Hechos 2:42 - Kaxinawá Bíblia (BR)

⁴² Hanushũ Jesusũ kuxipayabũ hatu yusĩaĩbu habũ hatũ yusĩa tapĩkĩ txĩtuãma hawara hatũ hamapai pashkai merabenaĩ inũ, itxashũ hatubetã Jesus hatu mawashunima xinãkĩ misi pikĩ inũ, habubetã Deus kuxipa yukakubainibukiaki.

Kashinawa : Diosun Jesúswen taexun yuba bena yiniki

⁴² Januxun Jesúsun kushipayabun jatu yusiainbu jabun jatun yusian tapinkin chintuanma jawada jatun jamapai paxkai medabenain inun, ichaxun jatubetan Jesús jatu mawaxunima shinankin misi pikin inun, jabubetan Dios kushipa yukakubainibukiaki.

Hechos 2:42 Referans Kwoze

Hebreus 10:25

Ha inũ, Deusũ hãtxa tapĩ itxai heneyamakubainãkãwẽ, haskai betsabu babui txĩtũkanikikirã. Haskama betsabube merabenãkatsis ikĩ hatu uĩmakĩ hamakiri xinãbiabainaibũ hatu beya wakĩ xinã txãkãwãkĩ hatu benimawakubaĩkãwẽ. Hatu haska wakĩ ma Jesus ana hua kemai uĩkatsirã, xinã txãkãhairai hatube itxai heneyamakubaĩkãwẽ.

Hechos 1:14

Habu haskabiranima ha dĩtu anu itxai Jesusũ betsabu inũ, hawẽ ewa Maria inũ, aĩbuaibu habũ ikũwaĩbu hatube itxashũ shaba tibi hau Deusũ hatu merabewanũ yukakubainibukiaki.

1 João 1:3

Ha kakape nukubũ uĩkĩ nũ nĩkanirã, Epa Deus inũ hawẽ bake Jesus Cristobe nũ hatube dasia keskariai maturi mã nukube dasirianũbũ nũ matuki txanikũkainaii.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.

Hechos 2:46

Hanua shaba tibi Templo hemaĩtĩ anushũ kuxipa yukakĩ hiwe anushũri itxashũ hawa txĩtuãma xinã txãkãbetanã hatubetã pikĩ Jesus hatu mawashunima xinãmati misi pikĩ

Hechos 20:7

Habianuari domingo mexu merã haska nuku yunubaini Jesus nuku mawashuni xinãmati misi tũkeshũ pikatsi ikũwaĩbubes nũ itxa mexukiri kanũ ishũ Paulõ nuku yusĩ yamenapũ hãtxa heneriamakẽ

Efésios 6:18

Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

Judas 1:20

Ẽ betsabu inũ ẽ puibuũ, tsuabura ẽ matuwẽ nuiairã, matu yuinũ nĩkakãwẽ. Ikũhairawai ana kuxipanamei hawẽ besti mestẽtã txĩtuãma meribi hiweshũyukĩ Deusũ Yushĩ Pepatũ matu xinãmakĩ yuimaya Deusbe hãtxai hawẽ kuxipawẽ dayuikubaĩkãwẽ.

Colosenses 4:2

Mã Cristo txibaĩbunã, hawara betsakiri mã xinaĩ Deusbe hãtxakinã, hawa txikixkĩ heneama apakekãwẽ, haskawẽ taeshũ Deusũ matu ashuã uĩkĩ kẽwaĩ: “Peki”, ikũkainirã.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

2 Timóteo 3:14

Haskabiaibũ miarã, Deusũ hãtxa pepa mia yusĩabu tapĩtã mĩ ikũwãni habiaskas xinãkĩ txibãkubaĩwẽ.

Efésios 2:20

Haskakẽ mã ikũwaĩbu dasibirã, mã mixki hiwe keskabuki. Habu dukũtũ mixki hiwe wakatsi bepushkĩ buyamisbu keskarã, Jesusũ kuxipayabu inũ hawẽ hãtxa yuishunikabũ yusĩkĩ Jesus Cristokiri besti akaibu txanima Cristo hamebi hawẽ mestẽwãti kayabiki, mixki ewapa maratãshũ tsamĩkĩ mestẽwãmisbu keskarã.

Hechos 14:22

mae tibi anushũ hau habũ hatu yusĩshanũbũ ikũwaĩbu yusĩkĩ hatu mestẽwãkĩ yuikĩ: —Eskaki, nĩkakãwẽ. Deus shanẽ ibuaiki nũ dasishanaibu nuku itxakawakubaĩshãkanikiki. Habiaskaki. Habiaskabiakẽ hawa datei txĩtuãma Jesus ikũwãpakeshãkãwẽ— akĩ menetã

Hechos 6:4

Hakia nukubunã, Deusbe hãtxakĩ heneama hanushũ hawẽ hãtxa pepa matu inũ betsabu yusĩkĩ nũ henetirumaki— hatu wabu

Hechos 4:31

Deusbe hãtxai meneaibũ habiatiãri hanu itxabu anu patxa sakuaya Deusũ Yushĩ Pepatũ hatu dasibi atxikĩ kuxipa wakĩ keyua hanushũ ana dateama Deusũ kakape hawenabu hatu shabakabi yuikubainibukiaki.

1 Coríntios 10:21

Ha inũ, Deus kẽwãkĩ Jesus nuku mawashuni xinãmati nushuti akatsis ikĩ yushĩ dami betsa hawẽ kẽwãti nushuti inaĩbu ayamakãwẽ. Jesusũ yura xinãmati misi pikatsis ikĩ yushĩ dami betsa hawẽ kẽwãti inaĩbu piyamariakãwẽ. Haska inũ, ma Deus kẽwãbiai ana husikaĩ yushĩ dami betsa kẽwãtimahairaki, txakabu irumai keskairã.

Romanos 12:12

Ha inũ, Deusũ matu yubani hawa betsa wama ishanai unãkĩ mã manaiwẽ taea benimai hiwekubaĩkãwẽ. Ha inũ, matu itxakawaibu bika tenei txĩtuãma mestẽkubaĩkãwẽ. Haskakĩ Deusbe hãtxakĩ hamapai tibikiri yukai heneyamakubaĩkãwẽ.

Hebreus 10:39

Haskakẽ betsabũ Jesus txibaĩ txĩtuaĩbu habu Deusũ kupiaya ea inũ mã ebetã Jesus ikũwaĩ txĩtuãma nũ txibãkubaĩmisburã, hawẽ pashai Deusbe nũ hiwekũkaĩshanaii.

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

1 Coríntios 11:2

Ẽ matu yusĩtani habi txibaĩ mã txĩtuãmawẽ taeshũ benimakĩ ẽ matu kẽwaiĩ.

Hechos 20:11

Paulo ana nukube inakaĩ Jesus nuku mawashuni xinãmati misi tũkeshũ nuku pimatã ana nuku yusĩ nukube hãtxaxini ma shabaya hãtxa menetã nũ kaya

1 João 2:19

Habu tashnirã, nãtekea beama habia nuku anua iki taebaĩkanikiki. Nukube itxabiamisbu Jesus Cristo danaĩ ana nukube itxama haki sinatakanikiki. Hamẽ nukubetã ikũwaĩbunã, nuku pashkabainama itirubuki. Hakia nuku pashkabainaibu uĩkĩ ikũwã kayabiabuma mã shabakabi unãtirubuki.

Gálatas 1:6

Cristo nuikipa pepawẽ taeshũ Deusũ matu katukĩ unãmabianiwẽ taea kanekĩ hawaira henei yusĩa betsaki maekĩ mã harakiri ea xinãtima kayawai e ikĩ ẽ nĩkaii.

Hechos 4:23

Hanua Pedro inũ João hatu hawa wama hatu kaĩmabu kaĩbaĩ hatũ haibuaibuki nukutuxitã hatube itxatã dasibi Deusbe hawenabu hãtxashunika shanẽ ibubu inũ mae shanẽ ibubũ hatu haska wakãshu hatuki txaniaibu

Lucas 24:35

hanushũ haska Jesus unãriamabia bai tanabaĩkĩ Jesusũ ha dabe hatube kakĩ yusĩshu yuitã hanushũ misi tũkeshũ hatu inaĩ anu atimas shabakabi uĩbirã hatu yuiaibũ

Lucas 24:30

habianushũ hatubetã pinũ ika bashti itã misi bishũ piti hayabuwẽ taeshũ Deus kẽwãtã tũkeshũ hatu inãyã

1 Coríntios 14:6

Hanua ẽ betsabu inũ ẽ puibuũ, matu anu yusĩ kashũ hãtxa mã nĩkatirumawẽ matu yusĩkĩ hawa ẽ matu pe merabewatirumaki. Matu haska wama hawara Deusũ ea unãmai inũ hawara txanima ẽ unaĩ ẽ matu yuitiruma inũ, hawẽ hãtxa ẽ matuki txanitiruma inũ, hawara yusĩa betsawẽ ẽ matu merabewatiruma iniki.

Filipenses 1:5

Deusũ kakape hawẽ bakekiri matu anu hiki taeshũ ẽ matu yusĩa nĩkakĩ ikũwãtã ebetã txibãkĩ ea merabewanishũ hawa heneama natiã mã apakeaii.