Isaías 45:14 - Kaxinawá Bíblia (BR)

¹⁴ Senhor Deusũ Israelbu yuikĩ: “Egito anua dayakapabu inũ, Etiópia anua mabu inananãmisbu inũ, Sabá anua ha yura keyatapabu habũ matu kẽwaĩ matũ tsumai escravo ishãkanikiki. Mane dispi txiwetameyawẽ neshea matu txipi mapua matu bebũ dãti itã kẽwãkĩ matu yuikĩ: ‘Txanima kayabi matuna besti Deus kayabi matu anuki. Ha bestihairaki, Deus betsa hayamarã’, ikaibũ”,

Isaías 45:14 Referans Kwoze

Isaías 49:23

Habu shanẽ ibuhairanibu betsairã, habu inũ hatũ aĩ matũri mã hatu tsuma washanaii. Matu dayashũkĩ matũ bakebu matu mekeshũshãkanikiki. Ha inũ, hatũ aĩbu bakebũ matũ bakebu matu txutxu amashũshãkanikiki. Matu bebũ maĩ beti ika dakashũ habũ matu kẽwãkĩ hatũ hanawẽ matũ tae tashushãkanikiki. Matu haska waibu uĩkĩ txanima ẽ matũ Senhor Deus mã eki txiti imis mã ana hawa eki dakeama ishanai mã unãshanaii.

1 Coríntios 14:25

Hatũ xinã txakabu hunea shabakabi wamakĩ Deusũ hatu unãmaya ana hawawẽ haskatima datei Deus kẽwãnũ ika dãti iki beutã yuikĩ: “Txanima Deus matuki dasia hiweaki”, ishãkanikiki.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.

Joel 3:8

Hanushũ matu manakuriakinã, matũ huni bakebu inũ matũ aĩbu bakebu Judeubu ẽ hatu inãshanaii. Hanushũ habũri Sabeu nawabu txai nenumahaira hiweabu hau peiwẽ hatu inãshanũbũ ẽ yunushanaii. Ea ẽ Senhor Deusũ ẽ haska matu yuiaii”, itã

Isaías 43:3

Earã, ẽ Israelĩ enabũ Senhor Deus meribi matũ piskumanikaki. Matu tashnimakinã, matu ana ena wakĩ bikatsis ikĩ ha nawabu Egito inũ, Etiópia inũ, Sebá habũ matu itxakawaibu hatu matu kupishũkĩ Pérsia nawabuwẽ ẽ matu tashnimabirãshanaii.

Êxodo 11:8

Ha dikabi mĩ merabewanika shanẽ ibubu dasibi eanu beshũ eki dãti itã ea ea akĩ: “Haskakenã, nukũ mai pakea hirabi anua kariwe, minabũ mia nĩkamisbu iyuirã”, ea wariabuma ẽ katirumaki— akĩ Faraó yuitã Moisĩ sinatahairai Faraónẽ hiwe anua kaĩkaĩkẽ

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

Isaías 61:9

Matũ bababu pakubaini pe hiweabũ nawa shukua tibibũ hatukiri pe shinãkĩ kẽwãkĩ yuikubaĩshãkanikiki. Senhor Deusũ hawenabu pewẽ hatu duawakubainai dasibibũ hatu uĩkĩ unãshãkanikiki”, ikaya

Isaías 45:24

ea yuikĩ: ‘Senhor Deus besti kushipa maemanika paepaki’, ikaibũ hakia hatiri habũ ea danãmisbu hatuki kashekĩ usãshãkanikiki.

Isaías 44:8

Ẽ haskakẽ benimai dateyamakãwẽ! Nenumahairatiã yui ea ẽ txaninirã, matubunã, mã unaiĩ. Mã haska ekiri txanitirubuki. Deus kayabi betsa hayamẽ, mã unanã? Hayamahairaki. Hanu pashati betsa ẽ uĩsma ẽ hawa unãmaki.”

Jó 1:15

hawaira hune Sabeu nawa mirimahairabu beshũ mĩ inabu dasibi yumetsukĩ nupe txaipawẽ mĩ dayaru dasibi tenã keyuaibũ ea besti hunei pashakirã ẽ mia yuiaii— aki

Ester 8:17

hanira província tibi inũ mae tibi inũ hiwebaunabu anu shanẽ ibuhairatũ yunuti bei hikiabu yununikabũ hatu banabimabuwẽ taea Judeu nawabu benima txakayamai piti washũ pi besibaunaibũ ha dikabi Judeu nawabũ hatu maematã hamapai sharabu haya hatu mebĩtirubuwẽ taea hatuwẽ datei nawa betsa betsapabia: “Nũ Judeu nawaki”, ikubainibukiaki.

Números 13:32

Israelĩ enabu dasibi habu dasibibu butãshĩshũ hatu yuikĩ: —Hari kashũ ha mai pakea nũ uĩbaũtãshinarã, txakabuhairaki. Ha yura hanu hiweaburã, yura betsabu betxipaiama hatu detemisbuki. Yura ewapabu mirima nũ hatu uĩshinaki.

Jó 11:19

Mĩ hatu merabewatiru mia benai mia anu bebirã bebirãbiakĩ mĩ huĩrukuĩ daka tsuã mia dateama ishãkanikiki.

Isaías 54:3

txipu yusiuri inũ yusmauri minabu pai manibaũkĩ nawa shukua itxapa hatu atxitã natiã ha mae hanu tsua hiweabuma anu habũ maewatã hiweshanaibuwẽ taearã.

Isaías 55:5

Nawabũ matu unãbuma mã hatu kenaya habũ matu unãmabia nĩkanũ ika matu anu kushibirãshãkanikiki, ea Israelĩ Senhor Deus meribitũ ẽ kushipawẽ ẽ matu duawaiwẽ taearã”, ikai nĩkatã

Isaías 60:3

ha uĩtã nawa shukuabu tibi matũ mekenã uĩ beshãkanikiki. Shanẽ ibuhairabũ matũ kushipa penai keska uinũ ika matu anu beshãkanikiki.