Hechos 16:1 - Kaxinawá Bíblia (BR)

¹ hanua Paulo inũ Silas kakũkaĩkĩ Derbe inũ Listra ha mae dabe anu yusĩ Listra anua Jesus ikũwaĩ betsa hawẽ kena Timóteoki nukunibukiaki. Hawẽ ewa judeu aĩbũ Jesus ikũwãyã hawẽ epa Gregonawã Jesus ikũwãmakẽ

Kashinawa : Diosun Jesúswen taexun yuba bena yiniki

¹ janua Pablo inun Silas kakunkainkin Derbe inun Listra ja mae dabe anu yusin Listra anua Jesús ikunwain betsa jawen kena Timoteoki nukunibukiaki. Jawen ewa judio ainbun Jesús ikunwanyan jawen epa griegonawan Jesús ikunwanmaken

Hechos 16:1 Referans Kwoze

2 Timóteo 1:5

Ha dukũ mĩ txitxi Lóide inũ mĩ ewa Eunicẽ Jesus Cristo ikũwãni txĩtuĩsbuma keska habias xinã miãri mĩ ikũhairawakĩ mĩ xinã mĩ betsa watiruma ẽ unaiĩ.

2 Timóteo 1:2

Timóteoõ, ẽ mia kene bumai uĩrawe, mĩ Jesus Cristo ikũwaĩwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

1 Timóteo 1:2

Timóteoõ, ẽ mia kene bumai uĩrawe, ẽ mia Jesus Cristo ikũwãmaniwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

1 Tesalonicenses 3:2

nukũ betsa Timóteo nukubetã Cristokiri kakape yusĩmis matu anu nũ nitxĩmaki, hau matu xinã txãkãwãkĩ hau matu ana kuxipa wai kanunã.

1 Coríntios 4:17

Mã haska xinãnũ Timóteõ ebetã Cristo txibaĩ ẽ bake keska txĩtuĩsma hau matu merabewanũ matu anu ẽ nitxiaiĩ. Ha ẽ abumistũ nukũ Shanẽ Ibu ikũwãkĩ txibãkĩ hawẽ yunuti inũ hawẽ nemati ashũkubaĩkĩ ikũwaĩbu itxati tibi anushũ haska ẽ yusĩkubauni keska shabakabi Timóteõ matu yusĩ kaikiki. Nĩkairashãkãwẽ.

Hechos 18:5

hanua mai pakea betsa Macedônia anua Silas inũ Timóteo haki nukui ma bexiãbũ hanushũ hawẽ daya henei datã Paulõ Jesuskiri besti judeubu hatu yusĩhaira bestiyunũ ishũ ana daya kayabi akama hatu yuikĩ: —Ikũki. Deusũ Messias nukũ Shanẽ Ibu nũ manakubaĩmisburã, Jesuski— akĩ hatu unãmai

Hechos 17:14

haska nĩkatã ikũwaĩbũ merabewakĩ hawaira hau Paulo pashanũ iãnẽwã kesha anu iyuaibũ hakia hatu anu Silas inũ Timóteo baxikuaibũ

2 Tesalonicenses 1:1

Ẽ Paulõ, ẽ merabewanika Silvano inũ Timóteobetã ẽ ana matu kene bumai uĩrakãwẽ. Tessalônica mae ewapa anushũ mã ikũwaĩbu nukũ Epa Deus inũ nukũ Shanẽ Ibu Jesus Cristobe mã dasikẽ Deusũ matu duawakĩ hawama unãnuma hau matu hiwemakubainũwẽ.

Colosenses 1:1

Ea ẽ Paulorã, Deusũ hawẽ xinãnẽ Jesus Cristõ hawẽ kuxipaya ea wakĩ ea katuniwẽ taeshũ nukũ betsa Timóteobetã

Filipenses 2:19

Nukũ Shanẽ Ibũ haska xinãyã matu anu Timóteo yunukatsi haska ẽ xinaiĩ, hau matu nĩkatãkĩ matũ kaka beshũ ea benimawayushanunã.

Romanos 16:21

Ha inũ, Deusũ hau matu duawanũ Timóteo ebe dayamistũ hawẽ hãtxa matu yunuriaikiki. Enabu Lúcio inũ, Jasom inũ Sosípatrõ hatũ hãtxa matu yunuriakanikiki.

Hechos 14:6

hanushũ Paulo inũ Barnabẽ banabitã pashai mae Listra inũ Derbe inũ mae betsa betsapa Licaônia mai pakea anu bushũ

Hebreus 13:23

Ha inũ, nukũ betsa Timóteo bitxiti hiwe anua ma tashnimaxinabu ẽ matu unãmaii. Hawairakirã eki nukuaya habe kashũ ẽ matu betximai kashanaii.

1 Timóteo 1:18

Timóteoõ, ebetã Jesus Cristo dayashuni mĩ ẽ bake keskaki. Ea nĩkawe. Jesus Cristo ikũwaĩ haki dakeama txakabu nemakĩ txanima hãtxa mĩ hatu yusĩpakẽnũ Deusũ hatu yunua Jesus Cristo ikũwaĩbu yusĩnã mekenikabũ mia katunibuki. Habiaskari xinãkĩ eãri ẽ mia yunuaii, mĩ kaneama ishanai unaĩnã. Hakia yura betsabu hatiritũ Jesus Cristo ikũwãkĩ taewabianishũ txakabu metã ma txĩtuãbuki, hanushũ kupishanai anu buirã.

1 Tesalonicenses 1:1

Ẽ Paulõ, ẽ merabewanika Silvano inũ Timóteobetã ẽ matu kene bumai uĩrakãwẽ. Tessalônica mae anushũ mã ikũwaĩ nukũ Epa Deus inũ nukũ Shanẽ Ibu Jesus Cristobe mã ma dasia hatubekẽ Deusũ hau matu duawakĩ unãnuma matu hiwemakubainũwẽ.

Filipenses 1:1

Ẽ Paulo inũ Timóteõ, Jesus Cristõ tsumapã, mã habũ Jesus Cristo ikũwaĩbu Filipos anuabu inũ, habũ matu mekemisbu inũ, matu merabewamisbu mã dasibi Jesus Cristoki dasiabu nũ matu kene bumai uĩrakãwẽ.

Hechos 19:22

hanua hau bebũkiri Macedônia anu bunũbũ hawẽ merabewanika dabe Timóteo inũ Erasto yunutã ana usha eskarabesi Paulo Ásia mai pakea anu baxikuyuaya

2 Timóteo 3:11

haska Antioquia anushũ inũ, Icônio anushũ inũ, Listra anushũ ea itxakawakĩ ea bika tenemakubirãyamabu mĩ unaĩ keskakĩ miari bika tenemaibu mĩ teneai ea keskakĩ mĩ mekubainaii. Ea haska tibi wabiaibũ nukũ Shanẽ Ibuã ea hatu mepamakubaĩyamaki.

1 Tesalonicenses 3:6

Hakia mã ikũwaĩ txĩtuãbuma inũ mã abunamei heneama Tessalônica anua haska kaka Timóteõ nĩkatãxĩshũ nuku yuia nĩkai haska nũ matuwẽ nuiai keskariai matũri nuku ana beisnũ ika mã nukukiri xinaĩ matu uĩtani huxĩshũ nuku yuikĩ benimawaxinaki.

2 Coríntios 1:19

Ea inũ Timóteo inũ Silvanonã, Deusũ bake Jesus Cristokiri besti nũ matu yusĩmiski. Hawẽ bake Jesus Cristokiri yubakai hãtxani Deusũ betsa waisma haska menenishũ betsa wama akubaĩmiski.

2 Coríntios 1:1

Ẽ Paulo Jesus Cristõ kuxipayawakĩ Deusũ hawẽ xinãnẽ ea katunikẽ nukubetã ikũwaĩ nukũ betsa Timóteobetã ẽ Paulõ ẽ ana matu kene bumaii. Deusunabu Corinto mae ewapa anushũ mã ikũwaĩbu inũ dasibi nukubetã Jesus txibaĩbu Acaia mai pakea anu manibaunabu ẽ matu kene bumai uĩrashãkãwẽ, haska mã unãnumamẽkainã.

1 Coríntios 7:14

Haska inũ, mĩ benẽ ikũwãmabiakẽ mĩ ma habe biakananiwẽ taeshũ Deusũ mia danãma hakia mĩ ikũwaĩwẽ taeshũ mĩ benẽ ikũwãtirukẽ duawaikiki. Habiaskari wakĩ mĩ aĩnẽ ikũwãmabiakẽ Deusũ danãma hakia mĩ ikũwaĩwẽ taeshũ mĩ aĩnẽ ikũwãtirukẽ duawariaikiki. Huni inũ aĩbũ Jesus ikũwãbumã bake yumeriabumarã, meribi pepatirubumaki. Hakia hunĩ Jesus ikũwaĩ kasmai aĩbũ ikũwaĩ kasmai ha dabe bakeya hatũ bake yumeriamarã, Deus hatuwẽ nuiaya habũ bakẽ ikũwãtiruki, Deusũ duawaiwẽ taeshunã.

Hechos 14:21

harishũri Deusũ hãtxa hawẽ bakekiri kakape hatu yusĩa hanushũ Derbe anushũ hatũ hãtxa abukĩ itxapabũ nĩkakĩ ikũwaĩbũ haria txĩtũkirani Listra inũ, Icônio inũ, Antioquia anu bekubirãkĩ

Hechos 14:1

Icônio anu Paulo inũ Barnabé buxiã hanu judeubu itxamisbu anu hatube hikitã Jesus mekenã bestikiri shabakabi haska nĩkaisbuma hatu pe yusĩkĩ meshtãmaibũ judeubu itxapabu inũ judeubuma itxapabũri nĩkakĩ ikũwaĩbũ

1 Coríntios 16:10

Nukũ betsa Timóteo matu anu hatiara kaya nukũ Shanẽ Ibũ daya ẽ ashũmis keskari akaiwẽ taeshũ hikiai ishũ duawashãkãwẽ.

Filemom 1:1

Ẽ Paulo Jesus Cristokiri kakape ẽ yusĩbaunai ea nemakĩ beshtenũ ishũ ea bitxikĩ akawanibu inũ nukũ betsa Timóteobetã mĩ nukube dayamis nukũ haibu pepa Filemoom, ẽ mia keneshũ bumaii,