Hechos 26:16 - Kaxinawá Bíblia (BR)

¹⁶ Beniriwe, ẽ mia anu hushukirã. Mia katutã haska mĩ ekiri dayakũkaini txanikũkaĩshanũ ẽ mia uĩmashu inũ txipu betsa ẽ mia uĩmashanairã.

Kashinawa : Diosun Jesúswen taexun yuba bena yiniki

¹⁶ Benidiwe, en mia anu juxukidan. Mia katutan jaska min ekidi dayakunkaini chanikunkainxanun en mia uinmaxu inun chipu betsa en mia uinmaxanaidan.

Hechos 26:16 Referans Kwoze

Ezequiel 2:1

hanushũ hawẽ hui tashniai ẽ nĩkaya ea yuikĩ: “Miarã, mĩ huniki. Beniwe, ẽ mibe hãtxairã”, ea waya

1 Timóteo 1:12

Nukũ Shanẽ Ibu Jesus Cristõ ekiri pe xinãkĩ ẽ txĩtũtiruma xinãkĩ ea duawakĩ hawẽ daya ea yununiwẽ taeshũ txanima hatũ ea kuxipa wa ẽ kẽwãkubainaii.

Gálatas 1:12

Hakia hunibũ katutã ea yusĩabumabiakẽ Jesus Cristo bestitũ ibubis hawẽ meketi shabakabi ea unãmaniki.

Romanos 15:16

mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.

Colosenses 1:25

Ha inũ, Deusũ hãtxarã, dasibi hiwebaunabu ẽ hatu yuikubaũshanũ ea katutã ea yununi haskawẽ taea mã Cristo ikũwaĩbu matuwẽ nuikĩ ẽ matu merabewakubaĩshanũ Deusũ hawẽ tsuma ea matu washuniki.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Gálatas 2:2

Haskakaini kairã, ẽ xinãnẽma Deusũ haska ea unãmaya ẽ kaniki. Jerusalém anu Jesusũ kuxipayabu yununikabube hatube besti itxatã haska hatumaki Jesuskiri kakape judeubumakiri kashũ ẽ hatu yusĩtãmis ẽ kanemismẽkaĩ ika datebetanã ẽ hatuki txaniniki, hau ea nĩkatã unãnũbunã.

Hechos 23:11

ushaxini ana mexu betsatiã Paulo anu nukũ Shanẽ Ibu Jesus hushũ yuikĩ: —Pauloõ, dateama benimawe. Na Jerusalém anushũ ekiri ikũwãkĩ mĩ hatu yuixina keskari wakĩ Roma anushũ habiaskari ekiri hatu yuiritãshãwẽ— awani kakẽ

2 Timóteo 4:5

Hamẽ mia ikirã, dasibi mĩ xinãnẽ mekei pekĩ bika tenebiai Jesus Cristokiri kakape datã akĩ hatu yuikĩ daya pepa ẽ mia yunubainai xinã betsa wama hatu yusĩkubaĩshãwẽ.

1 Timóteo 4:6

Na haska hãtxa kayabi ẽ mia yuiairã, nukũ betsabu inũ nukũ puibũ ikũwaĩbu habiaskari hatu yusĩkubaĩwẽ. Haskakĩ hawẽ ikũwãti hãtxa mĩ haya inũ yusĩa pepa mĩ txibaĩ ana hawẽ huĩti kuxipakũkaini Jesus Cristõ tsuma pepa mĩ ikũkaĩshanaii.

1 Tesalonicenses 3:2

nukũ betsa Timóteo nukubetã Cristokiri kakape yusĩmis matu anu nũ nitxĩmaki, hau matu xinã txãkãwãkĩ hau matu ana kuxipa wai kanunã.

Colosenses 1:7

Mã haska ikaiburã, nukũ haibuhaira Epafrasĩ nuku keska Cristõ tsuma nukube dayakĩ matu anushũ txĩtuãma matu nuku yusĩshũkubaĩmis

2 Coríntios 5:18

Na haska Deusũ daya tibirã, Cristo hamebi hawẽ Epa daewakĩ hawẽ haibuaibu nuku wamaniki. Haskawẽ taea nũ daenamei haibunamenũbũ nuku katunishũ hawẽ kakape nuku yusĩmakubaũmiski.

2 Coríntios 4:1

Haskakẽ Deus nukuwẽ dabanã ikĩ hawẽ yuba benakiri nũ yusĩnũ ishũ nuku yununiwẽ taea hawẽ babui punu nukai nũ beshtekeisbumaki.

Romanos 1:5

Haskawẽ taeshũ Jesus Cristo ẽ ikũwãniwẽ ea duawakĩ Jesusũ kuxipaya Deusũ ea wanikẽ yura betsa betsapa tibitũ hau habũri Jesus Cristo nĩkatã txibãkĩ kẽwãshanũbũ hawẽ daya ashũkĩ ẽ hatu tapĩmakubaunaii.

Hechos 22:10

eãri yukakĩ: “Shanẽ Ibuũ, haskapa?” ẽ aka ẽ Shanẽ Ibũ ea yuikĩ: “Benikaini kai Damasco anu karitãwẽ, harishũ mĩ haskakũkaĩshanai tsuãra mia yuishanikikirã”, ea akaya

Hechos 21:19

hatube yuka itã hanubi Paulõ hatu hãtxa wakĩ haska Deusũ merabewakĩ dayamakĩ hamapai betsa tibi judeubuma anushũ Jesus hatu ikũwãmakubainai binumakubaĩxina hatuki txaniai

Hechos 20:24

Habiaskabiakẽ earã, ẽ hiweawẽ nui yauxiama ẽ daya Jesusũ ea yununiwẽ taeshũ Deus yurabuwẽ nuikĩ haska wakĩ hawenabu hatu wakatsis ikaikiri punu nukama benimai heneama ẽ hatu yusĩkĩ keyukatsis ikũkainaii.

Hechos 6:4

Hakia nukubunã, Deusbe hãtxakĩ heneama hanushũ hawẽ hãtxa pepa matu inũ betsabu yusĩkĩ nũ henetirumaki— hatu wabu

Hechos 1:25

hau Judasĩ hawẽ txakabuwẽ taeshũ hawẽ kuxipa daya benutã hanu nuitapai kakẽ hau hawẽ daya kuxipa betsã binunã— atã

Hechos 1:17

Hamẽ Judasrã, ha dukũ Jesusũ nukube katushũ nukube daya inãriayama ikimaki.

Hechos 26:15

eãri yukakĩ: “Shanẽ ibuũ, mĩ tsua iki ikai?” ẽ wa hanushũ ea yuikĩ: “Habia ea ikũwaĩbu mĩ hatu itxakawakubainairã, ẽ Jesuski.

Efésios 3:3

Haskakẽ hawẽ xinã hunea Jesus Cristokiri ea shabakabi unãmani eskarabes ẽ dama matu keneshũshu