Hechos 7:2 - Kaxinawá Bíblia (BR)

² nĩkaibũ Estêvãonẽ hatũ yukai kemakĩ: —Ẽ shanẽ ibubu inũ enabuũ, matu yuinũ nĩkakãwẽ. Mesopotâmia mai pakea anu nukũ shenipabu Abraão Harã mae ewapanu kariama bebũkiri nukũ Epa Deus kuxipa pepatũ yubakĩ unãmakĩ hanu hiweshanai anu

Kashinawa : Diosun Jesúswen taexun yuba bena yiniki

² ninkaibun Estebanen jatun yukai kemakin: —En xanen ibubu inun enabuun, matu yuinun ninkakanwen. Mesopotamia mai pakea anu nukun xenipabu Abraham Harán maewan anu kadiama bebunkidi nukun Epa Dios kushipa pepatun yubakin unanmakin janu jiwexanai anu

Hechos 7:2 Referans Kwoze

Gênesis 11:31

Hanushũ Tera Abrão inũ hawẽ aĩ Sarai inũ hawẽ berẽ Ló iyui Caldéia mai pakea anua hawẽ mae Ur kaĩkaĩkĩ henebaini Canaãkiri kakũkaini atimas mae pepa betsa natiã hawẽ kena Harã anu hikitã hawẽ bake debuniwẽ taeshũ mae kenakĩ: “Harãki”, atã hanu hiweaibũ

Hechos 22:1

—Ẽ betsabu inũ ẽ epabuũ, haska ẽ txakabuma ekiri matu yuinũ ea nĩkakãwẽ— hatu wa

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

Gênesis 15:7

ana yuikĩ: —Earã, ẽ Senhor Deuski. Na mai mĩ bĩshanũ mia inãkatsi ikĩ mĩ mae Ur Caldéia mai pakea anua ẽ mia iweniki— aka

Apocalipse 4:11

“Dasibi damiwakĩ mĩ xinãwẽ hamapai dasibi mĩ damiwani mĩ nukũ Shanẽ Ibu inũ mĩ nukũ mekenika yushĩ Deuski. Haskawẽ taeshũ mia besti kẽwãkĩ nũ mia duawakubainaii”, akaibu uĩkĩ ẽ matu keneshunaii.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

1 Coríntios 2:8

Haskakiri shanẽ ibubu Deusũ hatu unãmarã, haska xinãkĩ nukũ Shanẽ Ibu mastama ikeanibuki. Hakia hawa shabakabi xinãbumawẽ taeshũ nukũ Shanẽ Ibu kuxipa duapa cruzki nuku mastashũkĩ xinãma kanekĩ itsa wanibuki.

Hechos 23:7

“Mawa ana besteãbuma ishanai inũ Deusũ nai tsuma inũ yushĩ hayamaki”, ikĩ saduceubũ yuimisbũ hanua fariseubu haskama: “Mawabu ana bestẽshanai inũ Deusũ nai tsuma inũ yushĩ hayaki”, akĩ yuimisbukẽ Paulõ ha hamebi haskakiri hatu hãtxa wai nĩkatã fariseubu inũ saduceubu ha iki hanubi kemanamei ha itxabu anua pashkaibũ

João 12:41

Hanushũ Isaíasĩ namai keskakĩ Jesusũ kuxipa uĩtã hakiri txanikĩ hatu keneshuniki.

Lucas 2:14

“Mai anushũ tsuabũra habũ Deus txibãkĩ duawamisbu Deus kuxipahairatũ hau hatu unãnuma hiwemanũwẽ. Haskakẽ dasibibũ Deus kuxipa nai anua hau kẽwãrianũbũwẽ”, hatu watã

Mateus 6:13

Nuku mekekĩ hawẽ txakabuti tibi nuku kaĩmashũyamawe. Ha inũ, hawara txakabu tibi nuku nemashũriakubaĩwẽ, atiki— atã

Isaías 6:3

Habu yuinamei hãtxabaũkĩ yuikĩ: “Meribi pepa, pepahaira Senhor Deus kushipahaira nukũ Shanẽ Ibuhairaki. Hatunã, mai hirabi dasibi hawẽ kushipawẽ atxi keyuaki.”

Salmos 24:10

Ha Shanẽ Ibu kushipahairarã, tsuamẽ? Senhor Deus kushipahairatũ dasibi binu keyua, ha nukũ Shanẽ Ibu kushipa txashakapahairaki.

Salmos 24:7

Mae nai anu hikiti shui beputi dabe bepẽkãwẽ. Bepẽtã ana bepuyamakãwẽ, hau nukũ Shanẽ Ibu kushipahaira hanu hikiyushanunã.

Josué 24:2

Israelĩ enabu dasibi Deusũ hãtxa Josué hatu yuikĩ: —Eska nukũ shenipabu Israelĩ mekenika Senhor Deusũ ea yuishinaki. Matu yuinũ ea nĩkakãwẽ: “Henewã Eufrates ukeri kesha betsaurishũ matũ shenipabu Tera inũ hawẽ huni bake dabe Abraão inũ Naor hiweshũ yushĩ betsa betsapa duawakĩ kẽwãpaunibukiaki.

Gênesis 29:4

txashuwã uinikabu Jacó hatu yukakĩ: —Maturã, mã haniamẽ?— hatu wa —Harã anu nũ hiweaki— akabu

Gênesis 12:1

Hanushũ betsatiã Senhor Deusũ Abrão yunukĩ yuikĩ: “Mĩ mae anua kaĩkaĩkĩ minabu shunũbaĩkĩ pashkabaĩwẽ. Mĩ mai henekĩ mĩ epã enabu henekĩ mĩ epã hiweri henebaĩwẽ, hari mĩ hiweshanai anu ẽ mia uĩmashanai anu kakinã.

Hechos 7:1

Haska uĩtã hanushũ Deusbe hawenabu hãtxashunika shanẽ ibu binuatũ Estêvão yukakĩ: —Na haska mikiri yuiaiburã, txanimamẽ?— aka

Efésios 1:17

Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.

Hebreus 11:8

Ha inũ, Abraãonẽ Deus ikũwãkĩ txibãkubainaiwẽ taea Deus habe haria yubakakatsi ikĩ Deusũ kena hawa hẽ iyamama ikũwaĩwẽ taea hawẽ mae henei tashnikaini hani kai unãmabia ha mai pakea betsa anu Deusũ inãshanai anu kanikiaki.

Santiago 2:1

Ẽ betsabu inũ ẽ puibuũ, betsarã, nukũ Shanẽ Ibu Jesus Cristo pepahaira mã ikũwaĩwẽ taeshũ yura tibiwẽ nuitxakai betsa katukĩ betsa danãyamakubaĩkãwẽ.