Isaías 45:4 - Kaxinawá Bíblia (BR)

⁴ Ha ẽ tsuma Jacó betxipaikĩ ẽ katuni, Israelbu enaburã, habuwẽ taeshũ mĩ kena kayabiwẽ ẽ mia kenaniki. Mĩ shanẽ ibu keyutima mia shinãpaketi haya wakĩ ẽ mia kaĩmaniki, hawa mĩ ea unãmabiakenã.

Isaías 45:4 Referans Kwoze

Romanos 11:7

Haskakẽ Israelbu pepatirubu mirimabũ tapĩpaibiabu kanei huĩti kuxikĩ unãbuma Deusũ hãtxa hawẽ hiwekaĩti biama inibuki. Haskabiaibũ hatiri Deusũ katuabũ habũ hatũ hiwea binibuki.

Hechos 17:23

Hanushũ mã yushĩ dami betsa betsapa tibi duawakĩ kẽwãmis anu ha txi tapu fogão betsakia uĩbaũkĩ betsa hawẽ kene nea: “Yushĩ tsuã ha unãmaki”, ika netãni ẽ uĩxinaki. Haska hawẽ kena unãriamabia mã kẽwãmisrã, hawẽ kenarã, Yavé Deuski. Haskakiri matuki txanitanũ ika ẽ huxiãki. Ea nĩkakãwẽ.

Isaías 44:1

Senhor Deusũ hatu yuikubaĩkĩ: “Jacó enabu mã Israelbu inũ, mã ẽ tsuma ẽ katuabuũ, natiã ẽ hãtxa nĩkakãwẽ.

Romanos 9:6

Haska Deus Israelbu hatu yubanirã, Deusũ hawa betsa wama hawẽ hãtxa kuxipa hawa benuamaki. Haskabia Deusũ hatu yubani ikũwãkĩ ha Israelĩ baba itxapabũ txibãbumawẽ taea habu Israelbu kayabi itirubumaki.

Marcos 13:20

Ha haskaibutiã Shanẽ Ibu Deusũ hawa nemakĩ tsua pashawatirumabia ma hawenabu hatu katuniwẽ taeshũ hatuwẽ nuikĩ hau dasibibu debui keyuyamashanũbũ yumaĩbutiã Deusũ bari ana txai wama txaima shekashanikiki.

Mateus 24:22

Ha haskaibutiã Deusũ hawa nemakĩ tsua pashawatirumabia ma hawenabu hatu katuniwẽ taeshũ hatuwẽ nuikĩ hau dasibibu debui keyuyamashanũbũ yumaĩbutiã Deusũ bari ana txai wama txaima shekashanikiki.

Isaías 44:28

Hanushũ Pérsia shanẽ ibuhaira Ciro yuikĩ: ‘Miarã, mĩ ẽ hatu mekeshunikaki. Dasibi haska ẽ betxipaiai miã mĩ ea ashũshanaii’, akĩ ẽ yunushanaii. Ha inũ, Jerusalém yuikĩ: ‘Miarã, mĩ ana mae benikishanaii’, akĩ ẽ yuishanaii. Ha inũ, Templo yuikĩ: ‘Mĩ mestẽwãti mishki habũ buyabirãshãkanikiki’, akĩ ẽ yuiriashanaii.”

Isaías 43:14

Israelĩ Senhor Deus meribi hatu mebikinãkũkaĩmis hatuki txani: “Matu hari pashawakinã, Babilônia hunibu ẽ hatu yunushanaii. Haria matu tashnimabirãkatsirã, bai tibi ẽ matu bepẽshũshanaii, Caldéia nawabũ matu iyui matuwẽ benimabiabainibu habũri bika teneshãkanikiki.

Efésios 2:12

Uatiã matu hiwearã, Cristouma inũ, Israelbube danãnanaĩ inũ, hawa Deusũ hatu yubakĩ matu yubama iniki. Haska mã hiwea iyuniki, xinãkãwẽ. Haskawẽ taea Deus unãma inũ hawa manakati pepa hayama na mai anu mã hiwepauniki.

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.