Isaías 1:19 - Kaxinawá Bíblia (BR)

¹⁹ Shinã betsatã mã ea nĩkakubainaibunã, ha mai anua mibã pepahaira beneai haya mã pikubaĩshanaii.

Isaías 1:19 Referans Kwoze

Joel 2:26

Matubũ pikĩ yaniwakubaĩkinã, ea matũ Mekenika Senhor Deus mã ea kẽwãkubaĩshanaii. Ẽ kushipa ẽ matu unãmashinawẽ taea mã enaburã, ana matũ dake pae teneama mã ishanaii.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

Jeremias 7:5

Betsabube ana hatube parananãbukuãma, inũ matunabuma beaibu ana hawa hatu itxakawama inũ, bake ibuuma inũ aĩbu beneuma ana hatu itxakawama inũ, na nenu hiweabu yurabũ hawa txakabuwabuma detekĩ ana tenãma inũ, ibubis txakabui atimapakĩ yushibu dami betsa ana kẽwãma inũ, matũ hiwea mã pewakubainai inũ, haska mã ikũkainai shinã betsatã mã pepaiburã,

Isaías 58:14

Mã haskakubainaiburã, ea anua matũ benima pae mã bikubaĩshanaii. Matuki sinataibu ẽ kushipawẽ matu maemamatã matũ mae anu ana iyushũ ẽ matu shanẽ ibu washanaii. Matũ shenipabu Jacó ẽ yubani keska matubu ẽ matu inãshanaii, mã hawẽ benimashanũbunã”, ikĩ Senhor Deus kayabitũ hawẽ hãtxa haska mestẽwãkĩ yuikiki.

Jeremias 7:3

eska Israelĩ enabũ mekenika Senhor Deus kushipahaira dasibi binuatũ hãtxa nĩkakãwẽ: ‘Haska mã hiwekũkainai inũ haska mã akubainai pewakubaĩshãkãwẽ. Mã haska waya na mai pakea anu ẽ matu hiwemakubaĩshanaii, hawa mai pakea betsa anu matu yunuamarã.

Jeremias 7:7

na mai anu hawa heneama matũ shenipabu ẽ hatu ibuwamani anu mã hiwearã, ẽ matu hiwemakubaĩshanaii.