĩmis unãti watã ea pepa wakĩ Senhor Deusũ ea hatu kupishũshanai ariamakẽ hĩ hĩ ikama ẽ manayukubainaii. Hatu maemakĩ ea uĩmakĩ hawẽ kushipa shabakabi Senhor Deusũ ẽ txakabu unãti wakĩ ea unãmashanikiki, bĩ dekua keska anu ea iyukinã.

Isaías 45:8

Senhor Deusũ ana yuikĩ: “Hamapai tibi ẽ maemati kushipawenã, nai anushũ eã ẽ yunumiski, eska keska tibirã, nai anu basnũ kurumayai inũ nai kuĩ anua ui haya wakinã. Habu tibirã, maĩ tsu amis keska wakĩ meketi pepa inũ yunuti pepa ẽ kaĩmamiski, yunu huatã bimimis keska wakinã.

Isaías 60:9

Haburã, shashuwã tibi itxatã beaibu maewã Társis anua shashuwã betsa betsapari bebukirãkĩ matũ bakebu txaikea matu iweshũkĩ hatũ ouro inũ hatũ prata hatu bemashãkanikiki, ea Israelĩ Senhor Deus meribitũ ẽ matu kushipahaira wai ea duawanũ, ika beirã.