Hechos 19:26 - Kaxinawá Bíblia (BR)

²⁶ Ha yusĩnã Paulõ hatu yuikĩ: “Mekenẽ hunĩ damiwarã, yushĩ kuxipa deusmaki”, akĩ yurabu habũ bimisbu nuku putamakanikiki. Nenu nukũ mae Éfeso anu bestima hakia Ásia hirabi anushũ hatu yusĩkubaunai nĩkakĩ hatu haska wai mã unaiĩ.

Kashinawa : Diosun Jesúswen taexun yuba bena yiniki

²⁶ Ja yusinan Pablon jatu yuikin: “Mekenen junin damiwadan, yushin kushipa diosmaki”, akin yudabu jabun bimisbu nuku putamakanikiki. Nenu nukun maewan Éfeso anu bestima jakia Asia jidabi anuxun jatu yusinkubaunai ninkakin jatu jaska wai man unaiin.

Hechos 19:26 Referans Kwoze

1 Coríntios 8:4

Yushĩ dami kẽwãti betsa kẽwãkĩ hawẽ kẽwãti nami inãnãnaĩbu bitã mã piaiburã, haskarã nũ unãriaii. Hawẽ kẽwãti yushĩ dami hiwea hayama inũ hawa kuxipa hayamahairaki. Hakia nukũ mekenika Deus bestitxai hiwea nũ unaiĩ.

Hechos 17:29

Nũ haskai Deusunabukĩ nũ haska xinãtirubumabiakẽ hunibũ xinã txakakĩ Deus haska keska dabanẽ hatũ xinãwẽ habũ deus wakĩ ouro inũ prata inũ mixki dami wamisbuki.

Apocalipse 9:20

Hakia ha yura tesheabu isĩ txakabuwẽ habu mawabuma habũ txakabuwakubaĩkĩ heneama yushĩ txakabu kẽwãkĩ heneabumariki. Ha inũ, yushĩ dami betsa ouro mane inũ, prata mane hushupa inũ, bronze mane taxipa inũ, mixki dami inũ, hi dami ha dami betsa betsapabũ uĩtiruma inũ, nĩkatiruma inũ, maputiruma kẽwãkĩ heneabumaki.

Hechos 19:10

ano dabe nitxiãyã ha mai pakea Ásia anu hiweabu dasibi judeubu inũ judeubumã Shanẽ Ibu Jesus mekenãkiri yusĩaĩ nĩkakubaĩnaibũ

Hechos 14:15

—Hunibuũ, hawakĩ mã nuku haska wai? Nuku haska wayamakãwẽ. Nukurã, matu keskari nũ habias huniki. Ha yushĩ dabe mã kẽwãmistũ matu hawa washũtirumaki. Haskawẽ taeshũ mã kẽwãmis henetã Deus hiweatũ nai inũ, mai hirabi inũ, iãnẽwã dasibi inũ, hanu hiweabu dasibi damiwani matũ xinã betsa watã mã kẽwãkubaĩshanũbũ hakiri hawẽ bakekiri kakape matu yusĩtanũ ika nũ huxiãki.

Deuteronômio 4:28

Nawa betsa betsapabu anushũ harishũ yushĩ hunibũ hatũ mekẽnẽ dami wakĩ hi inũ mishki dami wamisbu ha damirã, uĩtirubuma inũ, nĩkatirubuma, inũ pitirubuma inũ, huĩsinatirubumabiakẽ nawabũ beya txibãkĩ mã hatubetã kẽwãshanaii.

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

Gálatas 4:8

Uatiã Deus kayabi unãriama matũ mekenã dami yushĩ betsa betsapa kẽwaĩ hatũ escravo tsuma mã inibuki, haskatimabiakenã.

1 Coríntios 12:2

Jesus mã ikũwãriama yushĩ txakabũ ha dami betsa txakabu hiwea hayama inũ hãtxa hayamatũ hawa xinãma haskati dabanẽ matu iyua mã kẽwãkubainirã, haskarã, mã unaiĩ.

Hechos 18:19

Éfeso mae ewapanu keti itã habianu Áqüila inũ Priscila baxibaini hanu judeubu itxamisbu hiwe anu Paulo ha mesti kashũ Jesuskiri yusĩ hatube hãtxanameaya

Hechos 19:1

Apolõ Corinto anushũ hatu yusĩayã hanua Paulori mati matipa anu kapukei Ásia mai pakea anu kakũkaĩni Éfeso anu hikitã ikũwaĩbuki nukushũ

Hechos 19:25

habu habias keskari dayamisbu hatu itxawashũ yuikĩ: —Ebe dayamisbuũ, haska nukukiri txakabu yuiaibu matu yuinũ ea nĩkairakãwẽ. Nukũ dayawẽ pepai nũ hiwemisbu mã unaiĩ.