Isaías 33:15 - Kaxinawá Bíblia (BR)

¹⁵ eskabu besti hiweshũ yuimisbu, habu pashatiruki. Habu pe hiwekũkaĩkĩ hãtxa txanima yuimisbu inũ, habu mabuwẽ kemui hiwekĩ betsabu itxakawaisbuma inũ, mabu inãkuĩ bitã hatu hawẽ parãkĩ hatũ shinã betsa wamaisbuma inũ, pubẽbũ shinã habũ nĩkatã hatu txibaĩsma inũ, txakabuaibu hatu uĩkĩ txibãkatsi ikama bekua keskashũ shinãmisburã,

Isaías 33:15 Referans Kwoze

1 João 3:7

Ẽ bake keskabuũ, hau tsuã matu parãyamanũ ẽ matu yuiai nĩkakãwẽ. Jesus Cristo pepa ikũkaini keskakĩ tsuãra txibãkĩ pepa akubainairã, ha hunirã, hawẽ xinã pepariki.

Santiago 5:4

Haskashanikiki. Nĩkairakãwẽ. Dayakapabu hatu dayamakĩ matũ bai hatu urumakĩ hatu parãkĩ haska wakĩ mã hatu beshpa betximis yuiaibu nukũ Epa Deus kuxipahairatũ hatu nĩkamiski. Ha inũ, matũ yunu matu tsekashũ mãtxĩshũmisbũ haska mã hatu pakama yui matuki ha ikaibu nĩkariamiski, Epa Deusunã.

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

Lucas 19:8

hanushũ Jesusũ hãtxa nĩkakĩ hawẽ xinã betsa watã Zaqueu benitã Jesus yuikĩ: —Shanẽ Ibuũ, ẽ hatu haska washanai nĩkawe. Ẽ mabu inũ ẽ pei tanatã dabukũ ha nuitapaibu ẽ hatu inãbaũtiru ẽ xinaiĩ. Ha inũ, tsuabura hatu parãshũ hatũ hamapai ẽ biãmis dabe inũ dabeki ẽ ana hawẽri ẽ hatu inãshanaii— akaya

Malaquias 2:6

Levĩ hatu yusĩkinã, hawa txakabu hatu yuiama txanima hãtxa hatu yusĩkubaĩkĩ hau txakabuwayamanũbũ Israelĩ enabu mirima nemakĩ unanuma pepai ebe ketashamea ikubainibuki.

Mateus 26:15

hatu yukakĩ: —Jesus ẽ matu atximayarã, hati pei mã ea inãtirumẽ?— hatu wa habu benimakaũ habũ 30 pei heshe prata karuhaira inãbu

1 Samuel 12:3

Na habiatiã ẽ nenuki. Haskara ẽ matu akubirãshinamẽkaĩ, ea yuikãwẽ. Tsuã ina awa kasmai jumento ẽ biaĩmamẽkaĩ, bika tenemakĩ tsua ẽ itxakawaimamẽkaĩ, hawa txakabu hau hatu unãyamanũ hune hatũ pei ẽ biaĩmamẽkaĩ, Senhor Deus bebũ inũ matũ shanẽ ibuhaira Senhor Deusũ katuima bebũ ẽ tsuara haska waimarã, shabakabi ea yuikãwẽ, mã huni betsa ẽ haska waima ẽ diriarã, hawara pepawẽ ẽ matu pakairã— hatu waya

Isaías 58:8

Mã haska wakĩ samakekĩ ea uĩmakubainaiburã, matũ akarã, penai shaba txashamis keska ẽ matu washanaii. Hamapai bika mã teneai hawaira mã shushashanaii, dete bui keskairã. Kaneama mã pepa wamisrã, mia bebũ tashniaya ẽ kushipa pepawẽ matu mekeshũ ẽ matu unãmakubaĩshanaii.

Provérbios 10:9

Tsuabura pe hiwekĩ hawa txakabu meisbuma hawaki dateama unanuma hiwekubaĩmisbuki. Hakia tsuabũra txakabu mekĩ hunebiamisbu hatũ txakabu shabakabi betxitã hatu dake washãkanikiki.

Provérbios 15:27

Tsuãra hawenas besti wanũ, iwanã, mabuwẽ kemukĩ hawenabu duawama ibubis txakabumisbuki. Hamẽ tsuãra hawẽ txakabuwẽ taeshũ shanẽ ibu hune pei inãpaia danãkubaĩmisrã, hiwei pekũkaĩkĩ Senhor Deus benimawamiski.

Isaías 58:6

Haskatimahairaki! Samakea kayabi eã ẽ betxipaiairã, eska tibi shinaĩ itiki. Nĩkairakãwẽ. Mane dispi txiwetameya nasa keska wakĩ yunuti txakabu pekakãwẽ. Hatu bika tenemakĩ mã huni betsa neshakĩ akawarã, ana hatu bika tenemama henekãwẽ. Hatu itxakawaibu merabewakĩ hatu mepãmakãwẽ. Tsuãra hatu yunutxakai mã pubẽmisrã, yamai beshtekerikãwẽ.

Jó 31:7

Ẽ hiwea pepa henetã hawara uĩ kemukĩ txibaĩ kasmai ẽ mekẽwẽ hawara txakabu sharabu ẽ meimakẽ

Salmos 15:5

tsuara pei inãtã ana shekakĩ paraĩsma inũ, huni txakabuwamanũ, iwanã, huni betsa pei inãkĩ yunu txakabu aismarã, haska hiwekũkaĩmisrã, habũ besti hawa txakabuwaisma ea kẽwãtirubuki. Hawa ana txakabu meama tsuã ana hatu parãkĩ txakabuwamatirumaki”, ea waimaki.

Provérbios 1:10

Huni txakabubũ mia parãkatsis ikaibu hawa hatu nĩkakĩ txibãyamashãwẽ.

Provérbios 1:15

Mĩ ẽ bakewẽ taeshũ epaã, txakabu txibãyamashãwẽ. Tsuara hawaira tenãkatsis ikaibube hatũ bai txibaĩ hatube kayamashãwẽ.