Isaías 43:13 - Kaxinawá Bíblia (BR)

¹³ Ea ẽ tashninirã, hawa betsama habias ẽ ipakeaii. Ẽ kushipa mebĩkĩ tsuã ea henematirumaki. Hawara ẽ akai tsuã ea binumakĩ txakabuwatirumaki.”

Isaías 43:13 Referans Kwoze

Isaías 46:10

Ẽ dami wakĩ taewani keyui kai yui ẽ txaniniki, earã. Haska tashniriamahaira haskanũbariai yui ẽ txaniniki. Haska wakatsi ikĩ yubakatã eã ẽ tashnimamiski. Haska tibi hau inũwẽ, akĩ eã ẽ yunua imiski.

Hebreus 13:8

Ha inũ, Jesus Cristorã, hawa maei betsaisma habiaskaski, uatiã inũ, natiã ikai inũ, ipakeshanairã.

João 8:58

—Txanima ẽ matu yuiaii. Abraão hayariama ea dukũ ẽ ikibi ini ẽ ikũkainaii— hatu waiwẽ taeshũ

Apocalipse 1:8

Hanua mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana hushanaitũ ea yuikĩ: “Ea dukũ ẽ hiweni inũ ẽ hawẽ henea debesekeaki”, ea washuki.

1 Timóteo 1:17

Hanua Deus nũ uĩtirumabia ha bestitũ nuku mekei shanẽ ibuhairakũkaini niti ikama hiwemistũ dasibi damiwani heneama hau dasibibũ kẽwãkubainũbũwẽ. Haskakirã.

Efésios 1:11

Haska wanũbarikatsi Deusũ bebũkiri Cristowẽ nũ judeubu dukũ nuku katuniki, haska Deusũ hamebi xinaĩ keskawẽ nuku duawaya nũ hawenabu ipakeshanũbunã.

Isaías 41:4

Dasibi haska watirubu daya amakinã, tsuã hawẽ shinanẽ hatu taewamanimẽ? Hanu yurabu dami wakĩ taewatã haska hau hiwekubaĩshanũbũ hatu yunukubaĩkinã, tsuã hatu akubaĩmismẽ? Earã, ẽ habia Senhor Deus ea besti Deus kayabitũ ẽ hatu yunukubaĩmiski. Ea dukũ ẽ ini inũ hawẽ henei ẽ iriakũkaĩshanaii.

Habacuque 1:12

nĩkatã eã Senhor Deus yuikĩ: “Senhor Deusuũ, ẽ Mekenika Deus meribi mawatiruma mĩ hiwei ikibi ika ẽ unaiĩ. Ẽ Mekenika Senhor Deusuũ, Israelĩ enabu txakabumisbu hau mia hatu kupishũshanũbũ Caldéia nawabu mĩ hatu kushipa waniki.

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

Provérbios 21:30

Unanepa inũ, tapinika hãtxa inũ, yubakai penikã habũ Senhor Deus yuibiakĩ binukĩ maematirubumaki.

Provérbios 8:23

Mai dami wariama ea dukũhaira ea dami wakĩ taewaniki, hawa mai anu betsa tashniriamahairatianã.

Números 23:20

Hakia ẽ hatukiri pe yuikubainũ ea yunushuki. Deusũ hatukiri pe yuiaya hãtxa betsawẽ ẽ nematirumaki.

Isaías 46:4

Matu haska wamis shũ heneama mestebui mã buyabis bushka hushubiaya ẽ matu mekeriakubaĩshanaii. Eã matu dami wanishũ hawa matu heneama ẽ matube merabemisrã, eanã, matu tsumakubaĩkĩ ẽ matu piskumashanaii.

Josué 2:2

tsuãra Jericó shanẽ ibu yuikĩ: —Ikis meshu merã Israelĩ enabu dabe nuku hune uinũ ika Raabẽ hiwe anu ma hikiabukiaki— aka