Isaías 45:18 - Kaxinawá Bíblia (BR)

¹⁸ Nai dami wanika Senhor Deusũnã, mai dami wakĩ tashnimaniki. Haska watã mestẽwaniki. Hatũ mai dami watanã, hau shaka bestiyamanũ yurabu dami wariatã hiwemakĩ yuikĩ: “Ea besti ẽ Senhor Deuski, betsa hayamarã.

Isaías 45:18 Referans Kwoze

Salmos 115:16

Nairã, Senhor Deusunaki. Hamẽ mairã, yurabu yununiki.

Isaías 45:12

Eã ẽ aniki, mai inũ yurabu dami wakinã. Ẽ mekẽwẽ nai hirabi hatishũ kesũtã hanushũ ẽ yunua dasibi habu txashatirubu tashni keyunibuki.

Isaías 42:5

Ha Senhor Deusũ nai hirabi dami wakĩ kaĩmani inũ, mai dami wakĩ tashnimani anu haki hamapai benemisbu inũ, yurabu haki hiweabu hiwea hatu inãkĩ hatu huĩsinamamistũ hawẽ tsuma yuikĩ:

Gênesis 1:2

Mai hayariama hawa hayamahairakẽ Deusũ uiã dasibi henewãs uke merã dasibi meshui keyua dakakẽ habiatiãri Deusũ Yushĩ Pepa hene mamakishũ tũkash akaya

Gênesis 1:26

Deusũ ana yuikĩ: “Yurabu damiwanãwẽ, nuku itsarã, nukũ yushĩ keska wakinã, mai hirabi anu baka inũ, piti yuinaka inũ, pitibuma yuinaka hau hatũ ibu washanũbunã”, ishũ

Gênesis 9:1

Deusũ Noé inũ hawẽ bakebu duawakĩ yuikĩ eska wanikiaki. “Bake itxapa bawai ana pai mai anu ana iake iakebaũshãkãwẽ, hiwebaunirã”, iwanã ana yuikĩ:

Gênesis 1:28

hatu duawakĩ yunukĩ yuikĩ: “Matũ bakebu bawakĩ hatu pa wapakeshãkãwẽ. Hiweakeakebaũkĩ mai hirabi anu matuna wakĩ ibu wai shanẽ ibupakeshãkãwẽ, hene anu baka inũ, manaũria peiyabu inũ, yuinaka dasibi maĩ sharaibu dikabi ibu wakinã”, iwanã,

Gênesis 1:1

Deusũ nai inũ mai dami wakĩ eska wakĩ taewanikiaki.

Isaías 44:24

Matũ mebikinanika Senhor Deusuũ, mã kaĩriama matũ yura yumewanitũ matu yuikĩ: “Earã, ẽ Senhor Deusũ dasibi dami wakĩ nai hirabi kesukauana wakĩ inũ mai dikabi tashnimatã ẽ mestẽwaniki, tsuã ea hawa merabewamarã.