Isaías 33:20 - Kaxinawá Bíblia (BR)

²⁰ Sião maewã uĩkãwẽ, hanushũ Deus kẽwaĩ nũ besi peaiburã. Ha Jerusalém maewã kushipa hanushũ tsuã matu ana bikawatiruma anu shinãkãwẽ. Ha maewanã, tari hiwe pũtekĩ mestẽwã keska tsuã hawẽ nitxĩ tibi betsetirubuma inũ hawẽ dispi tesatirubuma keskaki.

Isaías 33:20 Referans Kwoze

Salmos 46:5

Ha mae merã Deus hiweshũ hatu tsuma keyuaki. Shaba betsa tashniai tibi Deusũ merabewakubainikiki.

Isaías 54:2

Mĩ tari hiwe mĩ hanu hiwea ana hãshekakĩ hashpa ewapa wariwe, hawa dateama ana pũtebaũkĩ hawẽ dispi txaipa washũ mestẽwãkĩ hawẽ nitxĩti tibiki masta akeakewe,

Isaías 32:18

Enabu hiweirã, mae pes daka anu hiweshãkanikiki, hawa dateamarã, hanu hiweabu tsuã hatu metirubuma anurã.

Apocalipse 3:12

Tsuabũra ea danãma habũ maemakĩ binumisburã, hanu ẽ Epa Deusũ hiwe anu hawẽ txibu betsa keska tsuã betsetiruma keska ẽ matu washanaii. Hanua mã hani ana kaĩbaĩnama inũbariaii. Haska inũ, ẽ Epa Deusũ kena matuki kenekĩ netãkĩ hawẽ mae Jerusalém Bena ha mae nai anua butushanai hawẽri matuki kenekĩ netãkĩ ẽ kena benari ẽ matuki netãshanaii.

Mateus 16:18

Eã mia kenakinã, mia Pedro wakĩ mixki kuxipa keska ẽ mia waii. Mĩ haska hãtxakĩ yuishuwẽ taeshũ yurabu mĩwẽri itxapa ẽ hatu ikũwãmashanaii. Yura mema mawatirubiakẽ Satanásã datemakĩ ea ikũwaĩbu maematirumaki, hatu nemakinã.

Deuteronômio 12:5

Hene kesha betsauri matunabu shukuabu tibitũ mai pakea ibuwaimabũ haratura mae Senhor Deusũ ha mae katua hanu haki nukuti tari hiwe hawẽ kena hanua kaiã anu kashũ kẽwãkĩ matũ mekenika benimawakĩ mã kẽwãkubaĩtirubuki.

Isaías 33:6

Bari tibi hawenabu hawa putama hatu mestẽwãkubaĩmiski. Hawẽ unanepati inũ hawẽ txakabu inũ pepa unãtirã, harã, keyuisma pepahaira hiweatũ nuku piskumatiruki. Deusũ matu hawẽ datemairã, hawẽrua pepa meseki.

Salmos 46:6

Deusũ hawẽ hãtxa nawa tibi hatu nĩkamaitiã datei saki saki iki hatũ hui dẽke ishãkanikiki. Mai yamakainaya shanẽ ibu tibitũ hatũ kushipa benushãkanikiki.