Hechos 17:24 - Kaxinawá Bíblia (BR)

²⁴ Yavé Deusunã, mai hirabi inũ dasibi nũ hanu hiweabu Deusũ damiwanirã, dasibi hawenaski. Ha nai anua inũ mai anua dasibi mekei shanẽ ibuaya hunibũ haska wakĩ duawanũ, iwanã, hatũ xinãnẽ templo hawẽ kẽwãti hiwe washunabu anu besti hiweamakiaki.

Kashinawa : Diosun Jesúswen taexun yuba bena yiniki

²⁴ Yavé Diosunan, mai jidabi inun dasibi nun janu jiweabu Diosun damiwanidan, dasibi jawenaski. Ja nai anua inun mai anua dasibi mekei xanen ibuaya junibun jaska wakin duawanun, iwanan, jatun shinanen templo jawen kenwanti jiwe waxunabu anu besti jiweamakiaki.

Hechos 17:24 Referans Kwoze

Hechos 7:48

hanu hunibũ hiwe wabu anu ha Deus dasibi binu keyua hiwetirumabiakenã. Habiaskari Yavé Deusũ hawẽ hãtxa yuishunika hãtxamakĩ:

Isaías 66:1

Hanushũ Senhor Deusũ ana hatu yuikĩ: “Nai anurã, hanu shanẽ ibui ẽ tsaumiski. Hamẽ maikirã, ẽ tae ẽ hanu kẽyãmiski. Ea hanu huĩrukũmanũ ishũ hani tsuã ea duawakĩ shaba betsa anu ea hiwe washũtirumẽ? Tsuã atirumaki.

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Salmos 115:16

Nairã, Senhor Deusunaki. Hamẽ mairã, yurabu yununiki.

Apocalipse 20:11

Hanushũ Shanẽ Ibu haki tsauti hushupa hawẽruahaira nukũ Shanẽ Ibu haki tsauwa ẽ uĩshuki. Tsaukẽ bari inũ, ushe inũ, bixi inũ, mai keyu tsekebaini nixmai yamakainaya

Hechos 14:15

—Hunibuũ, hawakĩ mã nuku haska wai? Nuku haska wayamakãwẽ. Nukurã, matu keskari nũ habias huniki. Ha yushĩ dabe mã kẽwãmistũ matu hawa washũtirumaki. Haskawẽ taeshũ mã kẽwãmis henetã Deus hiweatũ nai inũ, mai hirabi inũ, iãnẽwã dasibi inũ, hanu hiweabu dasibi damiwani matũ xinã betsa watã mã kẽwãkubaĩshanũbũ hakiri hawẽ bakekiri kakape matu yusĩtanũ ika nũ huxiãki.

Hechos 4:24

haska hatu wakãshukiri nĩkatã dasibibũ Deus kẽwãkĩ yukakĩ: —Nukũ Epa Deusuũ, nai inũ, mai inũ iãnẽwã, inũ dasibi hanu hiweabu mĩ damiwani nũ unaiĩ.

Lucas 10:21

hanushũ Deusũ Yushĩ Pepatũ Jesus benimawakĩ xinã txãkãwã Jesusũ kẽwãkĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— atã

Isaías 42:5

Ha Senhor Deusũ nai hirabi dami wakĩ kaĩmani inũ, mai dami wakĩ tashnimani anu haki hamapai benemisbu inũ, yurabu haki hiweabu hiwea hatu inãkĩ hatu huĩsinamamistũ hawẽ tsuma yuikĩ:

2 Reis 19:15

“Israelĩ enabu mekenika Senhor Deusuũ, mĩ hatube yubakani hãtxa aruti bau mamaki querubin dabe tsaua anu hatu mamaki shanẽ ibu mĩ tsauaki. Nai inũ mai hirabi mĩ dami waniwẽ taea mai hirabi anu shanẽ ibu tibitũ enabu dasibi miã besti mĩ hatu yunumis mekenika Deuski, Deus betsa hayamarã.

Hebreus 3:4

Ha inũ, hunibũ damiwakĩ hiwe inũ mabu wabiamisbũ hatu binukĩ nai inũ mai hirabi Deusũ hawẽ bakebetã damiwaniwẽ taeshũ yurabu hatu binua nũ unaiĩ.

Mateus 5:34

Haska yusĩbianikẽ eãnã, ẽ matu betsa yusĩaiĩ. Hawara betsa tibi datã aki yubakayamakubaĩshãkãwẽ. Eskairã, nai datã akĩ xinaĩ hawẽ yubakayamashãkãwẽ, Deusri hari hiwea inũ haki tsauriakirã.

Isaías 40:12

Ianẽwã itamamai panirã, tsuã hawẽ mekẽ hanakubaĩkĩ ma tananimẽ? Nai natukanã, tsuã hawẽ mekẽnẽ meshãtã ma tanakubainimẽ? Mai mishpu kuru mai hirabi anuarã, tsuã itxawashũ kukiki ma tananimẽ? Mati tibi betsa betsaparã, tsuã ma itxawashũ ma hawẽ shãkama keyunimẽ?

Salmos 24:1

Senhor Deusũnã, haki hanakatsi mestẽwãkĩ teawakinã, hene itxawakĩ ianẽwãri pewashũ dasibi mai hirabi haki hananiki, hau haska ikũkainũ yunukinã. Haskawẽ taea Senhor Deusrã, mai hirabi hawenaski. dasibi haki haya inũ dasibi hawẽ hiwebaunaburã.

Hebreus 1:2

Haska wabiakubaĩkĩ hawẽ bake kuxipa watã mai hirabi dasibi damiwamanishũ dasibi ibu wamanishũ natiã hawẽ henekĩ hawẽ huni bake hãtxamakĩ Epa Deusũ hawẽ hãtxa nuku unãmaniki. Haskakiri matu ana yusĩnũ nĩkakãwẽ.

João 1:1

Bawakĩ taewariama Deusũ Xinaĩ Hãtxati Epa Deusbe hiwea habiaska dabes Deus ipaunibukiaki, niti ikamarã. Hakiri matu yuinũ nĩkakãwẽ.

Isaías 40:28

matubunã, mã unãmamẽ? Mã nĩkaismamẽ? Nukũ Senhor Deus ikibi ini mai hirabi bawakĩ dami wanirã, harã, punu nukatiruma inũ hĩ itirumaki. Haska dasibi shinãkĩ unã keyuai tsuã nĩkakĩ tana keyutirumaki.

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

Isaías 45:18

Nai dami wanika Senhor Deusũnã, mai dami wakĩ tashnimaniki. Haska watã mestẽwaniki. Hatũ mai dami watanã, hau shaka bestiyamanũ yurabu dami wariatã hiwemakĩ yuikĩ: “Ea besti ẽ Senhor Deuski, betsa hayamarã.

Gênesis 14:19

Abrão Melquisedeque pepawakĩ yuikĩ: “Deus dasibi binu keyua hiwea nai inũ mai hirabi damiwanitũ hau mia duawakĩ pepawakubainũwẽ.

Gênesis 1:1

Deusũ nai inũ mai dami wakĩ eska wakĩ taewanikiaki.

Malaquias 2:10

Israelĩ enabu huni dasibibuũ, ẽ ea Malaquiasĩ matu yuinũ ea nĩkakãwẽ. Nuku dasibirã, nũ Epa bestitxai hayamamẽ, dasibi dami wanitũ nuku katunirã? Haskai nukubu nukumebi nũ parananãbukũmisbumẽ, haska Deus nukũ shenipabube yubakani danãkĩ txakabuwairã?

Romanos 1:19

Hawara Deuskiri unãtirubu habu Deusũ unãmakĩ hamebi hatu uĩmamiski.