Hechos 15:1 - Kaxinawá Bíblia (BR)

¹ habiatiãri habũ Jesus ikũwaĩ judeubu betsa Moisés yusĩa txibãkĩ abuhairamisbu Judéia anua Antioquia anu buxĩshũ Jesus ikũwaĩbu habũri hatu yusĩkĩ: “Judeubumã tsuabũra mã nukubetã Jesus ikũwaĩburã, Moisés nuku yununi beya habũ hina kubitxi biabumarã, Deusũ hatu meketirumaki”, iki hatukiri hãtxaibũ

Kashinawa : Diosun Jesúswen taexun yuba bena yiniki

¹ jabiatiandi jabun Jesús ikunwain judiobu betsa Moisin yusian chibankin bechipaijaidamisbu Judea anua Antioquía anu bushinxun Jesús ikunwainbu jabundi jatu yusinkin: “Judiobuman tsuabunda man nukubetan Jesús ikunwainbudan, Moisin nuku yununi beya jabun jina kubichi biabumadan, Diosun jatu meketidumaki”, iki jatukidi janchaibun

Hechos 15:1 Referans Kwoze

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

Hechos 15:5

hatu haska yuiaibũ judeu shuku betsa fariseubũ Moisés hãtxa txibãhairabiamisbũ ma hatiribũ Jesus ikũwãkĩ txibaĩbu betsa benikawã hatu yuikĩ: —Mã haskakiri hatu yuiairã, nawabu Jesus mã hatu ikũwãmaiburã, haska Deusũ Abraão yununi keska hau hatũ hina kubitxi binũbũ hatu yunukãwẽ. Ha inũ, Moisés nukũ shenipabu yununi beya hau txibãrianũbũ hatu yunuriakubaĩkãwẽ— hatu wa

Colosenses 2:8

Huni betsabũ hatũ yusĩa beya betsawẽ matu unãnepa wapai matu hatu txibãmakatsis ikaibu hatũ yusĩa pe itsa kayatapiamaki. Uĩrakãwẽ, tsuabũra Cristõ yusĩa danãkĩ hakiri xinaĩ hãtxashunabumakirã. Hakia habu ikirã, na mai anushũ yushĩ kuxipabũ yunuai txibãkĩ yusĩa betsã ani hawẽ yusĩnanaĩ kanenibu txibãkĩ matu amakatsis ikubaĩkanikiki, haska habu yusĩnanãkinã.

Hechos 15:24

Haskakẽ nenuari nukunabu nũ hatu yunuamabia buimashũ hatũ beyakiri matu yusĩkĩ matu itimaska waibu nũ nĩkaxinaki.

João 7:22

Hakia Moisés nuku yusĩkĩ yuikĩ: “Hawẽ Deus unãmati wakĩ matũ huni bake oito shaba kaya hawẽ hina kubitxi bikubaĩshãkãwẽ”, akĩ nuku yununiki. Hanũkaĩ ha hina kubitxi bikĩ Moisés taewama nukũ shenipabu Abraãonẽ dukũ bikĩ taewani Moisés xinãkĩ habiaskari nuku yununiki. Haskakẽ huĩrukũtitiãbiakẽ kaneama hina kubitxi mã biriamisbuki.

Gálatas 2:1

Hanua ma 14 ano binukainaya txipu Jerusalém anu ana kakĩ Barnabébetã Tito ẽ iyuniki.

Hechos 15:3

nitxiãbu bui Fenícia mai pakea inũ Samaria mai pakeakiri bukĩ judeubumã haska hatũ xinã txakabu henetã Jesus txibãxinabukiri hatuki txanikubainaibũ mae tibi anushũ ikũwaĩbũ haska waxinabukiri habũ kaka nĩkai benimatxakayamakubainaibũ

Hechos 6:14

“Jesus Nazaré anuatũ Templo yamawatã nukũ beya betsa betsapa Moisés nuku yusĩni betsa washanikiki”, ikai nũ nĩkariakubainaii— hatu wabu

Colosenses 2:16

Judeubu hatũ beya tibi hayabuki. Haska inũ, hatũ beya betsa txibãkĩ piti dasibi pitirubumabia piti betsa besti pitirubuki. Haska inũ, hatũ beya betsa txibãkĩ hawẽ nushuti betsa atirububia betsa atirubumaki. Haska inũ, hatũ beya betsa txibaĩ itxatã besi betsa betsapawẽ besimisbuki, ushe benatiã inũ huĩrukũti sábado tibitianã. Haska tibi txibãkĩ amisbunã, hau matukiri haska xinaĩ ha iyamakubainũbũwẽ.

Hechos 21:20

nĩkabaikĩ hanushũ Deus kẽwãtã habu betsã Paulo yuikĩ: —Nukũ betsaã, mia yuinũ nĩkawe. Nukunabu judeubu mirimabũ Jesus ma ikũwãbiakĩ hawẽ nemati inũ hawẽ yunuti Moisés nukũ shenipabu yusĩni meke pewashũ henekatsi ikama txibãpakemisbũ

Hechos 15:22

hanushũ Jesusũ kuxipayabu inũ mekenikabu inũ ikũwaĩ dasibibũ Tiagõ hãtxa nĩkakĩ abutã Antioquia anu Paulo inũ Barnabébe hau butanũbũ habubetã ikũwaĩbu anua huni dabe unãnepa Judas hawẽ kena betsa Barsabás inũ Silas katutã

Hechos 1:15

Ha shaba tibi haskakubaĩkĩ shaba betsatiã 120 ikũwaĩbu hatube itxa maniabu Pedrõ hatu yuinũ ika benitã hatu yuikĩ:

Hechos 15:23

hatu bumakatsi hatu keneshũkĩ: “Nũ Jesusũ kuxipayabu inũ mekenikabu nũ matubetã ikũwaĩbunã, nũ matu kene bumai uĩkĩ nĩkashãkãwẽ. Judeubuma mã Antioquia mae ewapanu hiweabu inũ, Síria inũ, Cilícia mai pakea anu hiweabũ nukubetã Jesus mã ikũwaĩbu nũ matu xinaiĩ.

Hechos 15:32

Jesusũ kuxipayakĩ Judas inũ Silasĩ Deusũ hãtxa pe hatu meshtamamiswẽ taeshũ ikũwaĩbu hatu merabewakĩ hatu benimawaya ikũwaĩbũ habũ hãtxa abuhairaibũ

Gálatas 6:12

Hi cruzkia mawakĩ nukũ txakabu Cristõ buaniki, haska hari hãtxakatsi ikama ha yusĩnanaĩ parananaĩbũ hau judeubũ hatu dakewakĩ danãkĩ hatu bika tenemayamanũbũ ishũ hau hatukiri pe xinãnũbũ, iwanã, nĩkamas maturi hina kubitxi meshtekatsis ikanikiki. Hatu uĩrakãwẽ.