Isaías 42:15 - Kaxinawá Bíblia (BR)

¹⁵ Mati keyatapabu inũ mati hatiubuma yamawakĩ dasibi ni hukũmisbu ẽ tsusĩwãkĩ keyushanaii. Dasibi hene netsukĩ mai tsusĩwãkĩ ẽ hawa hayama washanaii. Iã tibiri ẽ netsu keyuriashanaii.

Isaías 42:15 Referans Kwoze

Isaías 50:2

Ana matu merabewanũ ika hushũ ẽ hawa huni betsa betxiama iniki. Ẽ matu kenabia tsuã taska mã ea kemama inibuki. Ẽ matu haska wabia haskakĩ mã ea benakĩ shinaĩsmamẽ? Eanã, matu merabewakĩ ẽ matu piskumatiruma mã ekiri shinaĩ imismẽ? Habũ matu tsuma wabu anua ẽ matu tashnimatiruma dabanẽ mã shinaĩ imismẽ? Earã, ẽ kushipaki. Ianẽwã yunukĩ: ‘Hawaira hene netsui metuwe’, ẽ wa itiru inũ heneri betsa wakĩ metu wakĩ ẽ tsusĩ wãyã baka ũpash manui mawai pisimayatiruki, hene hayamakenã. Ha hene netsua anuri mairi hanu tsua hiweabuma ẽ watiruki.

Isaías 44:27

Ianẽwã netsukĩ ẽ tashka watiru inũ hau hene tibi ũpash hayayamanũ ẽ yunutiruki.

Apocalipse 20:11

Hanushũ Shanẽ Ibu haki tsauti hushupa hawẽruahaira nukũ Shanẽ Ibu haki tsauwa ẽ uĩshuki. Tsaukẽ bari inũ, ushe inũ, bixi inũ, mai keyu tsekebaini nixmai yamakainaya

Apocalipse 16:18

hanua kana baka baka itã tĩ ikaĩkaini mai taka aki mai patxa sakui yurabu mai anu hiweabu: “Haskakũkiranai nũ meismaki”, iki mesehairaibũ

Apocalipse 16:12

Hanua nai tsuma ha sexto kashũ hawẽ kẽtxaki Deus sinatamis mata henewã Eufrates anu hukaya hau shanẽ ibubu bari huaikiria hau hawẽ benũbũ bai tapĩshuni hene netsuaya

Apocalipse 11:13

ha haskabaini nesebainaibũ patxa sakuaya ha mae décima parte pake betsa di akaya 7.000 yurabu debuaibũ dasibi yura betsabu habu hiweyuabu datehairai damapaikĩ Deus nai hirabi shanẽ ibu kuxipahaira ikũwãmabia kẽwaĩbu haskashanaibu nĩkakĩ ẽ uĩshuki.

Isaías 49:11

Mati matipa anu bai hayamabiakẽ matu bai tapĩshũkĩ bai txakabu ẽ matu pãpa washũkubaĩshanaii.

Isaías 41:15

Matuburã, hawẽ mai sheshabaĩti sheta benaya keska ẽ matu washanaii. Mai sheshabaĩkĩ mati tibi pãpa wakĩ mã mishpu washanaii. Mati mishtĩ shekiwã shaka keska mã washanaii.